Sakari 10:4 - Nau Brah Ndu Ngơi 2023

⁴ Tă bơh ngih Yuđa, mra luh lŭ mbon njônh ngih, Tă bơh khân păng, mra luh n'gâng vâl bok, Tă bơh khân păng, mra luh hăr na tâm lơh, Jêh ri tă bơh khân păng, mra luh lĕ rngôch kôranh chiă uănh.

Sakari 10:4 Iomraidhean Croise

Nau Ntơm 49:24

Ƀiălah rnơm bơh ti Nơm Geh Nau Brah bơh Y-Yakôb, Ƀiălah na păng hôm e dăng; Rnơm tă bơh Nơm Rmăk Biăp, jêng Lŭ Toyh ma phung Israel Bar đah ti păng hôm ngăch ngăn.

Êsra 9:8

Ƀiălah aƀaơ ri, Yêhôva Brah Ndu phung kon hŏ yô̆ an ma hên, gay ăn hên du kô̆ hôm e klen dơi klaih, jêh ri ăn ma hên du ngih brah tâm trôm ntŭk kloh ueh aơ, gay ma Brah Ndu hên ƀư ăn ang măt phung kon dơi saơ ang jêh ri ăn hên dơi rêh đŏng djê̆ djê̆ tă bơh ƀư bu nă.

Nau Mprơ Ơm 118:22

Lŭ phung ƀư ngih mƀăr lơi jêh Hŏ jêng jêh lŭ ta njônh ngih.

Êsai 19:13

Phung kôranh tâm ƀon Sôan jêng jêh phung rluk, Phung kôranh ƀon Nôp tŭp tâm nau ndơm; Phung ƀư lŭ tơm tâm phung mpôl khân păng Hŏ ƀư vĭ ma Êjipt

Êsai 28:16

Yor nây, Kôranh Brah jêng Brah Yêhôva lah pô aơ: “Aơ, Gâp dơm ta Siôn du mlâm lŭ, Jêng lŭ rlong uănh, lŭ njônh ngih, lŭ khlay, Ƀư mbon nâp ktang Gay ma mbu nơm chroh mâu mra rŭng răng ôh.

Êsai 49:2

Păng ƀư ăn trôm mbung gâp jêng tâm ban ma đao hơr ngăn, Păng pôn jêh gâp tâm gui ti Păng. Păng ƀư ma gâp tâm ban chiông hăr mplanh, Jêh ri Păng pôn jêh gâp tâm dĭng hăr Păng.

Êsai 54:16

Aơ, Gâp yơh rhăk njêng jêh nơm chiăr, Su sa ônh khôm ŭnh, Ƀư ndơ tâm lơh gay dŏng; Gâp đŏng hŏ rhăk njêng nơm ƀư rai Gay ƀư kan nau ƀư rai.

Yêrêmi 1:18

Aơ nar aơ, Gâp nơm ndâk may hao ƀư du rplay ƀon nâp ktang, ƀư n'gâng loih, mpêr kông gay rdâng ma lĕ n'gor aơ, tâm rdâng lĕ hađăch Yuđa, lĕ phung kôranh, lĕ kôranh ƀư brah, jêh ri phung ƀon lan tâm n'gor.

Yêrêmi 51:20

May jêng me nôp, jêng ndơ tâm lơh ăn ma Gâp; Gâp mra dŏng may dong nchah lĕ rngôch phung mpôl bunuyh Jêh ri ƀư rai lĕ rngôch ƀon bri hađăch.

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Sakari 9:8

Gâp mra ƀư pôih gay gak ngih Gâp, Gay njrăng ma bunuyh hăn nsong. Nơm tŭn jot mra mâu hôm tŭn jot phung ƀon lan Gâp đŏng ôh, Yorlah aƀaơ ri Gâp hŏ treng uănh đah trôm măt Gâp nơm.

Nau Kơp Bunuyh 24:17

Gâp saơ Păng, ƀiălah mâu di aƀaơ ôh; Gâp uănh Păng, ƀiălah mâu di gŭ dăch ôh; Du mănh mbing mra luh bơh phung Yakôb, Du mlâm mâng jra hađăch mra luh bơh phung Israel; Păng mra ƀư rlâm lơi rho ndăr kleng n'gor Môap Jêh ri đon hađăch tă bơh noi deh Set.

Mathay 9:38

Pôri yơh, dăn hom ma Kôranh Brah yan rek njuăl phung rek lăp yan rek Păng.”

Luka 20:17

Ƀiălah Brah Yêsu uănh ma khân păng jêh ri lah: “Pônây nâm bu ntĭt nau bu nchih aơ: ‘Lŭ phung ƀư ngih mƀăr lơi jêh, Hŏ jêng lŭ njônh ngih.’

Êphêsô 2:20

bu ndâk njêng khân may klơ mbon phung kôranh oh mon jêh ri phung nơm mbơh lor jêh ri Brah Yêsu Krist yơh jêng lŭ njônh ngih.

II Timôthê 2:4

Mâu geh ôh du huê tahan dôl ƀư nau kan ƀiălah hôm văk nau kan tâm nau rêh aơ, yorlah ntŭk ntrâng păng jêng ƀư maak nuih n'hâm ma nơm sŏk dŏng păng nơm.

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

I Samuel 14:38

Yor ri, Y-Sôl ntăm: “Lĕ rngôch phung kôranh chiă uănh phung tahan hăn văch hom ta aơ, gay uănh nar aơ mbu hŏ ƀư tih jêh.