Sakari 10:2 - Nau Brah Ndu Ngơi 2023

² Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Sakari 10:2 Iomraidhean Croise

Nau Ntơm 31:19

Tâm nôk Y-Laban hăn nkăp rsau biăp, H'Rachel ntŭng lĕ rup brah tâm ngih mbơ̆ păng.

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

Ndrom Samƀŭt bơh Yôp 13:4

Bi ma khân may knŏng blau jan lah ma nau ueh, Lĕ rngôch khân may jêng nai dak si dơm dam.

Ndrom Samƀŭt bơh Yôp 21:34

Pôri, mâm ƀư khân may bonh leng gâp lĕ nau dơm dam nây? Lĕ nau khân may plơ̆ lah knŏng jêng nau mƀruh.”

Êsai 41:29

Aơ, lĕ rngôch khân păng knŏng jêng nau ndơm; Nau kan khân păng mâu geh nau khlay ôh; Rup brah khân păng tŏ chiăr jêng dơm dam tâm ban ma sial khôm.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Êsai 44:9

Lĕ rngôch phung ƀư rup trah jêng dơm dam, jêh ri lĕ ndơ khân păng rŏng ŭch mâu geh nau khlay. Phung mbơh ngăn ma rup brah nây mâu blau saơ ôh, mâu lĕ gĭt rbăng, rĭ dĭng khân păng djôt nau bêk prêng.

Êsai 46:5

Ma mbu đah khân may tâm rđĭl đah Gâp jêh ri mbu nơm ban Gâp? Ma mbu đah khân may tâm rđĭl đah Gâp gay ma saơ he tâm ban da dê?

Yêrêmi 10:8

Khân păng jêng rluk mâl; Nau ntĭm nti tă bơh lĕ rup brah Mâu rlau ndơ bơh n'gâng tâm si.

Yêrêmi 14:13

Ƀiălah gâp lah pô aơ: “Aơ! Ơ Kôranh Brah Yêhôva, geh phung nơm mbơh lor lah ma khân păng pô aơ: ‘Khân may mâu mra saơ đao, mâu lĕ geh nau sa sât ji ngot, yorlah Gâp mra ăn ma khân may gŭ tâm nau đăp mpăn nâp ktang tâm ntŭk aơ.’”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 27:10

Nau khân păng mbơh lor knŏng nau mƀruh gay ma bu ƀư ma khân may luh bơh bri dak khân may nơm, ƀư ma Gâp mra mprơh khân may jêh ri bu mra ƀư rai lơi.

Yêrêmi 27:14

Lơi ta iăt ôh nau phung nơm mbơh lor lah ma khân may: ‘Khân may mâu mra pah kan ôh ma hađăch Babilôn’, yor nây nau khân păng ngơi ma khân may knŏng jêng nau mbơh lor mƀruh dơm.

Yêrêmi 27:9

Yor nây, lơi ta iăt ôh nau phung mbơh lor, phung gru, phung nkoch mbơi, phung sek uănh mănh, mâu lah phung n'hŭm. Khân păng lah ma khân may pô aơ: Khân may mâu mra pah kan ma hađăch Babilôn ôh.

Yêrêmi 28:15

Nơm mbơh lor Y-Yêrêmi lah ma Y-Hanania: “Ơ Hanania, iăt hom! Brah Yêhôva mâu mâp prơh may hăn ôh, ƀiălah may ăn phung ƀon lan aơ rnơm nsing ma nau mƀruh.

Yêrêmi 29:8

Brah Yêhôva ma phung tahan, Brah Ndu Israel lah pô aơ: “Lơi ta ăn phung nơm mbơh lor, phung gru gŭ ta nklang khân may ndơm khân may ôh; mâu lĕ iăt phung nkoch mbơi gay mbơi dơm dam.

Yêrêmi 37:19

Phung mbơh lor may hŏ ngơi mbơh lor jêh pô aơ: ‘Hađăch Babilôn mâu mra tât văch lơh đah khân may mâu lah lơh ma bri aơ ôh,’ aƀaơ ta ntŭk khân păng gŭ?

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 51:23

Gâp mra dŏng may ƀư rai rmăk biăp jêh ri biăp păng, Nơm ƀư mir jêh ri ndrôk chuar mir. Gâp mra dŏng may ƀư rai phung kôranh toyh jêh ri phung kôranh chiă uănh.”

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Yêrêmi 8:11

Khân păng ƀư bah sôt rmanh kon bu ur phung ƀon lan Gâp ma nau ƀlơr, Jêh nây lah: “Đăp mpăn! đăp mpăn!” Ƀiălah mâu geh nau đăp mpăn ôh.

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Êsêkiêl 21:21

May hăn hom rduh lơh mpeh pa ma jêh ri dăp tahan mpeh pa chiau tĭng nâm ntŭk măt may rle.

Êsêkiêl 21:29

Pôri yor Kôranh Brah Yêhôva lah: ‘Yor khân may lĕ nkah jêh gay kah gĭt tay nau mhĭk khân may nơm, bu mra mpơl nau tih khân may, nau tih tâm lĕ rngôch nau ƀư bu mra mpơl; yorlah khân may dơi nkah nau tih nây yor ri bu mra nhŭp khân may.

Êsêkiêl 34:5

Yorlah mâu geh bunuyh rmăk leo pôri khân păng nchah rai nhhơt, jêh ri tơlah khân păng lĕ nchah rai nhhơt jêh khân păng jêng mpa sa ma lĕ rngôch mpô mpa bri.

Êsêkiêl 34:8

Kôranh Brah Yêhôva lah: ‘N'hêl nanê̆ tĭng nâm Gâp gŭ rêh mra mrăng, yorlah mâu geh bunuyh rmăk leo rĭ dĭng phung biăp Gâp hŏ ƀư mpa sa jêh ri hŏ jêng ndơ sa ma lĕ rngôch ntil mpô mpa bri. Phung rmăk biăp Gâp ăt mâu lĕ ŭch joi biăp Gâp, ƀiălah khân păng siăm êng khân păng nơm ƀiălah mâu ŭch ôh siăm phung biăp Gâp.’

Ndrom Samƀŭt bơh Ôsê 3:4

Yorlah tâm năng nar jŏ jong, phung ƀon lan Israel mâu geh hađăch ôh, mâu geh kôranh chiă uănh, mâu geh mpa ƀư brah, mâu geh meh n'gâng brah, mâu geh êphôt jêh ri mâu geh têraphim.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Habakuk 2:18

Rup trah nơm rhăk hŏ trah mon jêh Geh ndơ khlay lĕ? Rup tŏ chiăr jêng nơm nti mƀruh, Mâm bunuyh rhăk rup mlo nây Rnơm nsing nkhơng ma kan ti păng nơm ƀư?

Sakari 11:17

Rêh ni ngăn ma rmăk biăp dơm dam, Jêng nơm chalơi phung biăp păng! Ăn đao sreh ta nting tur păng Jêh ri ta trôm măt pa ma păng; Ăn nting tur păng siăr kro lĕ ƀhiau, Jêh ri trôm măt pa ma păng chieh lĕ n'ho ro.”

Nau Kơp Bunuyh 27:17

gay nơm mra hăn luh jêh ri hăn lăp tay panăp khân păng, jêng nơm mra njŭn khân păng hăn luh jêh ri njŭn khân păng hăn lăp; pônây phung tâm rƀŭn Brah Yêhôva mâu mra nâm biăp mâu geh nơm chiăp.”

Mathay 9:36

Tơlah saơ phung âk râk, Păng geh nau yô̆ nđach yorlah khân păng rêh ni jêh ri nchah rai nhhơt nâm bu phung biăp mâu geh bunuyh rmăk.

Markôs 6:34

Tơlah luh bơh plŭng, Brah Yêsu saơ phung bunuyh âk pôri Păng yô̆ nđach ma khân păng, yorlah khân păng nâm bu phung biăp mâu geh bunuyh rmăk biăp. Păng ntơm ntĭm nti âk ntil ma khân păng.

Nau Vay Nkah Tay 13:2

Tơlah nau tâm mbên mâu lah nau khlay păng nkoch ma khân may tât ngăn, jêh ri tơlah păng lah: ‘Ăn he hăn tĭng jêh ri yơk mbah ma brah êng’ jêng lĕ brah khân may mâu mâp gĭt năl ôh,

Phung Kôranh Phat Dôih 18:14

Pônây, prăm nuyh hăn n'hut uănh n'gor Lais lah ma phung oh nâu khân păng pô aơ: “Khân may gĭt lĕ tâm ngih aơ geh du êphôt, rup brah jê̆, jêh ri du mlâm rup trah? Pônây aƀaơ, khân may gĭt jêh moh nau khân may mra ƀư.”