Sakari 11:16 - Nau Brah Ndu Ngơi 2023

¹⁶ Yorlah aơ, Gâp mra n'hao du huê rmăk biăp tâm bri neh aơ, nơm nây mâu mra chrê ôh ma biăp păng lĕ roh, mâu lĕ ŭch tĭng joi biăp păng nhhơt, kŏ mâu ŭch mât siăm đŏng biăp păng sôt rmanh; mâu ŭch mât siăm biăp păng ăn toyh lay. Ƀiălah păng sa gŭch biăp lay, jêh ri nkhak lơi nchop păng.

Sakari 11:16 Iomraidhean Croise

Nau Ntơm 31:38

Tâm bar jât năm jêh gâp gŭ ndrel ma may, biăp jêh ri be may mâu mâp rlêh ôh, jêh ri gâp mâu mâp sa ôh puăch biăp nkuăng tâm mpôl mpô mpa may.

Nau Ntơm 33:13

Y-Yakôb lah: “Nâm bu kôranh gĭt jêh, phung kon se jêng ra ai ngăn, ƀiălah gâp mât đŏng phung biăp me jêh ri ndrôk me hôm e kon pu toh. Tơlah ntrŭt ndal khân păng hăn gơnh, nđâp lah knŏng du nar dơm, lĕ rngôch mpô mpa nây mra khĭt.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Yêrêmi 23:2

Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 23:22

Tơlah khân păng dâk tâm nau Gâp tâm rgum, Pôri hŏ mbơh nau Gâp ăn ƀon lan Gâp, Kơl ƀon lan Gâp chalơi trong mhĭk, Jêh ri der ngai lĕ nau ƀư mhĭk.”

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Êsêkiêl 34:21

Yorlah khân may mbeng ma pŭng vĕ jêh ri ntrôl ma săng nglik, gĕ ma nke lĕ rngôch biăp lĕ hươi kŏ tât nôk khân may ƀư nchah rai nhhơt khân păng luh padih.

Daniel 11:36

Hađăch mpeh pa lơ mra ƀư tĭng nâm păng ŭch, păng mra n'hao êng păng nơm, yơk păng nơm ta klơ lơn ma lĕ rngôch brah. Păng mra ngơi nau sưr tâm rdâng đah Brah Ndu ma lĕ rngôch brah. Păng mra dơi kŏ tât lôch nau ji nuih, yorlah moh nau Brah Ndu lĕ nal pôri mra dơi ƀư ngăn.

Yôhan 10:1

“Nanê̆ ngăn, Gâp lah ngăn ma khân may, mbu moh mâu lăp ta mpông n'gar biăp, ƀiălah hao ta ntŭk êng, păng nây jêng bunuyh ntŭng.