Sakari 11:7 - Nau Brah Ndu Ngơi 2023

⁷ Pôri, Gâp chiăp phung biăp dăch bu sreh nkhĭt, jêng phung biăp rêh ni ngăn. Gâp dŏng bar mlâm mâng jra: du mlâm mâng bu ntơ jêng Nau Yô̆, du mlâm mâng bu ntơ Nau Tâm Rnglăp gay ma chiăp phung biăp.

Sakari 11:7 Iomraidhean Croise

Nau Mprơ Ơm 23:4

Nđâp tơlah gâp hăn tâm rlŭng gui nau khĭt Gâp mâu hôm klach du ntil nau mhĭk ôh, Yorlah Kôranh Brah gŭ ndrel ma gâp; Mâng kanuăk jêh ri mâng jra Kôranh Brah Bonh leng gâp.

Nau Mprơ Ơm 27:4

Gâp hŏ dăn jêh ma Brah Yêhôva du ntil nau Jêh ri mra joi nau nây! Nây jêng lĕ nau rêh gâp Dơi gŭ tâm ngih Brah Yêhôva Gay uănh nau ueh Brah Yêhôva Jêh ri gay dăn ôp tâm ngih brah Păng.

Nau Mprơ Ơm 90:17

Ăn nau yô̆ May jêng Brah Ndu phung hên ƀư tŭp ta klơ hên; Dăn May ƀư nâp nau kan ti phung hên; Di yơh, dăn ƀư nâp nau kan ti phung hên.

Êsai 11:4

Ƀiălah Păng mra phat dôih tâm nau sŏng srăng ma phung mâu geh nau ktang, Jêh ri phat dôih nau sŏng ma phung rdơ̆ rbăn ta neh ntu. Păng mra dong neh ntu ma mâng jra bơh trôm mbung Păng, Jêh ri sŏk n'hâm bơh trôm mbung gay nkhĭt phung ƀai.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 39:10

Bi phung ƀon lan o ach, mâu geh ôh drăp ndơn, pôri kôranh tahan gak Y-Nêbusaradan ăn khân păng gŭ tâm bri Yuđa, ndrel ƀơk ăn ma khân păng đang krăk ƀâu jêh ri mir.

Kan Lêvi 27:32

Bi ma ndơ du kô̆ tâm jât bơh ndrôk jêh ri biăp, jêng kon tal jât hăn găn tâm dâng mâng jra nơm chiăp, mra jêng ndơ kloh ueh ma Brah Yêhôva.

Mika 7:14

Sŏk hom mâng jra chiă uănh phung ƀon lan may Nây jêng phung biăp drăp ndơn may Păng gŭ êng tâm krŏng, Ta nklang Karmel; Ăn păng sa gơ̆ ta bri Basan jêh ri tâm bri Gilêat Nâm bu tâm rnôk saơm.

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Sakari 11:14

Jêh nây Gâp nkê̆ch lơi mâng jra tal bar, jêng mâng jra Nau Tâm Rnglăp, gay tâm nkhah lơi nau jêng oh nâu ta nklang Yuđa jêh ri Israel.

Sakari 11:4

Yêhôva Brah Ndu Gâp lah: “Chiăp hom phung biăp dăch bu djôt ƀư puăch.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Markôs 12:37

Y-Đavit nơm ntơ ma Păng jêng Kôranh Brah, pônây mâm ƀư Păng jêng kon hađăch nây?” Phung âk tăng Păng nti ma nau răm rhơn.

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Samuel 17:40

Păng djôt du mâng jra tâm ti, săch tâm n'hor dak prăm găr lŭ pler rlip dơm ndơ nây ăn tâm dŭng chiăp biăp păng vay cheng jêh ri na rvĭt klŭp lŭ tâm ti, jêh nây rduh ran tât bu klâu Philistin.

I Samuel 17:43

Bu klâu Philistin lah ma Y-Đavit: “Gâp mâu jêng nâm bu so, dĭng may djôt mâng jra văch ma gâp?” Jêh nây bu klâu Philistin rak rtăp ma Y-Đavit ma amoh phung brah păng,