Samƀŭt Pôl Njuăl Ăn Ma Phung Nsing Ta Ƀon Rôm 8:39 - Nau Brah Ndu Ngơi 2023

³⁹ ndah jong, ndah jru, mâu lah du ntil ndơ rhăk njêng mâu dơi ôh tâm nkhah he bơh nau Brah Ndu rŏng tâm Brah Yêsu Krist, Kôranh Brah he.

Bunong Bible Latin Script Cambodian dialect

³⁹ nau dơi ta kalơ trôk kađôi, nau dơi ta bơh dŏng neh kađôi, mâu lah ta ndơ êng jât i Kôranh Brah de lĕ njêng kađôi, kŏ mâu dơi ôh tâm nkhah bân bơh nau Kôranh Brah rŏng i lĕ Păng nhhơ jêh ta Brah Krist Yêsu i Kôranh bân.

Bunong

³⁹ នាវ​ទើយ​តា​កាលើ​ត្រោក​កាដោយ នាវ​ទើយ​តា​ឞើស​ទ៝ង់​នែស​កាដោយ មោ​លាស​តា​នទើ​អេង​ជឹត​អី​កោរាញ​ឞ្រាស​ទែ​លែៈ​ញជេង​កាដោយ ក៝ៈ​មោ​ទើយ​អោស​តឹម​ងខាស​ឞ៝ន់​ឞើស​នាវ​កោរាញ​ឞ្រាស​រ៝ង់​អី​លែៈ​ពាង់​ញហើ​ជេស​តា​ឞ្រាស​ក្រីស​យេឆូ  ​អី​កោរាញ​ឞ៝ន់។

Samƀŭt Pôl Njuăl Ăn Ma Phung Nsing Ta Ƀon Rôm 8:39 Iomraidhean Croise

Nau Mprơ Ơm 64:6

Khân păng nchră mĭn lĕ nau mhĭk jêh ri lah: “He ƀư lôch jêh nau ŭch ƀư dŭt ueh.” Nau mĭn jêh ri nuih n'hâm ăp nơm jêng mhĭk ngăn.

Nau Hôr 20:5

Nau nchră tâm nuih n'hâm kon bunuyh nâm bu ntu dak jru, Bunuyh gĭt rbăng mra bâk sŏk ta nây.

Nau Mprơ Ueh 3:4

Ƀah plăch ndŭr kơi bơh khân păng, Gâp hŏ mâp nơm nuih n'hâm gâp rŏng. Gâp ut ra-u păng, mâu ŭch mƀơk ôh Kŏ tât njŭn păng sĭt ma ngih mê̆ gâp, Lăp jrô nơm hŏ bă ntreo jêh gâp.

Êsai 10:33

Aơ, Kôranh Brah jêng Brah Yêhôva ma phung tahan, Mra dŏng nau dơi krit ngăn koh lơi n'gĭng tơm si; Đơ tơm si hưn mra kăl cha lôt, Đơ tơm si prêh toyh bu mra hŭch lơi.

Êsai 24:21

Tâm nar nây, Brah Yêhôva mra tâm rmal Phung tahan gŭ ta klơ lĕ ndâr trôk prêh, Jêh ri phung hađăch neh ntu gŭ tâm dâng neh nây.

Daniel 4:11

Tơm si nây văch ma toyh jêh ri nâp; Chiông tơm si nây tât trôk Jêh ri lam neh ntu dơi saơ da dê.

Mathay 24:24

Yorlah lĕ bunuyh nklă amoh Brah Krist jêh ri phung nơm mbơh lor nklă mra mpơl jêh ri ƀư lĕ nau mbên khlay, nau khlay ngăn toyh gay ndơm, jêh ri tơlah geh dơi ƀư, khân păng ndơm nđâp ma phung hŏ săch jêh.

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 5:8

Ƀiălah Brah Ndu tâm mpơl nau Păng rŏng ma he, dôl he hôm jêng bunuyh tih, Brah Krist khĭt ntrok an ma he.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:35

Mbu mra nkhah he bơh nau Brah Yêsu Krist rŏng? Di lĕ nau rêh ni toyh, nau rngot klâng, nau ƀư mhĭk, nau ji ngot ji hir, gŭ săk hưl, nau jêr, mâu lah tak đao ƀơh?

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

II Kôrintô 2:11

gay lơi ăn Satan dơi đah he, yorlah he gĭt jêh lĕ nau plĕch rlăm păng ŭch ƀư.

Êphêsô 1:4

Nđâp ma êlor nau rhăk njêng neh ntu, Păng săch jêh he tâm Brah Krist gay ma he jêng kloh ueh jêh ri mâu geh nau nduyh tanăp Păng.

Philip 3:12

Nây mâu di gâp hŏ pit sŏk jêh ôh nau nkhôm, mâu lah hŏ plơ̆ jêng ma dŭt ueh ngăn ôh, ƀiălah gâp ăt dôl nchuăt, gay dơi pit sŏk, yorlah Brah Yêsu Krist pit sŏk gâp jêh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

I Yôhan 4:16

He gĭt năl jêh ri chroh ma nau rŏng Brah Ndu đah he. Brah Ndu jêng nau rŏng; mbu nơm gŭ tâm nau rŏng jêng gŭ tâm Brah Ndu, jêh ri Brah Ndu gŭ tâm bunuyh nây.

I Yôhan 4:19

He rŏng yorlah Kôranh Brah rŏng jêh ma he lor.

Nau Tâm Mpơl 12:9

Bu klŭp mƀăr bêh nhŭk nhăk toyh jŭr ta neh, jêng bêh ơm, bu rnha jêng brah mhĭk mâu lah Satan, nơm ndơm mƀruh lĕ kon bunuyh. Bu klŭp păng jŭr ta neh ntu; phung mbơh păng bu klŭp mƀăr jŭr ndrel ma păng.

Nau Tâm Mpơl 13:14

Păng ndơm mƀruh phung gŭ ta neh ntu ma nau mbên khlay, bu ăn păng dơi vay ƀư tanăp mpô mpa dŭt janh; jêh ri đă ma khân păng ƀư rup trah mpô mpa geh ntŭk sôt rmanh ƀơh đao gưm ƀiălah ăt hôm rêh.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 2:24

Ƀiălah Gâp lah đah phung bunuyh khân may hôm e ta ƀon Thiatir, jêng phung bunuyh mâu sŏk dơn ôh nau nti nây, mâu mâp gĭt năl ôh mâm bu rnha nau jru brah Satan, pô aơ: Gâp mâu dơm nau jâk jêr êng ma khân may.

Nau Tâm Mpơl 20:3

Tông mpăr klŭp păng jŭr tâm brŏng jru, nchăng mpông brŏng jru jêh ri ndâl tâp pŏng ta klơ mpông, gay ma păng mâu hôm ndơm mƀruh lĕ bri dak, kŏ tât lôch du rbăn năm nây. Pakơi nây, bu mra doh mƀơk Satan luh ƀât lât.

Nau Tâm Mpơl 20:7

Tơlah du rbăn năm lôch jêh, bu mra mƀơk Satan luh tă bơh ntŭk bu krŭng;