Sakari 13:3 - Nau Brah Ndu Ngơi 2023

³ Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.

Sakari 13:3 Iomraidhean Croise

Yêrêmi 23:25

Gâp hŏ tăng jêh nau phung mbơh lor aơ ngơi. Khân păng hŏ tâm amoh Gâp mbơh lor nklă pô aơ: ‘Gâp saơ nau mbơi jêh! Gâp saơ nau mbơi jêh!’

Yêrêmi 23:34

Bi ma nơm mbơh lor, kôranh ƀư brah, mâu lah du huê tâm phung ƀon lan lah: ‘Nau Brah Yêhôva ƀư jâk,’ pôri Gâp mra tâm rmal bunuyh nây ndrel ma phung tâm ngih vâl păng.

Yêrêmi 28:15

Nơm mbơh lor Y-Yêrêmi lah ma Y-Hanania: “Ơ Hanania, iăt hom! Brah Yêhôva mâu mâp prơh may hăn ôh, ƀiălah may ăn phung ƀon lan aơ rnơm nsing ma nau mƀruh.

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 14:9

Tơlah nơm mbơh lor geh nau ntrôl jêh ri ngơi du bâr, Gâp nơm yơh, Brah Yêhôva, mra ăn bu ntrôl nơm mbơh lor nây jêh ri Gâp mra yơr ti tâm rdâng đah păng, jêh ri ƀư rai lơi păng bơh ta phung ƀon lan Gâp Israel.

Êsêkiêl 43:7

Bunuyh nây lah ma gâp: “Hơi kon bunuyh, aơ yơh jêng ntŭk dơm sưng hađăch Gâp, jêng ntŭk ăn mpang jâng Gâp. Ta aơ, Gâp mra gŭ ta nklang phung kon sau ƀon lan Israel kŏ tât n'ho ro. Ntơm bơh abaơ let kăndơ̆, ngih Israel lĕ rngôch phung ƀon lan jêh ri phung hađăch khân păng mâu mra ƀư ƀơ̆ đŏng ôh amoh kloh ueh Gâp yor nau văng tĭr khân păng jêh ri yor ma săk jăn khĭt phung hađăch khân păng ta klơ lĕ ntŭk prêh đŏng ôh.

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Luka 14:26

“Tơlah mbu moh văch gay tĭng Gâp ƀiălah mâu tâm rmot ma mbơ̆ mê̆, ur kon, phung nâu oh, yuh oh păng jêh ri nđâp ma nau rêh păng nơm, ndri mâu dơi jêng oh mon Gâp.

II Kôrintô 5:16

Yor nây, ntơm aƀaơ hên mâu hôm sek uănh du huê bunuyh tĭng nâm nglay săk ôh, nđâp tơlah hên hŏ tă sek uănh jêh Brah Krist tĭng nâm nglay săk, ƀiălah aƀaơ aơ he mâu hôm sek uănh Păng tĭng nâm nau nây ôh.

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.