Sakari 14:7 - Nau Brah Ndu Ngơi 2023

⁷ Êng ngăn tâm du nar nây knŏng Brah Yêhôva dơm mra gĭt; mâu di lĕ nôk nar, mâu lĕ di bri măng, yorlah bri măng ngo mra geh nau ang.

Sakari 14:7 Iomraidhean Croise

Nau Mprơ Ơm 37:18

Brah Yêhôva gĭt mrô nar phung sŏng Jêh ri drăp ndơn khân păng mra tât n'ho ro.

Êsai 11:9

Khân păng mâu mra ƀư mhĭk, mâu lĕ chôk bu khĭt Tâm lĕ yôk kloh ueh Gâp, Yorlah nau gĭt rbăng Brah Yêhôva mra bêng ler lam neh ntu Nâm bu lĕ n'hong dak nkŭm bêng dak mƀŭt.

Êsai 24:23

Khay mra bêk, Nar mra đit; Yorlah Brah Yêhôva ma phung tahan mra chiă uănh Ta yôk Siôn jêh ti ta ƀon Yêrusalem, Păng mra tâm mpơl nau chrêk rmah Tanăp phung kôranh bu ranh Păng.

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Êsai 58:10

Tơlah may lĕ nuih n'hâm mĭn rvê ma nơm ji ngot, Jêh ri ƀư tŏng nau ŭch bunuyh rêh ni, Pôri nau ang khân may mra nchrat luh tâm nau ngo, Jêh ri nau ngo may mra ang nchrat tâm ban ma nar nklang bôk.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Daniel 12:4

Bi may, hơi Y-Daniel, nchăng hom nau aơ jêh ri tâp pŏng lơi ndrom samƀŭt aơ kŏ tât ta rnôk nglĕ dŭt. Âk bunuyh mra nsong ta aơ ta ri jêh ri nau gĭt rbăng mra hao lơn.”

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Amôt 8:9

Kôranh Brah Yêhôva lah: “Tâm nar nây, Gâp mra ƀư ăn nar nhâp tŭp nar nklang bôk Jêh ri ƀư ăn ngo neh ntu dôl nôk nar.

Mathay 24:36

“Ma nar jêh ri mông nây, mâu geh du huê bunuyh gĭt ôh, nđâp ma tông mpăr klơ trôk mâu lah Kon mâu dơi gĭt lĕ, knŏng êng Mbơ̆ Gâp dơm gĭt.

Markôs 13:32

Ma nar jêh ri mông nây, mâu geh du huê bunuyh gĭt ôh, nđâp ma phung tông mpăr klơ trôk, mâu lah Kon Bunuyh mâu dơi gĭt lĕ, knŏng êng Mbơ̆ dơm gĭt.

Kôranh Oh Mon 1:7

Păng plơ̆ lah: “Ma rnôk jêh ri mông nar Mbơ̆ nơm geh nau dơi tâm nal, nây jêng nau khân may mâu gĭt ôh.

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.

Nau Tâm Mpơl 21:23

Ƀon nây mâu hôm ŭch geh nar ôh, mâu lah khay sol ang, yorlah nau chrêk rmah Brah Ndu sol ang ƀon nây, jêh ri Kon Biăp jêng kađen ma ƀon.

Nau Tâm Mpơl 21:25

Lĕ mpông ƀon bu mâu hôm ntĭl ôh dôl nar, yorlah ta nây mâu hôm geh măng ôh.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.