Sakari 14:9 - Nau Brah Ndu Ngơi 2023

⁹ Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Sakari 14:9 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 67:4

Ăn lĕ rngôch bunuyh răm maak jêh ri hâk maak mprơ tâm rnê, Yorlah May mra phat dôih lĕ mpôl băl bunuyh ma nau sŏng Jêh ri njŭn leo lĕ bunuyh tâm neh ntu. (Sêla)

Nau Mprơ Ơm 72:17

Ăn amoh Păng mra hôm ƀaƀơ, Ndah hôm jŏ nar pôri amoh hađăch mra hôm gŭ kơt nây lĕ; Bu mra tâm amoh păng jêh ri ăn nau ueh uĭn ndrăng khân păng nơm! Lĕ rngôch mpôl băl bunuyh mra uănh ma hađăch jêng nau ueh maak.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nau Mprơ Ơm 97:1

Nau Brah Yêhôva chiă uănh! Ơ neh ntu, hâk maak hom! Ơ lĕ rngôch gôl dak mƀŭt, maak răm hom!

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Amôt 9:12

Gay ma khân păng pit in lơi phung hôm klen tâm Êđôm Jêh ri lĕ rngôch bri dak dơi kuăl tâm amoh Gâp.” Brah Yêhôva lah; Păng yơh mra ƀư lôch lĕ ntil nau aơ.

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Mika 5:4

Păng nơm mra jêng nau đăp mpăn ma he. Lah phung Asiri mra tât tâm bri he Jêh ri tŭn jot plên tâm ngih hađăch he, Pôri he mra n'hao pơh nuyh rmăk biăp Jêh ri pham nuyh kôranh bơh phung ƀon lan gay tâm rdâng đah păng.

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Sôphôni 3:9

Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Nau Vay Nkah Tay 6:4

Hơi Israel! Gŭ iăt hom: Yêhôva Brah Ndu he, jêng Brah Yêhôva knŏng nguay dơm.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”