Sakari 10:5 - Nau Brah Ndu Ngơi 2023

⁵ Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Sakari 10:5 Iomraidhean Croise

II Samuel 22:43

Gâp mbang hăch khân păng nâm bu neh muy, Ƀư nchah rai, jot khân păng nâm bŏk rŏ trong.

II Samuel 22:8

Rnôk aơ neh ntu n'găr mpât jêh ri n'goh n'gơ, Mbon lĕ ndâr trôk n'găr mpât Jêh ri n'gơ n'găr yorlah Păng ji nuih.

II Phung Hađăch 9:33

Păng lah: “Mƀăr hom păng tŭp ta neh!” Khân păng mƀăr păng tâm neh, ƀaƀă mham mprănh ta mpir jêh ri ta seh, jêh ri jâng seh jot klơ păng.

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 33:16

Mâu geh ôh du huê hađăch yor tahan âk geh nau tâm rklaih, Mâu geh du huê nơm ktang dơi rklaih yor nau ktang păng.

Nau Mprơ Ơm 44:5

Yor May, hên mra ăn phung rlăng rŭch plơ̆; Ma amoh May, hên jot sôt phung rlăng.

Nau Mprơ Ơm 45:3

Hơi hađăch geh nau dơi, cheng hom đao ta bŭt; Tâm nau chrêk rmah jêh ri nau hit rnam may.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 25:10

Yorlah ti Brah Yêhôva mra n'gân ta yôk aơ; Ƀiălah bu mra jot sôt bri Môap ta ntŭk păng, Tâm ban ma bu jot sôt mbŭch rhe tâm ntŭk ntu ndŏk.

Êsai 31:1

Rêh ni ngăn ma phung hăn jŭr ta bri Êjipt ŭch geh nau kơl, Rnơm ma seh ndơ tâm lơh, Rnơm ma ndeh seh âk, Jêh ri rnơm ma phung tahan ncho seh dăng ktang, Ƀiălah mâu uănh ôh ma Nơm Kloh Ueh Israel, Jêh ri mâu joi dăn Brah Yêhôva!

Êsai 41:12

May mra joi phung tâm rdâng đah may, Ƀiălah mâu saơ khân păng ôh; Phung tâm lơh đah may Bu mra nkhĭt lĕ jêh ri mâu hôm geh ôh.

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Êsai 8:9

Ơ phung ƀon lan, ăn khân may tâm gop jêh ri bu mbang rai! Ơ lĕ rngôch bri ngai, rkêng tôr iăt hom! Rêt hom rse bŭt, jêh ri bu dong nchah; Rêt hom rse bŭt, jêh ri bu dong nchah!

Êsêkiêl 38:15

Rnôk nây, may mra văch tât tă bơh ntŭk may nơm gŭ jêng n'gor ngai mpeh pa lơ, may jêh ri âk phung ƀon lan gŭ ndrel may, lĕ rngôch ncho seh da dê, du mpôl bunuyh âk ngăn rgum jêng du phung tahan janh ktang.

Amôt 2:15

Nơm van na mâu mra dâk nâp ôh; Jêh ri bunuyh nchuăt prăl mâu mra dơi der ngai păng nơm ôh; Bunuyh ncho seh kŏ mâu dơi rklaih lĕ păng nơm.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 12:4

Brah Yêhôva lah: “Tâm nar nây, Gâp mra rmal, ăn lĕ rngôch seh geh nau klach, ăn ma bunuyh ncho seh geh nau brŭt ndrăng. Ƀiălah Gâp mra lin măt uănh klơ ngih Yuđa, nôk Gâp mbang lĕ rngôch seh ndơ tâm lơh bơh phung mpôl băl bunuyh, ƀư ăn khân păng chieh măt.

Sakari 12:8

Tâm nar nây, Brah Yêhôva mra ƀư Nơm king n'gang ma phung gŭ ta ƀon Yêrusalem. Nôk nây, phung ra ai ngăn tâm phung khân păng mra jêng nâm bu Y-Đavit; ngih Y-Đavit mra jêng nâm bu Brah Ndu, jêh ri mra jêng nâm bu tông mpăr Brah Yêhôva hăn lor panăp khân păng.

Sakari 14:13

Tâm nar nây, Brah Yêhôva mra ƀư nau rŭng răng toyh tâm khân păng; pôri ăp nơm mra kuăn phung chiau meng păng, jêh ri khân păng tâm lơh ndrăng khân păng nơm.

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 9:13

Gâp mra van phung Yuđa nâm bu na gâp, Jêh ri Êphraim nâm bu hăr păng. Hơi ƀon Siôn, Gâp mra nsônh phung kon may Tâm rdâng đah phung kon Javan, Jêh ri Gâp mra ăn may jêng nâm bu đao phung tahan dăng tâm lơh.”

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 4:3

Nơm ndơm hăn dăch, lah ma Păng: “Tơlah may jêng Kon Brah Ndu, đă hom lŭ aơ plăch jêng piăng let.”

Luka 24:19

Brah Yêsu ôp: “Moh nau tât?” Khân păng plơ̆ lah: “Nây jêng nau tât jêh ma Brah Yêsu bunuyh Nasaret, du huê nơm mbơh lor geh nau brah tâm kan jêh ri tâm nau ngơi tanăp Brah Ndu jêh ri lĕ phung ƀon lan,

Kôranh Oh Mon 18:24

Nôk nây, geh du huê bunuyh Yuđa, amoh păng Y-Apôlôs, tă bơh ƀon Aleksandrơ, tât ta ƀon Êphêsô. Păng blau nau ngơi jêh ri gĭt rbăng Nau Brah Ndu Ngơi.

Kôranh Oh Mon 7:22

Y-Môis nti lĕ nau blau mĭn phung Êjipt; păng geh nau dơi tâm nau ngơi jêh ri tâm kan.

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

Nau Vay Nkah Tay 20:1

“Lah hăn tâm lơh đah phung rlăng, tơlah khân may saơ khân păng geh âk seh, âk ndeh seh jêh ri phung tahan âk lơn ma khân may, lơi klach ôh, yorlah Yêhôva Brah Ndu khân may jêng Nơm hŏ njŭn leo jêh khân may luh bơh n'gor Êjipt, mra gŭ ndrel ma khân may.

II Timôthê 4:17

Ƀiălah Kôranh Brah dâk êp meng gâp jêh ri ăn nau dơi ma gâp, gay gâp dơi mbơh nkoch Nau Mhe Mhan Ueh tâm nau ƀư rĭng ma lĕ rngôch phung bu năch tăng, jêh ri gâp geh nau rklaih bơh trôm mbung yau mŭr.

II Timôthê 4:7

Gâp tâm lơh jêh nau tâm lơh ueh, hŏ lôch jêh nau tâm rlong nchuăt, djôt prăp jêh nau chroh.

Yôsuê 10:14

Ntơm bơh nĕ jêh ri tât aƀaơ, mâu mâp geh nar tâm ban ma nar nây, jêng nar Brah Yêhôva iăt bâr du huê bunuyh yorlah Brah Yêhôva tâm lơh an ma phung Israel.

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

Nau Tâm Mpơl 19:17

Jêh nây gâp saơ du huê tông mpăr gŭ dâk tâm nar, nter bâr huy kuăl ma lĕ rngôch sĭm dôl mpăr tâm nklang trôk: “Văch hom, tâm rgum băl hom gay râng nhêt sông sa toyh Brah Ndu,

I Samuel 16:18

Du huê tâm phung oh mon plơ̆ lah: “Gâp saơ jêh du huê kon bu klâu Y-Yêsê, bunuyh Ƀêtlêhem, kreh gong rêng blau ngăn, jêng du huê tahan janh ktang jêh ri du huê tahan blau tâm lơh. Păng blau mĭn tâm nau ngơi, jêh ri săk jăn jêng ueh ngăn jêh ri Brah Ndu gŭ ndrel păng.”