Sakari 1:8 - Nau Brah Ndu Ngơi 2023

⁸ Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Sakari 1:8 Iomraidhean Croise

Nau Ntơm 20:3

Ƀiălah tâm nôk măng, Brah Ndu tâm mpơl ma Y-Abimêlek tâm nau mbơi jêh ri lah ma păng: “May mra khĭt yor bu ur may hŏ nhŭp. Păng lĕ geh sai jêh.”

Nau Ntơm 46:2

Tâm du măng, Brah Ndu ngơi ma Y-Israel bơh nau tâm saơ. Păng kuăl: “Y-Yakôb, Y-Yakôb!” Y-Israel ơh: “Gâp ta aơ.”

I Phung Hađăch 3:5

Ta Gibêôn, Brah Yêhôva tâm mpơl ma Y-Salômôn tâm nau mbơi dôl măng; Brah Ndu lah: “Dăn hom dĭng lĕ ntil ndơ may ŭch, Gâp ăn ma may.”

Nêhêmi 8:15

jêh ri khân păng nkoch mbơh tâm ăp ƀon jêh ri tâm Yêrusalem pô aơ: “Hăn joi hom tâm gôl yôk n'gĭng ôlive jêh ri tơm ôlive bri, n'gĭng tơm mirtơ, n'ha đung jêh ri lĕ n'gĭng tơm si pŭm n'ha gay ƀư ngih ndưp” tĭng nâm nau hŏ nchih jêh.

Ndrom Samƀŭt bơh Yôp 4:13

Bri măng, lah kon bunuyh lêt bê̆ch Dôl gŭ rvê mĭn gâp saơ nau tâm mpơl.

Nau Mprơ Ueh 2:16

Nơm gâp rŏng jêng ndơ gâp, jêh ri gâp jêng ndơ păng; Păng ăn biăp sa gơ̆ tâm nklang kao si ueh.

Nau Mprơ Ueh 6:2

Nơm gâp rŏng hăn jŭr đang păng, Ntŭk tăm mbor ndơ ƀâu kah, Gay ăn biăp sa gơ̆ tâm đang, Jêh ri pĕ lĕ n'gĭng kao si ueh.

Êsai 41:19

Gâp mra dơm tâm bri rdah tơm si sêdar, Tơm si akasi, tơm si mirtơ, jêh ri tơm ôlive; Gâp mra tăm tâm ndrêch rdah tơm si chiprơ, Tơm si n'ho, jêh ri ndrel ma tơm si buis.

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Daniel 2:19

Măng nây, nau ndâp dơi mpơl ăn ma Y-Daniel tâm du nau tâm saơ. Y-Daniel tâm rnê ma Brah Ndu klơ trôk.

Daniel 7:13

Tâm lĕ nau tâm saơ dôl măng Gâp saơ geh du huê tâm ban ma kon bunuyh Văch ndrel ma ndâr tŭk bơh trôk. Nơm nây văch dăch Jêh ri bu njŭn tât na năp măt Nơm Gŭ Rêh Bơh Rnôk Kăl E.

Daniel 7:2

Y-Daniel lah: “Dôl măng, tâm nau tâm saơ, gâp saơ sial lam puăn njônh trôk ƀư mpât dak mƀŭt.

Sakari 1:10

Nơm dâk tâm nklang tơm si mirtơ plơ̆ lah: “Aơ jêng phung Brah Yêhôva đă hăn chop uănh lam neh.”

Sakari 1:11

Khân păng plơ̆ lah ma tông mpăr Brah Yêhôva dôl dâk tâm nklang tơm si mirtơ pô aơ: “Hên hŏ hăn nsong uănh lam neh jêh, jêh ri saơ lĕ rngôch ntŭk gŭ đăp mpăn da dê.”

Sakari 1:7

Ta nar bar jât ma puăn, khay jât ma nguay, jêng khay Sêbat, tâm năm tal bar rnôk rô̆ Y-Darius chiă uănh, geh nau Brah Yêhôva ngơi ma nơm mbơh lor Y-Sakari, kon bu klâu Y-Bêrêkia, sau Y-Idô.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Yôsuê 5:13

Dôl Y-Yôsuê gŭ dăch Yêrikô, păng n'gơr măt uănh, păng saơ du huê bunuyh djôt đao rnglay dâk tra năp măt păng. Y-Yôsuê hăn văch dăch ma păng jêh ri ôp: “May mpeh ma hên mâu lah mpeh ma phung rlăng hên?”

Nau Tâm Mpơl 2:1

“Nchih hom ma phung tông mpăr ma Phung Ngih Brah Ndu ta ƀon Êphêsô pô aơ: Aơ jêng nau ngơi Nơm djôt pơh mănh mbing tâm ti ma, jêh ri hăn ta nklang pơh jâng kađen mah:

Nau Tâm Mpơl 6:2

Gâp uănh, ri, du mlâm seh nglang. Nơm ncho seh nĕ geh du mlâm na jêh ri bu ăn ma păng du mlâm đon hađăch. Păng hăn luh nâm bu du huê bunuyh tŭn mpet jêh ri dơi jêh.

Nau Tâm Mpơl 6:4

Du mlâm seh chăng êng tâm mpơl. Nơm ncho seh nây geh nau dơi sŏk lơi jêh nau đăp mpăn bơh neh ntu gay ma bu tâm nkhĭt ndrăng băl păng nơm; bu ăn jêh ma păng du mlâm đao gưm toyh.