Sakari 12:10 - Nau Brah Ndu Ngơi 2023

¹⁰ “Gâp mra nkhŭt huêng brah nau yô̆ jêh ri nau vơh vơl ta klơ ngih Y-Đavit jêh ri ma phung gŭ tâm ƀon Yêrusalem. Khân păng mra uănh Gâp jêng Nơm khân păng hŏ ntâp jêh, jêh ri khân păng mra nhĭm vơl ma Gâp, nâm bu nhĭm vơl ma kon bu klâu geh knŏng du huê, jêh ri khân păng klâng ma Gâp nâm bu klâng vơl ma kon bu deh ntơm bôk rah.

Sakari 12:10 Iomraidhean Croise

Nau Ntơm 45:1

Rnôk nây, Y-Yôsep mâu hôm dơi ăt ôh nuih n'hâm păng tanăp măt lĕ phung kơl kan gŭ jŭm păng, jêh ri păng nter: “Ăn lĕ bunuyh du luh bơh aơ!” Yor ri, mâu hôm geh ôh du huê bunuyh gŭ ndrel ma păng, dôl Y-Yôsep ăn phung oh nâu păng gĭt năl păng.

Nau Ntơm 45:2

Păng nhĭm huy kŏ tât phung Êjipt jêh ri phung ta ngih Pharaôn tăng lĕ.

Nau Mprơ Ơm 51:12

Dăn May ƀư tay nau ueh maak nau tâm rklaih ma gâp, Jêh ri sŏk nuih n'hâm nau yô̆ chông n'hao gâp.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Nau Hôr 4:3

Lah hôm kon se jê̆, gâp jêng kon bu klâu ma mbơ̆ gâp, Knŏng du huê kon dul dĭng mê̆ gâp rŏng hâu ngăn.

Êsai 32:15

Kŏ tât Brah tă bơh klơ nkhŭt ăn ma he, Bri rdah plăch jêng đang tơm sa play, Bu uănh ta đang tơm sa play tâm ban ma bri krŏng.

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Yêrêmi 31:19

Jêh nau vĭ nhhơt, gâp hŏ rmal nau tih; Jêh geh nau nti, gâp hŏ tŭr tang tơh nduyh tôr; Gâp prêng brâp muh măt Yorlah hŏ anh nau bu mưch rmot bơh nôk hôm mom.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 6:26

Hơi phung kon bu ur ƀon lan Gâp, put hom bok ƀau tâm săk, Jêh ri rlă tâm ndruyh ŭnh buh. Nhĭm vơl hom nâm bu roh kon bu klâu kon dul, Vơl nhĭm hom rngot ji ngăn; Yorlah phung ƀư rai Mra tât ndal rduh ma he.

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 37:14

Gâp mra dơm Huêng Brah Gâp tâm khân may jêh ri khân may mra rêh. Gâp mra njêng tay khân may tâm n'gor bri êng khân may nơm, jêh nây khân may mra gĭt Gâp jêng Brah Yêhôva; Gâp hŏ lah jêh ri Gâp lĕ ƀư jêh,” Brah Yêhôva lah pônây.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Amôt 8:10

Gâp mra rgâl lĕ nar rƀŭn khân may jêng nar klâng rvê Jêh ri lĕ nau mprơ khân may jêng nau mprơ rngot. Gâp mra ƀư ăn khân may vân ƀau ta bŭt Jêh ri ƀư ăn lĕ rngôch bôk plưn da dê. Gâp mra ƀư ma khân may nhĭm nhhiăng nâm bu nuyh roh kon bu klâu kon dul Jêh ri nau nglĕ dŭt nâm bu du nar rngot ngăn ngên.”

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Nau Kơp Bunuyh 21:9

Pônây Y-Môis ƀư du mlâm bêh kông jêh nây yông păng ta klơ du mâng ndăl. Mbu moh lĕ bêh chôk jêh n'gơr uănh bêh ma kông, mra dơi rêh.

Mathay 24:30

Nôk nây, nau mbên ma Kon Bunuyh mra tâm mpơl ta klơ trôk, Lĕ rngôch mpôl băl bunuyh ta klơ neh ntu mra nter nhĭm nhhiăng, jêh ri mra saơ Kon Bunuyh văch tâm ndâr tŭk ta klơ trôk ma nau brah toyh jêh ri nau chrêk rmah toyh.

Mathay 26:75

Y-Pêtrôs kah gĭt tay nau Brah Yêsu lah jêh: “Êlor ta iăr ndrau, may mra dun ma Gâp pe tơ̆.” Jêh nây păng hăn luh, nhĭm rngot ngăn.

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

Kôranh Oh Mon 10:45

Phung chroh geh nau koh ntâu jêh, jêng phung bunuyh hăn ndrel ma Y-Pêtrôs, hih rhâl ngăn yorlah ndơ Brah Huêng Ueh nkhŭt đŏng ta phung bu năch tâm ban lĕ.

Kôranh Oh Mon 11:15

Tơlah gâp ntơm ngơi, Brah Huêng Ueh jŭr ta khân păng, nâm bu ntơm saơm Păng jŭr ta phung he.

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:37

Jêh tăng nau ngơi nây, nuih n'hâm khân păng rngot, khân păng ôp Y-Pêtrôs ro jêh ri phung kôranh oh mon êng pô aơ: “Hơi phung oh nâu, moh nau hên mra ƀư?”

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 8:26

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.

Nau Tâm Mpơl 1:7

Ri, Păng văch ndrel ma lĕ ndâr tŭk! Lĕ rngôch măt mra saơ Păng, nđâp ma phung hŏ tă ntâp Păng; lĕ rngôch ndŭl mpôl ta neh ntu mra nhĭm nhhiăng yor ma Păng. Nanê̆ di nâm kơt nây! Amen.

I Samuel 7:2

Hip Nau Tâm Rnglăp Brah Yêhôva gŭ ta Kiriat-Jêarim du rnôk jŏ jêh, klăp lah bar jât năm. Lĕ rngôch ngih Israel nhĭm nhhiăng da dê jêh ri tĭng joi Brah Yêhôva.