Sakari 1:6 - Nau Brah Ndu Ngơi 2023

⁶ Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Sakari 1:6 Iomraidhean Croise

II Phung Hađăch 15:12

Pônây, nau Brah Yêhôva ton jêh ma Y-Jêhu: “Phung kon sau may mra gŭ ta sưng hađăch Israel tât ta rnôk rơh puăn,” nau nây tât di ngăn.

Ndrom Samƀŭt bơh Yôp 6:29

Gâp dăn khân may mĭn hom, lơi hôm geh nau mâu sŏng đŏng ôh. Mĭn tay hom, yorlah gâp hôm jêng bunuyh sŏng srăng.

Êsai 21:17

Phung tahan janh ktang pănh na tâm phung Kêdar hôm e djê̆ dơm. Yorlah Yêhôva Brah Ndu ma phung Israel lah jêh nau nây.”

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Yêrêmi 23:20

Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 26:15

Nđâp lah pônây, ăn khân may gĭt nanê̆ pô aơ lah nkhĭt gâp pôri khân may, ƀon toyh aơ jêh ri lĕ rngôch phung gŭ tâm ƀon mra sŏk dơn mham mâu geh ôh nau tih. Yorlah n'hêl nanê̆ ngăn Brah Yêhôva hŏ prơh gâp tât gay mbơh lĕ rngôch nau ngơi aơ lăp ta tôr khân may.”

Yêrêmi 28:17

Tâm khay pơh năm nây lĕ, nơm mbơh lor Y-Hanania hŏ khĭt.

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 36:28

“May sŏk hom du ndrom samƀŭt ntâu êng jêh ri nchih tay lĕ rngôch nau ngơi hŏ nchih jêh tâm ndrom samƀŭt saơm Y-Jêhôjakim, hađăch Yuđa, hŏ su jêh.

Yêrêmi 39:16

“May mâp hom jêh ri lah ma Y-Êbet-Mêlek, bunuyh Êthiôpi, pô aơ: ‘Brah Yêhôva ma phung tahan, Brah Ndu Israel, lah: Aơ, Gâp dăch ƀư jêh nau Gâp lah ma ƀon aơ nây jêng nau mhĭk mâu di ăn nau ueh uĭn ôh. Tât nar nĕ, lĕ nau nây mra jêng nau nanê̆ tanăp măt may.’

Yêrêmi 4:4

Hơi phung Yuđa jêh ri phung ƀon lan Yêrusalem, Koh hom ntâu khân may nơm yorlah Brah Yêhôva, Koh mƀăr lơi ntâu bơh nuih n'hâm khân may! Tơlah mâu, nau Gâp ji nuih mra hao hit nâm bu ŭnh, Su khân may, mâu geh bunuyh buh nhhât ôh, Yorlah nau mhĭk khân may hŏ ƀư.”

Yêrêmi 44:2

Brah Yêhôva ma phung tahan, Brah Ndu Israel, lah: “Khân may nơm hŏ saơ jêh lĕ rngôch nau mhĭk Gâp hŏ ăn tât jêh ma ƀon Yêrusalem jêh ri ma lĕ rngôch ƀon n'gor bri Yuđa. Ri, lĕ ƀon toyh nây nar aơ jêng rngol, mâu geh du huê bunuyh gŭ.

Yêrêmi 44:28

Knŏng geh djê̆ dơm bunuyh klaih tă bơh tak đao nchuăt du tă bơh bri Êjipt plơ̆ sĭt tâm bri Yuđa. Rnôk nây, lĕ rngôch phung Yuđa hôm klen, jêng phung hŏ tât jêh ŭch gŭ tâm n'gor bri Êjipt aơ, mra gĭt mbu nau ngơi jêng di ngăn, nau ngơi Gâp mâu lah nau ngơi khân păng.

Yêrêmi 44:29

Brah Yêhôva lah: ‘Aơ jêng nau mbên khlay ăn ma khân may gĭt Gâp mra tâm rmal khân ay may tâm ntŭk aơ, gay ma khân ay may gĭt pô aơ nau Gâp lah ma nau mhĭk tât jêng nau geh ngăn ma khân may.’

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Yêrêmi 5:14

Yor nây, Yêhôva Brah Ndu ma phung tahan lah: “Yorlah khân may hŏ ngơi lĕ nau nây, Pô aơ, Gâp mra ƀư nau ngơi Gâp nâm bu ŭnh tâm mbung may, Ƀon lan aơ mra nâm bu long, jêh ri ŭnh nây mra sa rvăn khân păng.”

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Nau Nhĭm Vơl 2:17

Brah Yêhôva ƀư ngăn jêh nau Păng ŭch ƀư, Ƀư nau Păng hŏ lah jêh; Nâm bu nau Păng ntĭnh bơh jŏ kăl e, Păng hŏ n'glưh lơi jêh mâu geh nau yô̆ ôh; Păng ƀư ăn ma phung rlăng may maak yor ma may, N'hao prêh nke phung rlăng may.

Nau Nhĭm Vơl 3:42

“Hên hŏ ƀư tih jêh ri tâm rdâng jêh, May mâu yô̆ an ôh!

Êsêkiêl 20:43

Ta nây, khân may mra kah gĭt tay trong khân may jêh ri lĕ rngôch nau khân may hŏ ƀư ƀơ̆ khân may nơm. Khân may mra nduyh êng ma khân may nơm yor lĕ rngôch nau mhĭk khân may hŏ ƀư tih jêh.

Êsêkiêl 37:11

Păng lah ma gâp: “Hơi kon bunuyh, đơ nting aơ jêng lĕ rngôch ngih Israel. Aơ, khân păng ngơi pô aơ: ‘Nting hên lĕ kro jêh, nau kâp gân hên lĕ roh, hên bu ƀư rai lĕ jêh!’”

Daniel 4:28

Lĕ rngôch nau nây geh tât ma hađăch Nêbukatnetsar da dê.

Ndrom Samƀŭt bơh Ôsê 5:9

Êphraim mra jêng rngot njăp Tâm nar nau tâm rmal; Ta nklang ndŭl mpôl Israel Gâp mbơh du ntil nau jêng n'hêl nanê̆ ngăn mra geh tât.

Ndrom Samƀŭt bơh Ôsê 9:15

Lĕ rngôch nau djơh mhĭk khân păng gŭ ta ƀon Gilgal da dê; Ta ntŭk nây yơh Gâp tâm rmot ma khân păng. Yor lĕ nau kan djơh mhĭk khân păng Gâp mra mprơh khân păng bơh ngih Gâp; Gâp mâu hôm rŏng ma khân păng đŏng ôh. Lĕ rngôch phung kôranh chiă uănh khân păng jêng phung mâu gŭ răp jăp.

Amôt 9:10

Lĕ rngôch phung tih tâm phung ƀon lan Gâp, Jêng phung lah pô aơ: ‘Nau mhĭk mâu mra ban tĭng he ôh’ Pôri khân păng mra khĭt ma đao.”

Sakari 1:7

Ta nar bar jât ma puăn, khay jât ma nguay, jêng khay Sêbat, tâm năm tal bar rnôk rô̆ Y-Darius chiă uănh, geh nau Brah Yêhôva ngơi ma nơm mbơh lor Y-Sakari, kon bu klâu Y-Bêrêkia, sau Y-Idô.

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

Nau Kơp Bunuyh 23:19

Brah Ndu mâu jêng du huê bunuyh ôh dĭng păng ngơi mƀruh, Mâu đŏng jêng du huê kon bunuyh kŏ tât păng rgâl nau păng mĭn. Moh nau Păng hŏ ntăm jêh, mâu hĕ Păng mra ƀư ăn tât nau nây? Moh nau Păng hŏ ton, mâu hĕ Păng mra ƀư ăn tât nau nây?

Nau Kơp Bunuyh 32:23

Ƀiălah, tơlah khân may mâu mra ƀư pônây ôh, nanê̆ khân may hŏ ƀư tih đah Brah Yêhôva jêh ri ăn khân may gĭt ngăn nau tih nây mra nkhŭt tay ma khân may.

Nau Kơp Bunuyh 33:56

Jêh nây Gâp mra ƀư ma khân may nâm Gâp mĭn jêh ŭch ƀư ma khân păng.’”

Mathay 24:35

Trôk neh ntu mra rlau lôch, ƀiălah nau Gâp ngơi mâu mra rlau lôch ôh.”

Nau Vay Nkah Tay 28:15

“Ƀiălah tơlah khân may mâu iăt ôh bâr Yêhôva Brah Ndu khân may, mâu njrăng ƀư tĭng lĕ nau vay Păng ntăm jêh ri nau vay Păng dăp, jêng nau gâp ntăm ma khân may nar aơ, pôri lĕ nau rak rtăp aơ mra njŭr tât ma khân may jêh ri tât ban khân may.

Nau Vay Nkah Tay 28:2

Lĕ rngôch nau ueh lăng aơ mra tât ma khân may, lah khân may rkêng iăt bâr Yêhôva Brah Ndu khân may:

Nau Vay Nkah Tay 28:20

Tơlah khân may ƀư nau djơh mhĭk jêh ri chalơi Brah Yêhôva pôri Păng mra ăn tât nau mhĭk, nau krit klach jêh ri nau phit ndrŏt tâm khân may, tâm lĕ nau kan ti khân may ƀư, kŏ tât khân may rai jêh ri gơnh rai lôch ro.

Nau Vay Nkah Tay 28:45

Lĕ rngôch nau rak rtăp aơ mra njŭr tât ma khân may, tĭng pakơi jêh ri tât ban khân may, kŏ tât khân may rai lôch, yorlah khân may mâu tông bâr Yêhôva Brah Ndu khân may hŏ lah jêh tâm ban đŏng mâu djôt prăp ôh lĕ nau vay ntăm jêh ri nau vay Păng dăp ntăm ma khân may.

I Têsalônik 5:4

Ƀiălah hơi phung oh nâu, khân may mâu gŭ ôh tâm nau ngo, kŏ tât Nar nây tât ndal ma khân may nâm bu nơm ntŭng.