Sakari 12:12 - Nau Brah Ndu Ngơi 2023

¹² Bri dak aơ mra nhĭm vơl, ăp ntil mpôl nhĭm vơl êng êng: mpôl ngih Y-Đavit êng păng, phung ur kon khân păng êng đŏng; mpôl ngih Y-Nathan êng păng, phung ur kon khân păng êng êng đŏng;

Sakari 12:12 Iomraidhean Croise

II Samuel 12:1

Brah Yêhôva prơh Y-Nathan hăn tât ma Y-Đavit. Păng tât jêh ri lah ma hađăch: “Tâm du ƀon ri, geh bar bunuyh, du huê ndrŏng jêh ri geh du huê o ach.

II Samuel 5:14

Aơ jêng amoh phung kon deh ăn hađăch ta ƀon Yêrusalem: Y-Samua, Y-Sôbap, Y-Nathan, Y-Salômôn,

Nau Ngluh Êjipt 12:30

Dôl măng, Pharaôn jêh ri phung oh mon păng nđâp ma lĕ rngôch phung Êjipt dâk bê̆ch da dê. Geh nau nhĭm lŭng nter tâm n'gor Êjipt yorlah ăp ngih geh bunuyh khĭt da dê.

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 3:21

Geh bâr lŭng nter dơi tăng bơh lĕ dor hil, Nây jêng bâr phung kon Israel nhĭm nhhiăng vơl dăn, Yorlah khân păng hŏ hăn vĭ nhhơt trong, Hŏ chuêl Yêhôva Brah Ndu khân păng.

Yêrêmi 31:18

Nanê̆, Gâp hŏ tăng jêh nau phung Êphraim vah vơl: May hŏ nduyh nkra jêh gâp, jêh ri bu nduyh nkra gâp Nâm bu du mlâm ndrôk kon ê hŏ bên mâng mbăk. Ăn Kôranh Brah njŭn gâp sĭt, pôri gâp mra geh nau plơ̆ sĭt; Yorlah Kôranh Brah jêng Yêhôva Brah Ndu gâp!

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yôel 2:16

Rgum hom phung ƀon lan, Prăp êng phung tâm rƀŭn jêng kloh ueh; Jă hom phung kôranh bu ranh văch tât; Rgum hom phung kon se, Nđâp ma kon jê̆ hôm pu toh! Bu klâu ntơm nsông ur luh du hom tă bơh trôm jrô păng, Jêh ri ăn ƀăn luh du hom tă bơh jrô bê̆ch!

Sakari 12:11

Ta nar nây, nau nhĭm vơl tâm ƀon Yêrusalem mra jêng toyh, nâm bu nau nhĭm vơl Hadat-Rimôn tâm neh lâng Mêgidô.

Sakari 12:13

mpôl ngih Y-Lêvi êng păng, phung ur kon khân păng êng đŏng; mpôl Y-Simei êng păng, phung ur kon khân păng êng êng đŏng;

Sakari 7:3

Khân păng ôp ma phung kôranh ƀư brah tâm ngih Brah Yêhôva ma phung tahan jêh ri ma phung nơm mbơh lor pô aơ: “Di lĕ hên dơi nhĭm vơl jêh ri prăp êng hên nơm ăn kloh ueh tâm khay prăm nâm bu hŏ vay ƀư tâm ăp năm?”

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Luka 3:31

Mêlêa jêng kon Y-Mêna, Y-Mêna jêng kon Matatha, Y-Matatha jêng kon Y-Nathan, Y-Nathan jêng kon Y-Đavit,

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.