Sakari 1:14 - Nau Brah Ndu Ngơi 2023

¹⁴ Nôk nây, tông mpăr dôl ngơi ndrel gâp, lah ma gâp: “Mbơh hom pô aơ Brah Yêhôva ma phung tahan lah: ‘Gâp dŭt n'hâm ntôn khek ngăn yor ma ƀon Yêrusalem jêh ri Siôn.

Sakari 1:14 Iomraidhean Croise

Êsai 37:32

Yorlah mra geh phung hôm klen hăn luh bơh Yêrusalem, jêh ri du phung klaih jêh mra luh bơh yôk Siôn. Nau duh nđơr Brah Yêhôva ma phung tahan mra ƀư nau aơ.

Êsai 38:22

Y-Hêsêkia ôp: “Geh nau tâm mbên gay ăn ma gâp gĭt lĕ, gâp hôm dơi hao ta ngih Brah Yêhôva?”

Êsai 40:1

Brah Ndu khân may lah: “Bonh leng hom, bonh leng hom phung ƀon lan Gâp.

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Êsai 40:6

Geh bâr lah: “Nter hom!” Jêh ri geh nter plơ̆ lah: “Moh nau gâp mra nter?” “Lĕ rngôch bunuyh jêng tâm ban ma gơ̆, Lĕ rngôch nau ueh păng jêng tâm ban ma kao gơ̆ tâm mir.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 59:17

Păng nsoh ao loih ma nau sŏng srăng, Ndô đon nau tâm rklaih ta bôk; Nsoh ao ma nau plơng bôk, Mbăk ta klơ păng nơm ao rjai nuih n'hâm duh nđơr.

Êsai 63:15

Bơh trôk, dăn Kôranh Brah mêt uănh, Bơh ntŭk May gŭ kloh ueh jêh ri chrêk rmah, dăn May mêt uănh! Mbah nau duh nđơr jêh ri kan nau brah May? Nau May rŏng jêh ri yô̆. Bu hŏ king jêh ƀơh!

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Êsêkiêl 36:5

Yor ri, aơ jêng nau Kôranh Brah Yêhôva lah: ‘N'hêl nanê̆ ngăn tâm nau ntôn duh nuih, Gâp mbơh nau tâm rdâng ma phung ƀon lan hôm e klen bơh lĕ bri dak jêh ri ma lĕ rngôch phung Êđôm, jêng phung bêng ma nuih n'hâm răm maak jêh ri mưch rmot ngăn, mĭn sŏk bri Gâp ƀư drăp ndơn ăn ma khân păng nơm gay ma khân păng sŏk pit in ndrêch gơ̆.’

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Yôel 2:18

Brah Yêhôva hŏ ntôn jêh yor bri aơ, Jêh ri Păng tâm mpơl nau yô̆ nđach ma phung ƀon lan Păng.

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

Sakari 1:13

Brah Yêhôva sŏk nau ngơi ueh, nau ngơi bonh leng lah ma tông mpăr nơm dôl ngơi đah gâp.

Sakari 1:17

Mbơh hom du tơ̆ tay đŏng pô aơ Brah Yêhôva ma phung tahan lah: ‘Lĕ rngôch ƀon toyh Gâp mra ăn âk bêng ma drăp ndơ, Brah Yêhôva mra bonh leng yôk Siôn jêh ri săch tay đŏng ƀon Yêrusalem.’”

Sakari 1:9

Gâp ôp tông mpăr dôl ngơi đah gâp: “Hơi kôranh gâp, mbu moh phung ncho seh nây?” Tông mpăr nsĭt lah: “Gâp mra ăn may gĭt moh khân păng jêng.”

Sakari 4:1

Tông mpăr plơ̆ văch ngơi tay ma gâp jêh ri rlay gâp, nâm bu rlay du huê bunuyh dôl hăk bê̆ch.