Sakari 10:7 - Nau Brah Ndu Ngơi 2023

⁷ Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 10:7 Iomraidhean Croise

Nau Ntơm 18:19

Gâp săch jêh păng gay ntĭm nti ma phung kon sau jêh ri noi deh păng nar kăndơ̆ gĭt djôt prăp trong Brah Yêhôva, ƀư nau sŏng srăng jêh ri nau di, gay ăn Brah Yêhôva ƀư n'hêl nê̆ nau Păng hŏ ton jêh đah Y-Abraham.”

Nau Ntơm 43:34

Ndơ sông sa thai jêh ma Y-Yôsep dơi ndơ̆ tât sưng phung nâu păng, ƀiălah ndơ̆ sa ăn ma Y-Benjamin prăm tơ̆ âk lơn ma ndơ phung ƀaƀă. Khân păng sông sa nhêt hơm jêh ri gŭ maak ndrel ma Y-Yôsep.

Nau Mprơ Ơm 102:28

Kon sau phung oh mon May mra hôm gŭ mro, Noi deh khân păng mra gŭ nâp tanăp măt May.

Nau Mprơ Ơm 104:15

Ndrănh play krăk ƀâu ƀư maak nuih n'hâm bunuyh, Dak ngi ăn muh măt chrat ang, Jêh ri ƀănh gay ma sa bah ji ngot.

Nau Mprơ Ơm 13:5

Ƀiălah gâp hŏ rnơm nsing jêh ntŭk nau ueh Kôranh Brah; Ăn nuih n'hâm gâp răm maak ma nau Kôranh Brah tâm rklaih.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 33:21

Nuih n'hâm hên mra geh nau răm maak tâm Păng Yorlah hên rnơm nsing jêh tâm Amoh Kloh Ueh Păng.

Nau Mprơ Ơm 90:16

Ăn kan May mpơl ma phung oh mon May, Jêh ri nau chrêk rmah May ral ang ta phung kon khân păng!

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Êsai 38:19

Nơm rêh, knŏng nơm gŭ rêh yơh, mra tâm rnê lah ueh ma May, Tâm ban ma gâp ƀư nar aơ. Phung ƀư mbơ̆ ntĭm hom kon khân păng Gĭt năl nau răp jăp May.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 66:14

“Khân may mra saơ nau nây, jêh ri nuih n'hâm khân may mra răm maak; Nting khân may mra bĭk rơ̆ tâm ban gơ̆ nse. Bu mra gĭt ti Brah Yêhôva gŭ ndrel ma phung oh mon Păng, Jêh ri Păng mra ji nuih ma phung rlăng đah Păng.

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Êsêkiêl 37:25

Khân păng mra gŭ tâm bri Gâp hŏ ăn jêh ma oh mon Gâp jêng Y-Yakôb, jêh ri jêng bri chô yau khân may hŏ gŭ. Khân păng, kon sau khân păng jêh ri lĕ rngôch rô̆ khân păng mra gŭ ta nây kŏ tât ƀaƀơ n'ho ro. Oh mon Gâp jêng Y-Đavit mra ƀư hađăch khân păng mro mrăng.

Yôel 2:23

Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Habakuk 3:18

Gâp hôm răm maak tâm Brah Yêhôva; Gâp hôm hâk răm tâm Brah Ndu ma nau tâm rklaih gâp.

Sôphôni 3:14

Hơi kon bu ur Siôn, mprơ huy hom! Hơi Israel, nter bâr ngơi huy! Hơi kon bu ur ƀon Yêrusalem, Răm rhơn hom ma lĕ nuih n'hâm!

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Luka 1:47

Huêng nuih n'hâm gâp răm rhơn tâm Brah Ndu jêng Nơm Tâm Rklaih gâp,

Yôhan 16:22

Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Kôranh Oh Mon 13:33

pô aơ Brah Ndu hŏ ƀư tât di ngăn nau ton nây ma he, jêng phung kon sau khân păng, yor Păng ƀư ăn Brah Yêsu dâk rêh tay, nâm bu hŏ nchih jêh tâm Nau Mprơ Ơm mrô bar: ‘May jêng kon Gâp, nar aơ Gâp hŏ deh ma May.’

Kôranh Oh Mon 2:26

Yor nây, nuih n'hâm gâp maak, mpiăt gâp răm rhơn, Jêh ri săk jăn gâp mra rlu tâm nau kâp gân.

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Samuel 2:1

Rnôk nây H'Anna mbơh sơm: “Nuih n'hâm gâp hâk răm ngăn tâm Brah Yêhôva, Tă bơh Brah Yêhôva, n'hâm suan gâp dăng ktang. Trôm mbung gâp gơm mưch ma phung rlăng gâp; Yorlah nau May tâm rklaih ƀư ma gâp răm rhơn.