Samƀŭt Pôl Njuăl Ăn Ma Phung Nsing Ta Ƀon Rôm 8:31 - Nau Brah Ndu Ngơi 2023

³¹ Pôri, moh nau he mra lah ma lĕ nau nây? Tơlah Brah Ndu gŭ mpeh ma he, mbu mra tâm rdâng đah he?

Bunong Bible Latin Script Cambodian dialect

³¹ Lah ndri dâng lĕ ndơ i nây moh ndơ bân hôm blao ngơi? Lah lĕ Kôranh Brah gŭ mpeh bơh bân, lah ndri mâu hôm geh ôh du ntil ndơ dơi tâm rdâng đah bân jât!

Bunong

³¹ លាស​នទ្រី​ទឹង​លែៈ​នទើ​អី​នៃ​ម៝ស​នទើ​ឞ៝ន់​ហោម​ឞ្លាវ​ងើយ? លាស​លែៈ​កោរាញ​ឞ្រាស​គុ​មពែស​ឞើស​ឞ៝ន់ លាស​នទ្រី​មោ​ហោម​គែស​អោស​ទូ​នតីល​នទើ​ទើយ​តឹម​រាទ៝ង់​ដាស​ឞ៝ន់​ជឹត!

Samƀŭt Pôl Njuăl Ăn Ma Phung Nsing Ta Ƀon Rôm 8:31 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

I Phung Hađăch 8:57

Dăn ma Yêhôva Brah Ndu he gŭ ndrel ma he, nâm bu Păng hŏ gŭ ndrel ma chô yau he; dăn Păng lơi dĭng chalơi mâu lah dun ôh ma he.

II Phung Hađăch 6:16

Păng lah: “Lơi klach ôh, yorlah phung gŭ ndrel he jêng âk lơn ma phung gŭ ndrel ma khân păng.”

I Nau Rêh Jêng 19:15

Tơlah phung Ammôn saơ phung tahan Aram nchuăt du jêh, khân păng tâm ban đŏng nchuăt du bơh Y-Abisai, oh Y-Jôap, jêh ri plơ̆ sĭt ma ƀon. Jêh nau nây, Y-Jôap plơ̆ sĭt ta Yêrusalem.

I Nau Rêh Jêng 5:22

Geh âk ngăn bunuyh lĕ cha lôt khĭt, yorlah nau tâm lơh nây luh tă bơh Brah Ndu. Khân păng pit in neh phung nây jêh ri gŭ ta nây ma tât nôk bu nhŭp njŭn leo khân păng ƀư dĭk bu.

Nau Mprơ Ơm 118:6

Brah Yêhôva gŭ koh dŏng gâp, gâp mâu mra klach ôh, Moh bunuyh dơi mra ƀư ma gâp?

Nau Mprơ Ơm 46:11

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 46:7

Brah Yêhôva ma phung tahan gŭ ndrel ma hên; Brah Ndu Yakôb jêng ntŭk hên nde krap. (Sêla)

Nau Mprơ Ơm 56:11

Gâp dơm lĕ nau rnơm tâm Brah Ndu, yor nây mâu klach ôh; Kon bunuyh nglay săk moh ndơ mra dơi ƀư ma gâp?

Nau Mprơ Ơm 56:4

Kon rnơm ma Brah Ndu mprơ tâm rnê ma nau Păng ngơi; Gâp dơm lĕ nau rnơm tâm Brah Ndu yor nây mâu hôm klach ôh. Bunuyh tâm nglay săk, moh ndơ dơi ƀư ma gâp?

Nau Mprơ Ơm 56:9

Tâm nar gâp kuăl dăn, Phung rlăng đah gâp mra rŭch du; Gâp gĭt nau nây yor Brah Ndu koh dŏng gâp.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 8:10

Tâm nchră hom ndrăng khân may, ƀiălah nau nây bu ƀư rai lơi; Mpơl hom nau dăp ƀư, ƀiălah nau nây mâu mra nâp ôh, Yorlah Brah Ndu gŭ ndrel he.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 20:11

Ƀiălah Brah Yêhôva gŭ ndrel ma gâp nâm bu du huê tahan janh ktang ma klach ngăn; Yor nây phung ƀư mhĭk ma gâp mra chêh prah, Mâu mra dơi đah gâp ôh. Khân păng mâu mra dơi ôh Jêh ri prêng hâu ngăn ngên, Nau prêng n'ho ro, Mâu dơi chuêl ôh.

Yêrêmi 42:11

Lơi ta klach ôh ma hađăch Babilôn, jêng ma nơm khân ay may klach; Brah Yêhôva lah, lơi klach ôh ma hađăch nây, yorlah Gâp gŭ ndrel ma khân ay may gay koh dŏng jêh ri tâm rklaih khân may tă bơh ti hađăch nây.

Nau Kơp Bunuyh 14:9

Knŏng geh du nau jêng khân may mâu ƀư nau tâm rdâng ôh đah Yêhôva jêh ri lơi ta klach ôh ma phung ƀon lan tâm n'gor bri nây, yorlah khân păng mra jêng ndơ sông sa ma he. Bu sŏk lơi jêh nau king tă bơh khân păng, ƀiălah Brah Yêhôva gŭ ndrel ma he. Lơi klach ôh ma khân păng!”

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Samƀŭt Pôl Njuăl Ăn Ma Phung Nsing Ta Ƀon Rôm 3:5

Ƀiălah tơlah nau mâu sŏng srăng he tâm mpơl nau sŏng srăng Brah Ndu, mâm he mra lah? Di lĕ Brah Ndu mâu sŏng tơlah Păng nkhŭt nau ji nuih klơ he mâu lah mâu? (Gâp ngơi tĭng nâm bunuyh ngơi).

Samƀŭt Pôl Njuăl Ăn Ma Phung Nsing Ta Ƀon Rôm 4:1

Pôri, mâm he mra lah ma Y-Abraham, chô yau tĭng nâm nglay săk he, moh ndơ păng hŏ dơn jêh?

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Yôsuê 10:42

Y-Yôsuê nhŭp lĕ phung hađăch nây jêh ri pit sŏk bri khân păng knŏng hăn lơh du tơ̆ dơm, yorlah Yêhôva Brah Ndu phung Israel tâm lơh an ma phung Israel.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Samuel 14:6

Y-Jônathan lah ma bunuyh ndăm tuy ndơ păng tâm lơh: “Kay lŏng, he hăn tât ta pôih phung mâu geh koh ntâu aơ. Klăp lah Brah Yêhôva mra ƀư ăn ma he. Nđâp tơlah djê̆ bunuyh mâu lah âk bunuyh, mâu geh du ntil ndơ king ôh Brah Yêhôva ƀư ma he dơi tâm lơh.”