Samƀŭt Pôl Njuăl Ăn Ma Phung Nsing Ta Ƀon Rôm 9:3 - Nau Brah Ndu Ngơi 2023

³ Yorlah gâp ŭch dơi suai rak gâp nơm jêh ri chalơi bơh Brah Krist ntrok an ma phung oh nâu jêng phung ndŭl mpôl gâp;

Bunong Bible Latin Script Cambodian dialect

³ Lah gâp dơi kơl khân păng ăn geh nau rklaih, bol lah gâp tâm nkhah bơh Brah Krist sơm sŏ dơn nau Kôranh Brah tê̆ dôih kađôi, gay ma ăn khân păng klaih bơh nau tê̆ dôih i nây, gâp hôm ŭch kơt nây ro. Yơn ma mâu ôh dơi.

Bunong

³ លាស​គ៝ប់​ទើយ​កើល​ខាន់​ពាង់​អ៝ន់​គែស​នាវ​រាក្លាយ្ស ឞ៝ល​លាស​គ៝ប់​តឹម​ងខាស​ឞើស​ឞ្រាស​ក្រីស  ​ឆើម​ឆ៝ៈ​ទើន​នាវ​កោរាញ​ឞ្រាស​តេៈ​ទោយ្ស​កាដោយ គៃ​មា​អ៝ន់​ខាន់​ពាង់​ក្លាយ្ស​ឞើស​នាវ​តេៈ​ទោយ្ស​អី​នៃ គ៝ប់​ហោម​អុច​កើត​នៃ​រ៝។ យើន​មា​មោ​អោស​ទើយ។

Samƀŭt Pôl Njuăl Ăn Ma Phung Nsing Ta Ƀon Rôm 9:3 Iomraidhean Croise

Nau Ntơm 29:14

Y-Laban lah: “Di ngăn mon jêng noi deh du mham đah gâp.” Y-Yakôb gŭ ndrel ma păng du khay.

II Samuel 18:33

Hađăch phit nuih n'hâm hâu ngăn, hăn hao tâm jrô ta klơ mpông ƀon jêh ri nhĭm. Dôl păng chuat păng lah: “Hơi Y-Apsalôm, kon bu klâu gâp, kon bu klâu gâp! Y-Apsalôm, kon bu klâu gâp! Ueh lơn gâp khĭt ntrok may! Hơi Y-Apsalôm, kon bu klâu gâp, kon bu klâu gâp!”

Êsther 8:6

Yorlah mâm gâp uănh saơ nau mhĭk tât ma phung ƀon lan gâp? Mâu lah mâm gâp saơ nau ƀư rai phung ndŭl mpôl gâp?”

Nau Ngluh Êjipt 32:32

Ƀiălah aƀaơ dăn Kôranh Brah yô̆ an nau tih ma khân păng! Tơlah mâu, dăn may jut lơi amoh gâp bơh ndrom samƀŭt May hŏ nchih jêh.”

Kôranh Oh Mon 13:26

Hơi phung oh nâu jêng phung kon sau Y-Abraham, jêh ri phung bunuyh klach yơk ma Brah Ndu, nau mbơh ma nau tâm rklaih aơ njuăl ma he yơh.

Kôranh Oh Mon 22:5

Ma nau nây, kôranh ƀư brah toyh lơn jêh ri lĕ Mpôl Kôranh mbơh nkoch ma gâp da dê, gâp hŏ dơn jêh tă bơh ti khân păng lĕ samƀŭt njuăl ma phung oh nâu ta ƀon Đamas, jêh ri gâp hŏ hăn tât ta nây gay nhŭp chăp phung chroh, njŭn khân păng ta ƀon Yêrusalem gay ma tâm rmal.

Kôranh Oh Mon 28:21

Phung nây plơ̆ lah: “Hên mâu mâp dơn ôh samƀŭt njuăl tă bơh n'gor Yuđa nkoch bri ma nau may, jêh ri mâu geh du huê tâm phung oh nâu văch ta aơ mbơh mâu lah ngơi mhĭk ma may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 1:3

Nây jêng Nau Mhe Mhan Ueh ma Kon Păng, jêng Nơm tâm nau nglay săk bu deh tă bơh ndŭl mpôl Y-Đavit;

Samƀŭt Pôl Njuăl Ăn Ma Phung Nsing Ta Ƀon Rôm 11:1

Pônây gâp dăn ôp, Brah Ndu mâp lơi lĕ phung ƀon lan Păng? Mâu, mâu mâp ôh! Yorlah gâp nơm jêng bunuyh Israel, bơh noi deh Y-Abraham, bơh ndŭl mpôl Benjamin.

Samƀŭt Pôl Njuăl Ăn Ma Phung Nsing Ta Ƀon Rôm 11:14

gay tâm nsônh nuih n'hâm tâm rlong ma phung ndŭl mpôl gâp, jêh ri ma nau tâm rklaih ƀaƀă tâm phung khân păng.

Samƀŭt Pôl Njuăl Ăn Ma Phung Nsing Ta Ƀon Rôm 16:11

Mbah khâl đah Y-Hêrôdion, du huê băl mpôl gâp. Mbah khâl đah phung bunuyh gŭ tâm rnăk vâl Y-Narkisus, jêng phung bunuyh gŭ tâm Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 16:21

Y-Timôthê, nơm pah kan ndrel ma gâp mbah jô̆ khâl đah khân may; Y-Lusius, Y-Yason jêh ri Y-Sôsipater, jêng phung băl gâp đŏng mbah jô̆ khâl đah khân may.

Samƀŭt Pôl Njuăl Ăn Ma Phung Nsing Ta Ƀon Rôm 16:7

Mbah khâl đah Y-Andrônikus jêh ri Y-Junias jêng phung băl jêh ri mĭt jiăng gŭ krŭng ndrel ma gâp, ăt jêng bar hê khân păng ntoh lư tâm phung kôranh oh mon jêh ri jêng phung khân păng ma Brah Krist lor gâp.

Samƀŭt Pôl Njuăl Ăn Ma Phung Nsing Ta Ƀon Rôm 9:2

pô aơ gâp rngot ngăn, nuih n'hâm gâp ji mro mrăng.

I Kôrintô 12:3

Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

II Kôrintô 12:15

Gâp maak ngăn dŏng mpŭng moh ndơ gâp geh, suăt lĕ nau dăng ktang yor huêng khân may. Tơlah gâp rŏng ma khân may lơ âk lơn, mâm ƀư khân may rŏng ma gâp lơ hô djê̆?

Galati 1:8

Ƀiălah tơlah geh nơm, nđâp tơlah hên nơm mâu lah tông mpăr tă bơh trôk kđôi lĕ, ntăm ma khân may du ntil nau mhe mhan ueh êng đah Nau Mhe Mhan Ueh hên mbơh jêh ma khân may, păng nây khư geh anathem!

Galati 1:9

Nâm bu hên lah jêh ma khân may bơh lor, aƀaơ aơ gâp rkê̆ch tay, tơlah geh du huê bunuyh ntăm ma khân may du nau mhe mhan ueh êng đah Nau Mhe Mhan Ueh khân may dơn jêh, nơm nây khư geh nau rak rtăp.

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Êphêsô 6:5

Hơi phung bunuyh dĭk bu, klach râm sâr hom, sŏk nuih n'hâm nau ngăn tông bâr ma kôranh ta neh ntu, tâm ban tông bâr ma Brah Krist,

Nau Vay Nkah Tay 21:23

ƀiălah mâu dơi cha lat ôh săk jăn khĭt ta klơ tơm si lôch du măng, ƀiălah ăn khân may tâp ro păng tâm nar nây, yorlah mbu nơm bu yông klơ tơm si jêng nơm lĕ Brah Ndu de rak rtăp jêh. Khân may mâu dơi ƀư ƀơ̆ ôh n'gor neh Yêhôva Brah Ndu khân may ăn ma khân may jêng drăp ndơn.”

I Samuel 14:24

Tâm nar nây lĕ, phung Israel hŏ huăr ngăn jêh yorlah Y-Sôl sơm ton ma phung ƀon lan pô aơ: “Geh nau rak rtăp ma mbu moh sông sa du ntil ndơ lor tơlah ê-hŏ nhâp nar, nâm bu ntĭt lor gâp plơng har lôch jêh ma phung rlăng gâp!” Yor ri, lĕ rngôch phung ƀon lan mâu nănh sông sa nhêt du ntil ndơ ôh.

I Samuel 14:44

Y-Sôl lah: “Hơi Y-Jônathan, tơlah may mâu khĭt, dăn Brah Ndu ƀư nau tât ma gâp jâk jêr.”