Sakari 10:3 - Nau Brah Ndu Ngơi 2023

³ “Nau Gâp ji nuih dŭt n'hâm tâm rdâng đah phung rmăk biăp, Gâp mra tâm rmal phung kôranh chiă uănh. Nôk Brah Yêhôva ma phung tahan chop khâl phung biăp Păng, jêng ngih Yuđa, Pôri mra ƀư ma khân păng nâm bu seh ndơ tâm lơh ma nau rnam hăn tâm lơh.

Sakari 10:3 Iomraidhean Croise

Ndrom Samƀŭt bơh Yôp 39:25

Mâu uănh geh ma nau tŭn jot, mâu phit ro ma nau krit; Mâu plơ̆ rŭch ôh đah tra năp chiông đao.

Nau Ngluh Êjipt 4:31

Phung ƀon lan rnơm. Dôl khân păng tăng Brah Yêhôva hŏ khâl jêh phung ƀon lan Israel nđâp hŏ saơ jêh nau rêh ni khân păng, khân păng kŭnh bôk jêh ri yơk mbah.

Nau Hôr 21:31

Seh ndrăp ăn nar tâm lơh, Ƀiălah nau dơi tâm lơh tă bơh Brah Yêhôva.

Nau Mprơ Ueh 1:9

Hơi nơm gâp rŏng, Gâp tâm rđĭl ay nâm bu du mlâm seh me uih ndeh seh Pharaôn.

Êsai 10:12

Ƀiălah dôl Kôranh Brah hŏ ƀư jêh lĕ kan Păng ta klơ yôk Siôn jêh ri ta ƀon Yêrusalem, Păng lah: “Gâp mra tâm rmal lĕ nau kan nuih n'hâm n'hao êng jêh ri măt nau hưn n'hao êng nơm hađăch Asiri.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Yêrêmi 10:21

Phung rmăk biăp rluk da dê, Mâu joi dăn ma Brah Yêhôva. Yor nây khân păng mâu dơi ndrŏng kuăng, Lĕ rngôch phung biăp khân păng du êng êng.

Yêrêmi 11:22

Yor nây, Brah Yêhôva ma phung tahan lah: ‘Gâp mra phat dôih khân păng; phung bu klâu ndăm mra khĭt yor đao tak, phung bu klâu bu ur khân păng mra khĭt yor nau sât ji ngot;

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 50:6

Phung ƀon lan Gâp lĕ jêng phung biăp nhhơt trong jêh; phung rmăk biăp ƀư ma khân păng hăn nhhơt trong gay ma khân păng gŭ êng ta klơ lĕ yôk, nsong blêng lĕ yôk tât dor, chuêl ndrung n'gar khân păng nơm.

Êsêkiêl 34:11

‘Kôranh Brah Yêhôva lah: Aơ Gâp nơm yơh mra joi biăp Gâp, Gâp mra tĭng joi khân păng.

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Daniel 11:32

Păng sŏk nau ngơi njŭng dak sŭt ndơm phung rlau nau tâm rnglăp; ƀiălah phung gĭt năl Brah Ndu mra ƀư ngăn yơh tâm rdâng.

Sôphôni 1:8

Tâm nar Brah Yêhôva nhhơr mpa ƀư brah, Gâp mra tâm rmal phung kôranh chiă uănh, phung kon bu klâu hađăch Jêh ri lĕ rngôch phung nsoh kho ao bu năch.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sakari 11:17

Rêh ni ngăn ma rmăk biăp dơm dam, Jêng nơm chalơi phung biăp păng! Ăn đao sreh ta nting tur păng Jêh ri ta trôm măt pa ma păng; Ăn nting tur păng siăr kro lĕ ƀhiau, Jêh ri trôm măt pa ma păng chieh lĕ n'ho ro.”

Luka 1:68

“Tâm rnê ma Kôranh Brah, jêng Brah Ndu Israel, Yorlah Păng hŏ khâl jêh ri tâm chuai jêh phung ƀon lan Păng,

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

Bu ur Rut 1:6

Nôk nây, dôl hôm gŭ ta bri Môap, H'Naômi tăng pô aơ Brah Yêhôva khâl jêh ma phung ƀon lan Păng jêh ri ăn ndơ sông sa ma khân păng rĭ dĭng păng ndrel ma bar hê ƀăn păng ntơm du luh bơh bri Môap sĭt ma bri păng nơm.