Sakari 1:17 - Nau Brah Ndu Ngơi 2023

¹⁷ Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”

Sakari 1:17 Iomraidhean Croise

II Nau Rêh Jêng 6:6

Ƀiălah Gâp hŏ săch jêh Yêrusalem gay dơm amoh Gâp ta nây, jêh ri Gâp hŏ săch jêh Y-Đavit gay chiă uănh phung ƀon lan Israel Gâp.

Nêhêmi 11:20

Lĕ phung Israel êng, phung kôranh ƀư brah, phung Lêvi, gŭ tâm ăp ƀon n'gor bri Yuđa, ăp nơm gŭ tâm drăp ndơn khân păng nơm.

Nêhêmi 11:3

Pakơi aơ jêng phung kôranh chiă uănh tâm n'gor gŭ ta ƀon Yêrusalem (tâm nôk phung ƀaƀă Israel, phung kôranh ƀư brah, phung Lêvi, phung pah kan ta ngih brah jêh ri phung kon sau phung oh mon Y-Salômôn gŭ da dê tâm n'gor ƀon khân păng nơm ta lĕ ƀon êng bơh Yuđa.

Nau Mprơ Ơm 69:35

Yorlah Brah Ndu mra tâm rklaih Siôn Jêh ri rdâk njêng tay lĕ ƀon Yuđa. Ƀon lan Păng mra gŭ ta nây jêh ri khân păng mra pit sŏk păng.

Êsai 14:1

Ngăn yơh, Brah Yêhôva mra yô̆ nđach ma Yakôb jêh ri hôm du tơ̆ đŏng săch Israel. Păng mra ăn ma khân păng gŭ tâm bri khân păng nơm. Phung bu năch mra tâm rnglăp đah khân păng jêh ri mra gŭ ndrel đah ngih Yakôb.

Êsai 44:26

Brah Ndu ƀư nanê̆ nau oh mon Păng ngơi, Ăn tât moh nau phung Păng hăn mbơh Lah ma ƀon Yêrusalem pô aơ: ‘Bu mra gŭ tâm păng’ Jêh ri ma lĕ ƀon bri Yuđa pô aơ: ‘Bu mra rdâk tay păng. Gâp mra ndâk tay lĕ ntŭk roh rai păng.’

Êsai 49:13

Ơ lĕ ndâr trôk, troh nter hom! Ơ neh ntu, răm maak hom! Ơ yôk, nter troh mprơ hom! Yorlah Brah Yêhôva hŏ bonh leng jêh phung ƀon lan Păng, Jêh ri yô̆ nđach ma phung rêh ni.”

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Êsai 51:3

Yorlah Brah Yêhôva bonh leng Siôn; Păng bonh leng lĕ rngôch ntŭk păng lĕ rlâm. Păng rgâl bri rdah jêng ma n'gar Êđen, Ndrêch rdah jêng n'gar Brah Yêhôva. Ta nklang đang trao nây mra geh nau maak, răm rhơn, Nau tâm rnê jêh ri bâr mprơ.

Êsai 52:9

Ơ ntŭk rlâm tâm ƀon Yêrusalem, Troh hom ma nau mprơ ndrel n'grŭp. Yorlah Brah Yêhôva hŏ bonh leng jêh phung ƀon lan Păng, Tâm chuai jêh ƀon Yêrusalem.

Êsai 54:8

Tâm nau ji nuih dŭt n'hâm, Gâp n'gĭl jêh muh măt Gâp ma ay ƀât lât, Ƀiălah ma nau ueh mâu blau dŭt, Gâp mra yô̆ nđach ma ay,” Nơm Tâm Chuai ay jêng Brah Yêhôva lah kơt nĕ.

Êsai 66:13

Gâp mra bonh leng khân may Tâm ban ma me bonh leng kon păng, Khân may mra geh nau tâm bonh leng tâm Yêrusalem.”

Yêrêmi 31:13

Nôk nây, bu ur druh mra răm maak pâl ntalơ̆, Phung mom ndăm nđâp ma lĕ phung bu ranh nsum nau răm maak. Gâp mra tâm rgâl nau klâng rvê khân păng jêng nau răm maak, Mra bonh leng khân păng, ăn ma khân păng nau hâk răm ntrok nau rngot.

Yêrêmi 33:13

Tâm lĕ rngôch ƀon bri klơ dor, lĕ rngôch ƀon gŭ ta bri Sêphêla jêh ri Nêgep, tâm bri Benjamin, tâm lĕ ƀon gŭ jŭm Yêrusalem jêh ri tâm lĕ rngôch ƀon n'gor Yuđa, đơ phung biăp mra hăn rgăn tâm dâng ti bunuyh kơp,’ Brah Yêhôva lah pônây.

Yêrêmi 33:9

Ƀon toyh aơ mra njŭn leo tay ăn ma Gâp geh amoh răm maak, nau tâm rnê jêh ri du nau chrêk lơp tanăp măt lĕ rngôch phung mpôl băl bunuyh ta neh ntu. Lah tăng lĕ rngôch nau ueh Gâp ƀư ăn ma khân păng, lĕ ntil mpôl bunuyh mra rklaih da dê jêh ri râm nsâr tanăp lĕ nau ueh jêh ri nau đăp mpăn Gâp mra ăn ma khân păng.’

Êsêkiêl 36:33

Kôranh Brah Yêhôva lah: ‘Tâm nar Gâp mra ƀư kloh lĕ rngôch nau tih khân may, Gâp mra ƀư tay ăn lĕ ƀon toyh geh ƀon lan gŭ jêh ri lĕ ntŭk rlâm rai mra rdâk tay.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Apdia 1:20

Phung tâm phung ƀon lan Israel gŭ ta nklang phung Kanaan Mra pit in neh kŏ tât ta Sarepta. Phung tă bơh Yêrusalem hŏ jêng bu nă tâm bri Sêpharat Mra ndơn lĕ ƀon toyh ta Nêgep.

Sakari 1:14

Nôk nây, tông mpăr dôl ngơi ndrel gâp, lah ma gâp: “Mbơh hom pô aơ Brah Yêhôva ma phung tahan lah: ‘Gâp dŭt n'hâm ntôn khek ngăn yor ma ƀon Yêrusalem jêh ri Siôn.

Sakari 1:18

Jêh ma nây, gâp n'gơr măt uănh, jêh ri saơ, geh puăn mlâm nke.

Sakari 2:12

Brah Yêhôva mra dơn phung Yuđa jêng drăp ndơn tâm ntŭk kloh ueh Păng, jêh ri Păng mra săch rgum đŏng Yêrusalem.

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Sakari 3:2

Brah Yêhôva lah ma Satan: “Hơi Satan, Brah Yêhôva geh nau dơi nduyh may! Brah Yêhôva, Nơm hŏ săch jêh ƀon Yêrusalem, nduyh may! Mâu di bơh nơm aơ jêng rlŭt ŭnh dôl hit bu rhuăt lơi tă bơh ŭnh?”

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.