Sakari 14:2 - Nau Brah Ndu Ngơi 2023

² Gâp mra rgum lĕ rngôch bri dak tâm lơh đah ƀon Yêrusalem. Bu mra sŏk gro ƀon toyh, bu pit in ngih vâl, phung bu ur bu mra nchâp gay bê̆ch ndrel; n'gul ƀon mra hăn ƀư bu nă, ƀiălah phung ƀon lan hôm e bu mâu mprơh ngluh ôh tă bơh ƀon.

Sakari 14:2 Iomraidhean Croise

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 4:3

Phung hôm e klen gŭ tâm ƀon Siôn, phung hôm e klen gŭ tâm ƀon Yêrusalem mra dơi rnha jêng phung kloh ueh. Ăp nơm bu nchih prăp jêh tâm ndrom samƀŭt ma phung rêh tâm ƀon Yêrusalem.

Êsai 5:26

Păng mra ndâk du n'ha kơ ma phung ndŭl mpôl gŭ ngai, Jêh ri uh nŭng kuăl khân păng bơh dŭt rplay neh, Aơ, khân păng văch ma nau ndal, ngăch ngăn!

Êsai 65:18

Ƀiălah maak hom jêh ri hâk răm hom mro mrăng Ma lĕ nau Gâp hŏ rhăk njêng; Yorlah aơ, Gâp rhăk Yêrusalem jêng nau hâk răm, Jêh ri phung ƀon lan păng jêng nau maak.

Yêrêmi 21:4

‘Yêhôva Brah Ndu Israel lah: Aơ, Gâp mra plăch rlơ̆ lơi ndơ tâm lơh khân may dôl djôt tâm ti gay tâm lơh mprơh lơi hađăch Babilôn jêh ri bunuyh Kaldê aƀaơ nchueng jŭm khân may ta padih mpêr ƀon, jêh ri rgum khân păng ta nklang ƀon aơ.

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Yôel 3:9

Mbơh hom nau aơ ta nklang lĕ bri dak: Ndrăp hom ma nau tâm lơh, Nsônh hom phung tahan janh ktang. Lĕ rngôch phung tahan tâm lơh hăn văch tât hom jêh ri rduh hom tâm lơh!

Amôt 7:17

Yor nây, Brah Yêhôva lah: ‘Ur may jêng du huê bu ur tăch săk tâm ƀon toyh; Phung kon bu klâu jêh ri phung kon bu ur may mra cha lôt khĭt ma đao; Bri may bu mra veh jêh ri tâm pă, Bi may nơm mra khĭt tâm du n'gor bri ƀơ̆ ƀơch, Jêh ri nanê̆ ngăn Israel mra hăn jêng bu nă ngai ma bri khân păng nơm.’”

Sakari 12:2

“Aơ, Gâp mra ƀư ăn Yêrusalem jêng du mlâm kachok ndrănh ƀư vĭr măt ma lĕ rngôch phung ƀon lan gŭ jŭm păng; jêh ri lah bu nchueng jêh ƀon Yêrusalem pôri phung Yuđa bu ŭch hăn lơh đŏng.

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Sakari 12:9

“Tâm nar nây, Gâp mra joi gay ƀư rai lĕ rngôch phung ntil mpôl bunuyh văch tât tâm rdâng đah ƀon Yêrusalem.”

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Markôs 13:14

Ƀiălah tơlah khân may saơ nau ƀơ̆ ƀơch ngăn ƀư nau rai ta ntŭk mâu dơi vay ƀư ôh (mbu rŏ mra gĭt vât), pôri mbu dôl gŭ tâm n'gor Yuđa nchuăt du hom klơ yôk;

Markôs 13:19

Yorlah tâm lĕ nar nây mra geh nau rêh ni ntơm bơh rnôk rhăk trôk neh ntu, rnôk Brah Ndu rhăk njêng trôk neh ntu n'ho tât ma aƀaơ aơ, mâu prot geh, jêh ri pakơi taơ mâu đŏng geh tâm ban pônây.

Luka 2:1

Nôk nây, Sêsar Ôgustus ăn samƀŭt nau ntrŭnh gay kơp rnoh bunuyh tâm lam neh ntu.