Samƀŭt Pôl Njuăl Ăn Ma Phung Nsing Ta Ƀon Rôm 9:4 - Nau Brah Ndu Ngơi 2023

⁴ nâm bu ntĭt phung Israel, phung ƀon lan dơi dơn jêng kon mât rŏng, nau chrêk rmah, nau tâm rnglăp, nau vay, nau yơk mbah, jêh ri nau ton;

Bunong Bible Latin Script Cambodian dialect

⁴ Khân păng phung Israel i Kôranh Brah lĕ kơih ŭch sŏ jêng phung kon Păng nơm. Bơh ntơm nơh Kôranh Brah lĕ nhhơ nau chrêk lơp Păng nơm ăn ma khân păng, Păng lĕ jan nau tâm rnglăp đah khân păng, Păng lĕ ăn nau vay Păng nơm ma khân păng, Păng lĕ ăn ma khân păng yơk mbah Păng, Păng lĕ ăn ma khân păng nau ton êng êng.

Bunong

⁴ ខាន់​ពាង់​ផូង​អីឆ្រាអែល  ​អី​កោរាញ​ឞ្រាស​លែៈ​កើយ្ស​អុច​ឆ៝ៈ​ជេង​ផូង​ក៝ន​ពាង់​នើម។ ឞើស​នតើម​នើស​កោរាញ​ឞ្រាស​លែៈ​ញហើ​នាវ​ច្រេក​លើប​ពាង់​នើម​អ៝ន់​មា​ខាន់​ពាង់ ពាង់​លែៈ​ជាន​នាវ​តឹម​រាង្លាប់​ដាស​ខាន់​ពាង់ ពាង់​លែៈ​អ៝ន់​នាវ​វៃ​ពាង់​នើម​មា​ខាន់​ពាង់ ពាង់​លែៈ​អ៝ន់​មា​ខាន់​ពាង់​យើក​មឞាស​ពាង់ ពាង់​លែៈ​អ៝ន់​មា​ខាន់​ពាង់​នាវ​ត៝ន​អេងៗ។

Samƀŭt Pôl Njuăl Ăn Ma Phung Nsing Ta Ƀon Rôm 9:4 Iomraidhean Croise

Nau Ntơm 15:18

Tâm nar nây, Brah Yêhôva ƀư nau tâm rnglăp đah Y-Abram pô aơ: “Gâp ăn noi deh may bri aơ, ntơm bơh dak krong Êjipt tât ta dak krong toyh ri, jêng dak krong Ơphrat,

Nau Ntơm 17:10

Aơ jêng nau Gâp tâm rnglăp gay ăn may djôt prăp, jêng nau tâm rnglăp vah vang Gâp đah may jêh ri tâm ban đŏng đah phung kon sau may nar kăndơ̆: Nây jêng lĕ rngôch phung bu klâu tâm phung khân may dơn nau koh ntâu.

Nau Ntơm 17:2

Gâp mra ƀư nau tâm rnglăp đah may, jêh ri ăn noi deh may bĭk rơ̆ âk râk.”

Nau Ntơm 17:7

Gâp mra njêng nau tâm rnglăp đah may jêh ri đah noi deh kon sau may bơh rô̆ aơ tât rô̆ êng; yorlah aơ jêng nau tâm rnglăp n'ho ro gay Gâp jêng Brah Ndu may jêh ri mpeh noi deh may.

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

I Phung Hađăch 8:11

kŏ tât yor ndâr tŭk nây phung kôranh ƀư brah mâu dơi dâk ôh gay pah kan nhhơr, yorlah nau chrêk rmah Brah Yêhôva lĕ bêng ma ngih Brah Yêhôva.

Nêhêmi 13:29

“Hơi Brah Ndu gâp! Dăn lơi chuêl ôh jêng khân păng hŏ ƀư ƀơ̆ ƀơch nau kan kôranh ƀư brah jêh ri nau tâm rnglăp ma nau kan kôranh ƀư brah jêh ri ma phung Lêvi.”

Nau Mprơ Ơm 147:19

Păng tâm mpơl nau Păng ngơi ma Yakôb, Nau vay dăp jêh ri nau vay Păng ƀư ma phung Israel.

Nau Mprơ Ơm 63:2

Ăn gâp gŭ uănh May tâm ngih kloh ueh. Gay uănh nau brah jêh ri nau chrêk rmah May.

Nau Mprơ Ơm 73:1

Nanê̆ Brah Ndu jêng ueh ngăn ma phung Israel, Nây jêng phung geh nuih n'hâm kloh rsang.

Nau Mprơ Ơm 78:61

Nau ktang Păng jao ma nau jêng bu nă, Nau chrêk rmah Păng jao tâm ti phung rlăng.

Nau Mprơ Ơm 89:3

May lah: “Gâp ndâk jêh nau tâm rnglăp đah nơm Gâp săch jêh, Gâp ton jêh đah Y-Đavit, oh mon Gâp, pô aơ:

Nau Mprơ Ơm 89:34

Gâp mâu mra chalơi ôh nau Gâp tâm rnglăp, Mâu lĕ tâm rgâl moh nau lah jêh bơh bâr mbung Gâp.

Nau Mprơ Ơm 90:16

Ăn kan May mpơl ma phung oh mon May, Jêh ri nau chrêk rmah May ral ang ta phung kon khân păng!

Nau Ngluh Êjipt 12:25

Lah khân may lăp jêh tâm neh Brah Yêhôva mra ăn ma khân may tĭng nâm Păng hŏ ton jêh, ăn khân may djôt prăp nau rƀŭn aơ.

Nau Ngluh Êjipt 34:27

Brah Yêhôva ngơi đŏng Y-Môis: “Nchih hom nau aơ yorlah bơh nâm lĕ nau ngơi aơ dĭng Gâp ƀư nau tâm rnglăp đah may jêh ri đah phung Israel.”

Nau Ngluh Êjipt 4:22

Pôri ăn may lah đah Pharaôn pô aơ Brah Yêhôva lah: ‘Israel jêng kon Gâp, jêng kon bu klâu bôk rah Gâp.

Nau Ngluh Êjipt 40:34

Jêh nây geh du ndâr tŭk nkŭm Ngih Bok Nau Tâm Rƀŭn jêh ri nau chrêk rmah Brah Yêhôva bêng Ngih Bok.

Êsai 41:8

Ƀiălah ơ phung Israel, khân may jêng oh mon Gâp, Ơ Yakôb, jêng nơm Gâp hŏ săch jêh, Khân may jêng noi deh Y-Abraham, mĭt jiăng Gâp.

Êsai 46:3

“Ơ ngih Yakôb jêh ri lĕ rngôch phung hôm klen bơh ngih Israel, Iăt hom Gâp, Gâp hŏ mât mray jêh khân may ntơm bơh hôm tâm ndŭl me, Ut ra-u khân may ntơm nôk mhe deh;

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Êsai 60:19

May mâu hôm mra nsing nar Sol ang nôk nar, Jêh ri mâu hôm ŭch đă khay Sol ang nôk măng; Yorlah Brah Yêhôva mra jêng nau ang n'ho ro ma may, Brah Ndu may mra jêng nau chrêk rmah may.

Yêrêmi 31:20

Di lĕ phung Êphraim jêng kon Gâp rŏng? Du huê kon Gâp dŭt rŏng ngăn hĕ? Ăp tơ̆ nduyh lah păng, Gâp ăt hôm e kah gĭt ma păng đŏng. Yor nây nuih n'hâm Gâp rŏng ma păng; Gâp yô̆ nđach ma păng hâu ngăn ngên.” Brah Yêhôva lah pônây.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Êsêkiêl 1:28

Nchrat nchrang gâp saơ jŭm ntŭk nây nâm bu nau ang bêh tŭng tĭng tâm tŭk dôl nar mih. Nây jêng nau tâm mpơl rup nau chrêk rmah Brah Yêhôva. Tơlah gâp saơ pônây, gâp păn muh măt ta neh jêh ri gâp tăng bâr dôl lah ma gâp.

Ndrom Samƀŭt bơh Ôsê 11:1

“Dôl Israel hôm kon se jê̆ Gâp hŏ rŏng jêh păng; Gâp ntơ kon bu klâu Gâp luh tă bơh n'gor bri Êjipt.

Nau Kơp Bunuyh 7:89

Tơlah Y-Môis lăp Ngih Bok Nau Tâm Rƀŭn gay tâm ngơi ndrel đah Brah Yêhôva, păng tăng bâr Kôranh Brah ngơi ma păng nơm tă bơh ndrŭp nau yô̆ an ta klơ Hip Nau Tâm Rnglăp, ta vah vang bar chêrubim. Jêh ri kơt nĕ păng tâm ngơi ndrel jêh đah Brah Yêhôva.

Mathay 21:33

“Iăt hom nau hôr êng. Geh du huê bunuyh tăm du đang krăk ƀâu, ƀư n'gar jŭm mir, tâm trôm păng kuyh du ntu mpet ndrănh, ƀư du ngih tŭm gak, jêh ri ăn lĕ bunuyh tăm krăk ƀâu nkhôm, jêh nây păng hăn du bri êng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Kôranh Oh Mon 2:39

Yorlah nau ton nây prăp ma khân may, ma phung kon sau khân may, jêh ri ma lĕ rngôch bunuyh gŭ ngai, jêng lĕ rngôch bunuyh Kôranh Brah jêng Brah Ndu he mra kuăl.”

Samƀŭt Pôl Njuăl Ăn Ma Phung Nsing Ta Ƀon Rôm 3:2

Nau khlay tâm lĕ rngôch ntil. Lor lơn, nau ngơi Brah Ndu ăn ma phung Yuđa

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 9:6

Ngơi tâm ban pônây mâu geh ntĭt jêng nau ngơi Brah Ndu jêng nau rai yot ôh. Yorlah mâu di lĕ rngôch luh bơh Israel jêng phung Israel.

II Kôrintô 11:22

Khân păng jêng phung Hêbrơ ƀơh? Gâp tâm ban đŏng. Khân păng jêng phung Israel ƀơh? Gâp tâm ban lĕ. Khân păng jêng phung kon sau Y-Abraham ƀơh? Gâp tâm ban lĕ.

Galati 3:16

Ma lĕ nau ton hŏ ntăm jêh ma Y-Abraham jêh ri ma noi deh păng, Nau Brah Ndu Ngơi mâu lah ôh: “Jêh ri ma lĕ noi deh” tâm ban prăp ma âk bunuyh, ƀiălah lah: “Jêh ri ma noi deh may,” tâm ban knŏng ma du huê bunuyh, nâm bu ntĭt Brah Krist.

Êphêsô 2:12

Kah gĭt hom rnôk nây, gŭ ta neh ntu aơ, khân may mâu geh Brah Krist ôh; mâu geh nau dơi jêng phung ƀon lan Israel ôh, jêng bu năch ma nau tâm rnglăp bơh nau ton, mâu geh nau kâp gân, mâu geh Brah Ndu ôh.

Nau Vay Nkah Tay 14:1

“Khân may jêng phung ƀon lan Yêhôva Brah Ndu. Lơi koh mlay săk khân may nơm, mâu lah poih sŏk ta klơ ndăr kleng yor ma bunuyh khĭt,

Nau Vay Nkah Tay 29:1

Aơ jêng lĕ nau ngơi tâm nau tâm rnglăp Brah Yêhôva ntĭm jêh ma Y-Môis ăn ƀư đah phung ƀon lan Israel ta n'gor Môap, rlau ma nau tâm rnglăp Păng hŏ ƀư jêh ma khân păng ta yôk Hôrep.

Nau Vay Nkah Tay 29:14

Mâu di ôh gâp knŏng ƀư nau tâm rnglăp jêh ri nau ton aơ dơm ma khân may,

Nau Vay Nkah Tay 31:16

Brah Yêhôva lah ma Y-Môis: “Aơ, may lĕ dăch khĭt, hăn gŭ ndrel ma phung chô yau may. Bi phung ƀon lan aơ mra ƀư nau tâm rdâng jêh ri ƀư nau văng tĭr đah lĕ brah phung bu năch tâm n'gor khân păng mra hăn lăp. Khân păng mra chalơi Gâp jêh ri rlau nau vay tâm rnglăp Gâp hŏ ƀư jêh đah khân păng.

Nau Vay Nkah Tay 4:13

Brah Yêhôva mbơh ma khân may nau tâm rnglăp, nau Păng ntăm jêh ăn khân may djôt prăp, nâm bu ntĭt Jât Ntil Nau Vay Ntăm bơh Păng hŏ nchih jêh ta klơ bar rlat lŭ.

Nau Vay Nkah Tay 7:6

Yorlah khân may jêng du phung ƀon lan kloh ueh ma Yêhôva Brah Ndu. Tâm lĕ rngôch phung ƀon lan tâm neh ntu aơ, Yêhôva Brah Ndu hŏ săch jêh khân may gay jêng phung ƀon lan Păng, jêng drăp ndơn êng Păng.

ហេឞ្រើ 9:1

Pôri, nau tâm rnglăp tal nguay geh đŏng lĕ nau tâm nal ma nau yơk mbah jêh ri du Ntŭk Kloh Ueh ta neh ntu.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

ហេឞ្រើ 9:3

Pakơi bok nching tal bar, geh ntŭk bu rnha Ntŭk Dŭt Kloh Ueh,

ហេឞ្រើ 9:5

Ta klơ Hip Nau Tâm Rnglăp geh phung chêrubim chrêk rmah nkŭm ma ndrŭp nau yô̆. Ƀiălah aƀaơ mâu hôm dơi nkoch bri ăp ntil lĕ ndơ nây.

ហេឞ្រើ 9:6

Lĕ ndơ nây dăp lor jêh tâm ban pônây, jêh ri ăp nar phung kôranh ƀư brah lăp tâm jrô tal nguay ngih bok gay nkra lĕ nau vay tâm rƀŭn ma nau yơk mbah.