Samƀŭt Pôl Njuăl Ăn Ma Phung Nsing Ta Ƀon Rôm 8:30 - Nau Brah Ndu Ngơi 2023

³⁰ Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Bunong Bible Latin Script Cambodian dialect

³⁰ Bu moh i Kôranh Brah lĕ ơm gĭt lor jêng ƀon lan Păng nơm, Păng lĕ kuăl đŏng. Bu moh i Kôranh Brah lĕ kuăl, Păng lĕ kơp sŏng đŏng. Bu moh i Kôranh Brah lĕ kơp sŏng, Păng lĕ ăn nau chrêk lơp ma khân păng i nây đŏng.

Bunong

³⁰ ឞូ​ម៝ស​អី​កោរាញ​ឞ្រាស​លែៈ​អើម​គឹត​ល៝រ​ជេង​ប៝ន​លាន​ពាង់​នើម ពាង់​លែៈ​ក្វាល់​ដ៝ង់។ ឞូ​ម៝ស​អី​កោរាញ​ឞ្រាស​លែៈ​ក្វាល់ ពាង់​លែៈ​កើប​ឆ៝ង់​ដ៝ង់។ ឞូ​ម៝ស​អី​កោរាញ​ឞ្រាស​លែៈ​កើប​ឆ៝ង់ ពាង់​លែៈ​អ៝ន់​នាវ​ច្រេក​លើប​មា​ខាន់​ពាង់​អី​នៃ​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 8:30 Iomraidhean Croise

Êsai 41:9

Gâp hŏ kuăn jêh may bơh bôl bri neh, Kuăl jêh may tă bơh bri ngai Jêh ri lah ma may pô aơ: “May jêng oh mon Gâp, Gâp hŏ săch jêh may, mâu chalơi may ôh.”

Yôhan 17:22

Kon ăn jêh ma khân păng nau chrêk rmah Mbơ̆ ăn jêh ma Kon, gay ma khân păng jêng nguay tâm ban ma He jêng nguay.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Samƀŭt Pôl Njuăl Ăn Ma Phung Nsing Ta Ƀon Rôm 1:6

Phung oh nâu gŭ đŏng tâm phung bunuyh dơi kuăl jêng phung Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:21

lĕ rngôch ndơ geh jêh aơ mra geh nau rklaih bơh nau rêh ƀư dĭk ma nau rai yot, gay ndrel dơn nau kon me tâm chrêk rmah phung kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Galati 1:6

Gâp hih rhâl ngăn dôl saơ khân may gơnh chalơi Nơm hŏ kuăl khân may tâm nau yô̆ bơh Brah Krist gay tĭng nau mhe mhan ueh êng.

Galati 5:8

Nau nsŭk nsôr nây mâu geh luh tă bơh Nơm kuăl khân may ôh.

Êphêsô 1:11

Tâm Păng đŏng, he dơi săch jêng phung sŏk dơn ndơn drăp hŏ tâm nal jêh tĭng nau Brah Ndu dăp, Nơm ƀư lôch lĕ ntil ndơ tĭng nau Păng ŭch,

Êphêsô 1:5

Tâm nau rŏng, Păng tâm nal jêh ma he jêng kon mât rong Păng tă bơh Brah Yêsu Krist, tĭng nau ŭch ueh tâm nau mĭn Păng,

Êphêsô 2:6

jêh ri tâm Brah Yêsu Krist, Brah Ndu hŏ ƀư ăn he dâk rêh tay jêh ri gŭ ndrel ma Păng ta lĕ ntŭk klơ trôk,

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

Êphêsô 4:4

Geh knŏng du săk jăn, du Brah Huêng Ueh, tâm ban đŏng hŏ kuăl khân may văch ma du nau kâp gân;

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

I Têsalônik 2:12

tâm n'hao nuih n'hâm, tâm bonh leng jêh ri vơl dăn khân may gŭ rêh tâm di đah Brah Ndu, jêng Nơm kuăl khân may lăp ƀon bri hađăch jêh ri nau chrêk rmah Păng.

II Timôthê 2:11

Nau ngơi aơ jêng nanê̆ ngăn: Tơlah he khĭt jêh ndrel ma Păng, He mra gŭ rêh đŏng ndrel ma Păng;

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

II Pêtrôs 1:10

Pôri, hơi oh nâu, srôih lơn đŏng gay gĭt năl ma nau kuăl jêh ri nau săch khân may nơm; ƀư nâm nđĕ khân may mâu mra chêh prah;

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:9

Tông mpăr lah ma gâp pô aơ: “Nchih hom: Ueh maak yơh ma phung bunuyh râng nhêt tâm nsông Kon Biăp!” Tông mpăr lah tay: “Aơ jêng lĕ nau ngơi nanê̆ ngăn tă bơh Brah Ndu.”