Sakari 2:1 - Nau Brah Ndu Ngơi 2023

¹ Gâp n'gơr măt uănh, jêh ri aơ, geh du huê bunuyh djôt rse veh tâm ti.

Sakari 2:1 Iomraidhean Croise

Êsai 54:16

Aơ, Gâp yơh rhăk njêng jêh nơm chiăr, Su sa ônh khôm ŭnh, Ƀư ndơ tâm lơh gay dŏng; Gâp đŏng hŏ rhăk njêng nơm ƀư rai Gay ƀư kan nau ƀư rai.

Yêrêmi 31:39

Rse veh mra drăng sŏng tât yôk Garep, jêh ri ndăch dăr bri Gôa.

Yêrêmi 48:25

Brah Yêhôva lah: “Nke bri Môap lĕ bu kăt jêh, tur ti păng hŏ pă jêh.

Êsêkiêl 40:3

Tơlah Păng leo gâp lăp ta nây, gâp saơ du huê bunuyh săk jăn nâm bu du huê bunuyh ma kông. Bunuyh nây dâk ta ndring mpông, ti djôt rse ndrăn mhay jêh ri du mlâm mâng ndăl gay ma veh.

Êsêkiêl 40:5

Ri, geh du mlâm mpêr văr jŭm padih ngih brah. Bunuyh nây djôt tâm ti du bông mâng gay ma veh, jong pe met, jêng prao amma, ăp amma nây jong lơn met vay dŏng du nđam. Bunuyh nây veh nau dĭ mpêr jêng du bông mâng jêh ri nau prêh jêng du bông mâng.

Êsêkiêl 47:3

Păng hăn rlet mpeh luh nar, ta ti djôt du njăr rse veh, bunuyh nây veh geh prăm rhiăng met, jêh ri leo gâp re rgăn dak; dak nây jru dah rmăng jâng iăr.

Êsêkiêl 47:4

Păng veh đŏng prăm rhiăng met jêh ri leo gâp hăn rgăn dak; dak nây jru tât kômâk. Păng veh tay prăm rhiăng met đŏng jêh ri leo gâp hăn rgăn dak; dak nây jru dah bŭt.

Daniel 7:7

Jêh ma nây, tâm nau tâm saơ dôl măng gâp saơ tay du mlâm mpô mpa rơh puăn, uănh janh, krit ngăn jêh ri ktang ngăn. Păng geh neng loih toyh; păng rvăn jêh ri ƀư nchah, jêh nây jot plên ma jâng ndơ hôm e. Păng jêng êng đah lĕ mpô mpa tât lor jêh ri păng geh jât mlâm nke.

Sakari 1:16

Yor nây, Brah Yêhôva lah: ‘Gâp mra plơ̆ yô̆ đŏng ma ƀon Yêrusalem. Ngih brah Gâp mra ndâk tay ta ntŭk nĕ, jêh ri rse veh di rnhuan mra nthăng tâm ƀon Yêrusalem.’ Brah Yêhôva ma phung tahan lah.

Sakari 1:18

Jêh ma nây, gâp n'gơr măt uănh, jêh ri saơ, geh puăn mlâm nke.

Nau Tâm Mpơl 11:1

Nôk nây bu ăn ma gâp du mâng veh nâm bu mâng jra jêh ri lah pô aơ: “Dâk hom jêh ri veh ngih brah Brah Ndu jêh ri nơng ƀư brah nđâp ma phung bunuyh yơk mbah tâm ntŭk nây.

Nau Tâm Mpơl 21:15

Tông mpăr ngơi đah gâp geh mâng veh jêng mâng jra mah gay ma veh ƀon nây, lĕ mpông jêh ri mpêr ƀon.