Sakari 1:2 - Nau Brah Ndu Ngơi 2023

² “Brah Yêhôva nuih ngăn ma phung chô yau khân may.

Sakari 1:2 Iomraidhean Croise

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Phung Hađăch 23:26

Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

Êsra 9:13

Pakơi lĕ nau mhĭk ăn tât nây ma hên, yor lĕ nau djơh jêh ri nau tih toyh hên, — hơi Brah Ndu hên! Nanê̆ ngăn Kôranh Brah mâu tâm rmal ôh hên ăn di nâm bu nau tih hên, ƀiălah hŏ ăn ma hên du kô̆ hôm e klen tâm ban pônây, —

Nau Mprơ Ơm 60:1

Ơ Brah Ndu! May chalơi jêh hên, May ăn hên jêng du pru pra; May nuih jêh ma hên. Ƀiălah aƀaơ njŭn leo hên plơ̆ tay.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Nau Nhĭm Vơl 5:7

Chô yau hên hŏ ƀư tih jêh ri abaơ lĕ khĭt jêh; Hên mra anh nau mhĭk khân păng.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Sakari 1:15

Ƀiălah Gâp nuih ngăn phung mpôl bunuyh dôl gŭ đăp mpăn; yorlah Gâp knŏng ji nuih djê̆ dơm ma phung ƀon lan Gâp, ƀiălah khân păng hŏ ƀư ntop đŏng nau rêh ni.’

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Sakari 8:14

Yorlah Brah Yêhôva ma phung tahan lah: “Nâm bu Gâp hŏ ăn jêh nau mhĭk tât khân may, lah chô yau khân may nsônh nuih Gâp, Gâp mâu rgâl ôh nau mĭn,” Brah Yêhôva ma phung tahan lah kơt nây,

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.