Sakari 1:12 - Nau Brah Ndu Ngơi 2023

¹² Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 1:12 Iomraidhean Croise

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

Nau Mprơ Ơm 102:10

Jêh ri rvăn dak tăng tâm pot đah ndơ gâp nhêt. Yorlah May chông gâp hao prêh jêh ri mƀăr gâp tâm ntŭk dêh.

Nau Mprơ Ơm 102:13

May mra gơnh yô̆ nđach ma ƀon Siôn; Yorlah jêng mông May ăn nau yô̆ ma păng. Jêh ri mông tât jêh.

Nau Mprơ Ơm 69:5

Ơ Brah Ndu! May gĭt nau rluk mâl gâp, Lĕ nau tih gâp mâu dơi pôn ma May ôh.

Nau Mprơ Ơm 74:10

Ơ Brah Ndu! Ndah nâm jŏ nơm tâm rdâng mra bêk prêng ma May? Nơm rlăng mra suai ma amoh May mro lĕ?

Nau Mprơ Ơm 79:5

Ơ Brah Yêhôva! Ndah jŏ? May mra ji nuih mro mrăng lĕ? Nau May ntôn mra hit nâm bu ŭnh sa boh?

Nơm Nti 3:3

Geh năng nkhĭt, geh năng ƀư bah; Geh năng rơih lơi, geh năng ndâk;

Êsai 47:6

Gâp hŏ hao ji nuih ma phung ƀon lan Gâp, Ƀư ƀơ̆ drăp ndơn Gâp Jêh ri jao jêh khân păng tâm ti may. Ƀiălah may mâu mâp yô̆ ôh ma khân păng; May hŏ dơm jêh ta klơ bunuyh ranh Du mlâm mbăk mâng jâk ngăn

Êsai 63:9

Tâm lĕ rngôch nau rêh ni tât ma ƀon lan Păng, Păng ăt geh nau rêh ni lĕ, Jêh ri tông mpăr tanăp Păng hŏ rklaih jêh khân păng. Yorlah nau rŏng jêh ri nau yô̆ nđach, Păng yơh tâm chuai jêh khân păng; Păng hŏ ut ra-u jêh ri chông leo khân păng dôl tâm lĕ nar rnôk kăl e.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 15:17

Gâp mâu gŭ nsum mâu lah pâl rlưn Ndrel ma bunuyh pâl ngơi pâl; Gâp gŭ êng du huê yor ti May tŭn jâk ta gâp, Yorlah May hŏ ƀư nau ji nuih bêng ta klơ gâp.

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Daniel 12:6

Du huê tâm bar hê khân păng ôp ma bunuyh nsoh bok mhay dôl gŭ dâk ta klơ dak krong: “Ndah jŏ mra lôch lĕ nau khlay aơ?”

Daniel 9:2

năm tal nguay rnôk rô̆ păng chiă uănh nây, gâp, Y-Daniel, tĭng nâm nau ŭch nti nau Brah Ndu ngơi, dơi gĭt mrô năm mra găn rlau êlor lôch rnôk Yêrusalem jêng rngot njăp, nau Brah Yêhôva hŏ lah jêh ma nơm mbơh lor Y-Yêrêmi, jêng pơh jât năm.

Habakuk 1:2

Ơ Brah Yêhôva! Gâp vơl dăn nau kơl Ƀiălah May mâu iăt, Gâp vơl dăn ma May yor nau bu ƀư mhĭk Kŏ tât ndah jŏ nau May mâu ŭch ôh tâm rklaih?

Sakari 1:8

Dôl bri măng, Gâp saơ geh du huê ncho seh chăng, dâk ta nklang lĕ tơm si mirtơ ta du ntŭk tâm rlŭng. Mpeh pakơi păng geh phung seh chăng, seh guh, seh nglang.

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

Nau Tâm Mpơl 6:10

Khân păng nter ktang pô aơ: “Ơ Kôranh Brah jêng Nơm kloh ueh jêh ri nanê̆ ngăn, ndah hôm jŏ đŏng Kôranh Brah mra phat dôih, jêh ri plơng bôk ma phung gŭ ta neh ntu yor ma mham hên?”