Sakari 12:8 - Nau Brah Ndu Ngơi 2023

⁸ Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 12:8 Iomraidhean Croise

Nau Mprơ Ơm 8:5

Kôranh Brah njêng kon bunuyh dêh lơn ma Brah Ndu du djê̆, Ndô ăn păng đon hađăch nau chrêk rmah jêh ri nau yơk.

Nau Mprơ Ơm 82:6

Gâp lah: “Khân may jêng brah Lĕ rngôch jêng kon bu klâu Nơm Dŭt Prêh.

Nau Ngluh Êjipt 14:19

Tông mpăr Brah Ndu ơm vay hăn lor panăp rmlak tahan phung Israel, hŏ trơn jêh jêh ri hăn pakơi khân păng; bi n'gâng tŭk hŏ trơn jêh bơh panăp khân păng hăn mpeh pakơi,

Nau Ngluh Êjipt 33:2

Gâp mra njuăl du huê tông mpăr hăn lor ma may, jêh ri Gâp mra nsot phung Kanaan, phung Amôrit, phung Hitit, phung Pêrisit, phung Hivit jêh ri phung Jêbusit,

Êsai 30:26

Nau ang khay mra jêng tâm ban ma nau ang nar, jêh ri nau ang nar mra duh ktang lơn pơh tơ̆ tâm ban ma ang pơh nar, tâm nar Brah Yêhôva put n'grêp ntŭk sôt phung ƀon lan Păng, jêh ri ƀư bah ntŭk sôt khân păng.

Êsai 31:4

Brah Yêhôva lah jêh ma gâp tâm ban pônây: “Tâm ban ma yau mŭr mâu lah kon yau mŭr rđuh ngrông nôk păng dơi nhŭp mpa jêh, Nđâp tơlah du phung rmăk biăp rgum tay gay tâm rdâng đah păng, Păng mâu klach ôh yor nau bâr nter khân păng, Mâu yor nau drơu drơu ƀư ăn khân păng klach krit; Kơt nây đŏng, Brah Yêhôva ma phung tahan mra jŭr văch Gay tâm lơh ta klơ yôk Siôn jêh ri ta klơ yôk păng.

Êsai 33:24

Mâu geh du huê bunuyh ƀon lan mra lah, “Gâp ji.” Phung ƀon lan gŭ ta nây mra dơi yô̆ nau tih.

Êsai 49:7

Brah Yêhôva, Nơm Tâm Chuai jêh ri nơm Kloh Ueh Israel, Lah ma nơm bu rmot ngăn, Ma nơm phung ƀon lan aơ mưch rmot, jêng oh mon ma nơm geh nau dơi toyh: “Phung hađăch mra saơ jêh ri dâk; Phung kon hađăch mra păn mbah, Yorlah Brah Yêhôva jêng Nơm răp jăp, Nơm Kloh Ueh Israel, Nơm săch jêh may.”

Êsai 53:3

Păng jêng Nơm bu tâm rmot jêh ri dun jêh, Lĕ mâp găn nau rêh ni, gĭt năl nau ji. Bu tâm rmot ma Păng tâm ban ma bunuyh bu nkŭm muh măt mâu ŭch uănh; He đŏng mâu uănh khlay ma Păng.

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 27:10

Nau khân păng mbơh lor knŏng nau mƀruh gay ma bu ƀư ma khân may luh bơh bri dak khân may nơm, ƀư ma Gâp mra mprơh khân may jêh ri bu mra ƀư rai lơi.

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Ndrom Samƀŭt bơh Ôsê 12:3

Brah Yêhôva nduyh lah ma Yuđa Jêh ri tâm rmal Yakôb tĭng nâm trong păng chuat hăn; Brah Yêhôva mra mplơ̆ ma păng tĭng nâm kan păng ƀư.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Yôel 3:10

Sŏk hom rnglay kau kai chiăr đao, Sŏk nhuĕ chiăr tak. Bunuyh ra ai lah hom: “Gâp dăng ktang!”

Kan Lêvi 26:8

Prăm nuyh tâm phung khân may mra tĭng lơh du rhiăng nuyh; du rhiăng nuyh khân may mra tĭng lơh du rmưn nuyh, jêh ri phung rlăng đah khân may mra prah cha lôt ma đao gưm tanăp khân may.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Mika 7:16

Lĕ rngôch bri dak saơ nau nây mra geh nau bêk prêng Ma nau dăng khân păng; Khân păng mra dơm ti ta trôm mbung, Jêh ri tôr khân păng mra tê̆k.

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 2:5

Brah Yêhôva lah: ‘Gâp nơm yơh mra jêng du mpêr ŭnh gŭ jŭm păng, jêh ri nau chrêk ma lơp Gâp mra gŭ ta nklang păng.’”

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Malachi 3:1

“Aơ, Gâp njuăl nơm ntuh bâr Gâp gay nkra trong panăp Gâp, jêh ri Kôranh Brah nơm khân may joi mra văch ƀât lât lăp tâm ngih brah Păng; nâm bu ntĭt jêng nơm mbơh ma nau tâm rnglăp jêng nau khân may kâp gân. Aơ, Păng dôl văch!” Brah Yêhôva ma phung tahan lah pônây.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

ហេឞ្រើ 11:34

nhhât lơi jêh ŭnh hit, klaih bơh mpiăt đao, dơi đah nau ji, jêng janh ktang tâm nau tâm lơh, ƀư ăn phung tahan rlăng nchuăt du.

Yôsuê 23:10

Du huê tâm phung khân may dơi mprơh du rbăn bunuyh phung khân păng, yorlah Yêhôva Brah Ndu khân may jêng Nơm sâm tâm lơh an ma khân may tĭng nâm nau păng ton jêh ma khân may.

Nau Tâm Mpơl 22:13

Gâp jêng Alpha jêh ri Ômêga, jêng Lor Lơn jêh ri Nglĕ Dŭt, jêng Ntơm Bơh Saơm jêh ri Nglĕ Dŭt.”

Nau Tâm Mpơl 22:16

“Gâp jêng Brah Yêsu, njuăl jêh tông mpăr Gâp văch gay mbơh nkoch lĕ nau aơ ma khân may tanăp lĕ Phung Ngih Brah Ndu. Gâp jêng Tơm Reh jêh ri Kon Sau Y-Đavit, jêng Mănh Mbing Ôi nchrat ral ngăn.”