Sakari 13:9 - Nau Brah Ndu Ngơi 2023

⁹ Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Sakari 13:9 Iomraidhean Croise

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

Ndrom Samƀŭt bơh Yôp 23:10

Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Ndrom Samƀŭt bơh Yôp 28:1

“N'hêl nanê̆ dơi geh ntŭk gay ma sŏk prăk, Geh ntŭk gay ma krĕt mah.

Nau Mprơ Ơm 144:15

Ueh maak yơh ma phung ƀon lan geh nau tâm ban pônây! Ueh maak yơh phung ƀon lan geh Brah Yêhôva jêng Brah Ndu khân păng!

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Hôr 17:3

Glah gay krĕt prăk, năk gay krĕt mah, Ƀiălah Brah Yêhôva rlong uănh nuih n'hâm kon bunuyh.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Êsai 43:2

Tơlah khân may rgăn lĕ n'hor dak, Gâp mra gŭ ndrel may; Lah may re rgăn dak krong, mâu mra hoch rdu. Lah may chuat rgăn tâm ŭnh, mâu mra ŭnh sa ôh, Mpiăt ŭnh mâu sa may.

Êsai 48:10

Aơ, Gâp ƀư kloh jêh khân may, ƀiălah mâu geh tâm ban ma ƀư kloh prăk ôh; Gâp rlong uănh jêh khân may tâm năk ŭnh nau rêh ni.

Êsai 58:9

Rnôk nây, khân may kuăl, Brah Yêhôva mra plơ̆ sĭt lah; May kuăl rklaih, Păng mra lah: ‘Aơ ta aơ Gâp!’ Tơlah may mƀăr lơi mâng mbăk bơh khân may, Mâu tâm rlăch jêh ri mâu ngơi nau janh ƀai;

Yêrêmi 24:5

“Yêhôva Brah Ndu phung Israel lah pô aơ: ‘Nâm bu play rvi ueh aơ, Gâp mra mât mray jêh ri ƀư nau ueh uĭn ăn ma phung bu nă tă bơh bri Yuđa, jêng phung Gâp hŏ njŭn leo jêh bơh ntŭk aơ ăn khân păng hăn rlet ma bri Kaldê.

Yêrêmi 30:22

Tâm ban pônây, khân may mra jêng phung ƀon lan Gâp, Gâp mra jêng Brah Ndu khân may.’”

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Yêrêmi 9:6

Brah Yêhôva lah: “May dôl gŭ rêh tâm nau mƀruh nây; Yorlah nau mƀruh khân păng dun nau gĭt năl Gâp.”

Êsêkiêl 11:20

gay khân păng mra hăn tĭng nau vay dăp Gâp, tông prăp jêh ri ƀư tĭng nau vay ƀư bơh Gâp. Khân păng mra jêng ƀon lan Gâp jêh ri Gâp mra jêng Brah Ndu ma khân păng.

Êsêkiêl 14:11

Yor ma nây, ngih Israel mâu hôm nkhah du đah Gâp đŏng jêh ri mâu lĕ hôm ƀư ƀơ̆ ma khân păng nơm đŏng ôh ma lĕ rngôch nau ƀư tih, ƀiălah khân păng mra ƀư jêng phung ƀon lan Gâp jêh ri Gâp ƀư Brah Ndu khân păng, Kôranh Brah Yêhôva lah pônây.’”

Êsêkiêl 20:38

Gâp mra mprơh du bơh khân may lĕ rngôch phung vay tâm rdâng jêh ri phung hao tâm rdâng đah Gâp. Gâp mra njŭn khân păng du luh tă bơh bri ntŭk khân păng gŭ njưh ƀât lât ƀiălah khân păng mâu mra dơi lăp tâm bri Israel ôh. Tâm ban pônây, khân may mra gĭt Gâp jêng Brah Yêhôva.

Êsêkiêl 36:28

Khân may mra gŭ tâm bri Gâp ăn jêh ma chô yau khân may; khân may jêng phung ƀon lan Gâp, jêh ri Gâp jêng Brah Ndu khân may.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Daniel 11:35

Ƀaƀă tâm phung gĭt mĭn mra tŭp gay yor ma nây dơi jut lơi nau ƀơ̆, ƀư kloh jêh ri tho nglang ăn rnôk nglĕ dŭt, yorlah hôm gŭ kâp kŏ tât mông tâm nal jêh.

Daniel 12:10

Âk bunuyh bu mra dơi ƀư kloh, jut nglang jêh ri ƀư rsang. Ƀiălah phung ƀai ăt mra thoi đŏng ƀư ƀai. Mâu geh phung ƀai mra gĭt rbăng ôh, ƀiălah phung njêh mra gĭt rbăng.

Yôel 2:32

Rnôk nây, mbu nơm kuăl dăn amoh Brah Yêhôva mra dơi rklaih da dê Yorlah tĭng nau Brah Yêhôva, Ta klơ yôk Siôn jêh ri tâm ƀon Yêrusalem Mra geh bunuyh dơi tâm rklaih; Jêh ri tâm phung hôm e rêh klen, Mra dơi geh bunuyh Brah Yêhôva kuăl.

Kan Lêvi 26:12

Gâp mra hăn ta nklang khân may, jêng Brah Ndu khân may, jêh ri khân may mra jêng phung ƀon lan Gâp.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 12:10

“Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Sakari 8:8

Gâp djôt leo khân păng sĭt, jêh ri khân păng mra gŭ ta nklang ƀon Yêrusalem. Khân păng mra jêng phung ƀon lan Gâp; bi Gâp mra jêng Brah Ndu khân păng tâm nau răp jăp jêh ri nau sŏng srăng.”

Kôranh Oh Mon 2:21

Jêh ri mbu nơm kuăl dăn amoh Kôranh Brah mra dơi rklaih.’

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

I Pêtrôs 4:12

Hơi phung gâp rŏng, tơlah ŭnh nau rlong uănh tât gay rlong uănh khân may, lơi dĭng hih rhâl nâm bu khân may nơm mâp du ntil nau êng ang.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.

Nau Tâm Mpơl 8:10

Tông mpăr rơh pe uh nŭng, du mănh mbing toyh su hit tâm ban ma ŭnh rdo tŭp tă bơh trôk. Mănh mbing nây tŭp ta du kô̆ tâm pe lĕ dak krong jêh ri lĕ tu dak.

Nau Tâm Mpơl 8:11

Amoh mănh nĕ jêng Gŭn Tăng. Du kô̆ tâm pe phung dak jêng gŭn tăng; âk bunuyh khĭt jêh yor dak tăng aơ, yorlah păng plơ̆ jêng tăng jêh.

Nau Tâm Mpơl 8:12

Tông mpăr rơh puăn uh nŭng, du kô̆ tâm pe nar, du kô̆ tâm pe khay jêh ri du kô̆ tâm pe phung mănh mbing tâm tom ndrăng nơm kŏ tât du kô̆ tâm pe phung nĕ jêng ngo, ƀư ăn du kô̆ tâm pe nôk nar mâu geh nau ang, jêh ri nôk măng tâm ban lĕ.

Nau Tâm Mpơl 8:7

Tông mpăr tal nguay uh nŭng, geh mih pler jêh ri ŭnh tâm pot đah mham nkhŭt tâm neh ntu. Du kô̆ tâm pe neh ntu ŭnh sa, du kô̆ tâm pe tơm si ŭnh sa, jêh ri lĕ rngôch gơ̆ nđĭr ŭnh sa lĕ.

Nau Tâm Mpơl 8:8

Tông mpăr rơh bar uh nŭng, geh ndơ nâm bu du mlâm yôk toyh ŭnh sa hâng, bu klŭp tâm dak mƀŭt. Du kô̆ tâm pe dak mƀŭt jêng mham,

Nau Tâm Mpơl 8:9

du kô̆ tâm pe mpa rêh tâm dak mƀŭt khĭt, jêh ri du kô̆ tâm pe kumpăn plŭng hŏ rai jêh.