Sakari 12:3 - Nau Brah Ndu Ngơi 2023

³ Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Sakari 12:3 Iomraidhean Croise

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Apdia 1:18

Ngih Yakôb mra jêng ŭnh Jêh ri ngih Yôsep mra jêng mpiăt ŭnh; Ngih Êsau mra jêng mbŭch rhe Khân păng mra su jêh ri ŭnh sa. Ngih Êsau mâu hôm geh nơm mra rêh” Yorlah Brah Yêhôva hŏ lah jêh nau nây.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Habakuk 2:17

Nau may ƀư djơh ma bri Liban mra nkŭm brôi may; Jêh ri nau may ƀư rai lĕ mpô mpa mra ƀư ma may klach krit, Yorlah may hŏ ƀư pling jêh mham bunuyh, Jêh ri yorlah nau may hŏ ƀư djơh ma bri neh, Ma ƀon toyh jêh ri ma lĕ rngôch phung gŭ tâm nây.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 12:11

Ta nar nây, nau nhĭm vơl tâm ƀon Yêrusalem mra jêng toyh, nâm bu nau nhĭm vơl Hadat-Rimôn tâm neh lâng Mêgidô.

Sakari 12:4

Brah Yêhôva lah: “Tâm nar nây, Gâp mra rmal, ăn lĕ rngôch seh geh nau klach, ăn ma bunuyh ncho seh geh nau brŭt ndrăng. Ƀiălah Gâp mra lin măt uănh klơ ngih Yuđa, nôk Gâp mbang lĕ rngôch seh ndơ tâm lơh bơh phung mpôl băl bunuyh, ƀư ăn khân păng chieh măt.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Sakari 14:13

Tâm nar nây, Brah Yêhôva mra ƀư nau rŭng răng toyh tâm khân păng; pôri ăp nơm mra kuăn phung chiau meng păng, jêh ri khân păng tâm lơh ndrăng khân păng nơm.

Sakari 14:6

Ta nar nây, mâu mra geh nau ang đŏng ôh, âk mănh mbing nchrat ang mra nhâp êng khân păng nơm.

Mathay 21:44

Mbu nơm prah jŭr ta klơ lŭ nây mra nchah rai, ƀiălah lŭ aơ tŭp di tâm mbu nơm mra rchiăt hăch bunuyh nây.”

Luka 20:18

Mbu nơm prah jŭr di tâm lŭ nây mra nchah rai, ƀiălah lŭ aơ tŭp di mbu nơm mra rchiăt hăch bunuyh nây.”

Nau Tâm Mpơl 16:14

Khân păng jêng phung huêng brah mhĭk, ƀư lĕ nau mbên khlay, jêh ri hăn ma phung hađăch lam neh ntu gay ma rgum phung nây ma nau tâm lơh ta nar toyh Brah Ndu Geh Lĕ Nau Brah.