Samƀŭt Pôl Njuăl Ăn Ma Phung Nsing Ta Ƀon Rôm 8:28 - Nau Brah Ndu Ngơi 2023

²⁸ He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Bunong Bible Latin Script Cambodian dialect

²⁸ Bân lĕ gĭt jêh, moh ndơ i geh ta nau rêh bân, Kôranh Brah ăn lôh jêng ndơ ueh ma bân i rŏng ma Păng, i Păng lĕ kuăl jêng ƀon lan Păng nơm tâng nau ŭch Păng nơm.

Bunong

²⁸ ឞ៝ន់​លែៈ​គឹត​ជេស ម៝ស​នទើ​អី​គែស​តា​នាវ​រេស​ឞ៝ន់ កោរាញ​ឞ្រាស​អ៝ន់​លោស​ជេង​នទើ​អ្វែស​មា​ឞ៝ន់​អី​រ៝ង់​មា​ពាង់ អី​ពាង់​លែៈ​ក្វាល់​ជេង​ប៝ន​លាន​ពាង់​នើម​តឹង​នាវ​អុច​ពាង់​នើម។

Samƀŭt Pôl Njuăl Ăn Ma Phung Nsing Ta Ƀon Rôm 8:28 Iomraidhean Croise

Nau Ntơm 50:20

Khân may mĭn ƀư mhĭk ma gâp, ƀiălah Brah Ndu ăn nau nây jêng nau ueh gay ƀư du nau dôl tât geh nar aơ, nâm bu ntĭt mât njrăng nau rêh ma âk bunuyh tât jêh nar aơ.

II Samuel 16:12

Klăp lah Brah Yêhôva mra uănh nau rêh ni gâp, jêh ri mra sŏk nau ueh lăng mplơ̆ sĭt ma gâp ntrok ma nau rak rtăp păng nar aơ.”

Nêhêmi 1:5

Hơi Yêhôva Brah Ndu klơ lĕ ndâr trôk, jêng Brah Ndu dŭt toyh jêh ri di ma nau rnam klach yơk, jêng Nơm djôt prăp nau tâm rnglăp jêh ri nuih n'hâm ueh ma mbu nơm ŭch rŏng jêh ri djôt prăp lĕ nau vay ntăm bơh Păng!

Nau Mprơ Ơm 69:36

Noi deh phung oh mon Păng mra dơn drăp nây; Jêh ri bu nơm rŏng ma amoh Păng mra gŭ ta nây.

Nau Ngluh Êjipt 20:6

Ƀiălah Gâp mra ăn nau yô̆ tât rbăn rô̆ ma lĕ phung rŏng ma Gâp jêh ri djôt prăp lĕ nau vay ntăm bơh Gâp.

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”

Markôs 12:30

Ăn may yơk rŏng ma Kôranh Brah jêng Kôranh Brah Ndu may ma lĕ nuih n'hâm, ma lĕ huêng, ma lĕ nau mĭn, ma lĕ n'hâm suan.’

Kôranh Oh Mon 13:48

Nôk tăng nau nây, phung bu năch răm maak, tâm rnê nau chroh ma Brah Ndu; phung bunuyh Brah Ndu tâm nal ma nau rêh n'ho ro chroh da dê.

Samƀŭt Pôl Njuăl Ăn Ma Phung Nsing Ta Ƀon Rôm 11:29

yorlah Brah Ndu mâu rgâl ôh nau Păng ăn jêh ri ma nau Păng kuăl.

Samƀŭt Pôl Njuăl Ăn Ma Phung Nsing Ta Ƀon Rôm 8:30

Bi phung Păng tâm nal jêh, Păng lĕ kuăl jêh, phung Păng kuăl jêh Păng hŏ kơp sŏng srăng jêh, jêh ri phung Păng hŏ kơp sŏng srăng jêh, Păng hŏ ăn nau chrêk rmah ma khân păng đŏng.

Samƀŭt Pôl Njuăl Ăn Ma Phung Nsing Ta Ƀon Rôm 9:11

nđâp tơlah kon bar ê hŏ deh, ê mâp ƀư ueh mâu lah mhĭk — gay ma prăp nau ŭch Brah Ndu tâm nau săch, mâu di tĭng nau kan ôh, ƀiălah ma nau Nơm kuăl ŭch —

I Kôrintô 1:2

nchih njuăl ma Phung Ngih Brah Ndu ta ƀon Kôrintô jêh ri ma phung geh nau kloh ueh jêh tâm Brah Yêsu Krist, dơi rnha jêng phung kloh ueh, nđâp ma lĕ rngôch phung gŭ lam ntŭk dôl mbơh sơm ma amoh Kôranh Brah he jêng Brah Yêsu Krist, Kôranh Brah khân păng jêh ri Kôranh Brah he.

I Kôrintô 1:24

Ƀiălah ma phung bunuyh dơi kuăl jêh, lĕ phung Yuđa nđâp phung Grek, Brah Krist jêng nau brah jêh ri nau blau mĭn Brah Ndu.

I Kôrintô 1:9

Brah Ndu jêng Nơm răp jăp; Nơm hŏ kuăl jêh khân may ma nau tâm rnglăp ndrel đah Kon Păng jêng Brah Yêsu Krist, Kôranh Brah he.

I Kôrintô 2:9

Ƀiălah, tâm ban ma nau nchih: “Lĕ nau măt mâu mâp saơ, tôr mâu mâp tăng, Jêh ri nuih n'hâm mâu mâp mĭn Brah Ndu hŏ ơm rơm jêh ma phung bunuyh rŏng ma Păng.”

II Kôrintô 5:1

Yorlah he gĭt tơlah ngih njưh he ta neh ntu geh nau rai, he mra geh ngih tâm trôk n'ho ro gŭ ta klơ trôk, tă bơh Brah Ndu ndâk njêng, mâu di tă bơh ti kon bunuyh ôh.

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Galati 1:6

Gâp hih rhâl ngăn dôl saơ khân may gơnh chalơi Nơm hŏ kuăl khân may tâm nau yô̆ bơh Brah Krist gay tĭng nau mhe mhan ueh êng.

Galati 5:8

Nau nsŭk nsôr nây mâu geh luh tă bơh Nơm kuăl khân may ôh.

Êphêsô 3:11

tĭng nau ŭch n'ho ro Păng hŏ ƀư lôch jêh tâm Brah Yêsu Krist, Kôranh Brah he.

Êphêsô 4:1

Pôri, jêng du huê bunuyh gŭ ndrung tâm Kôranh Brah, gâp vơh vơl ma khân may gŭ rêh hom du nau rêh tâm di ma nau Brah Ndu kuăl jêh khân may.

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

Nau Vay Nkah Tay 8:16

Tâm bri rdah Păng ăn ma khân may sa mana, ndơ sa phung chô yau khân may ê hŏ tă gĭt ôh, gay ma khân may dơn nau rêh ni ji ngot jêh ri nau rlong uănh, gay nglĕ dŭt ăn ma nau ueh uĭn ma khân may.

Philip 3:14

ƀiălah gâp ăt ƀư du ntil nau; chuêl lơi lĕ nau pakơi, rduh ran ma lĕ nau panăp, gâp ntrâng nau ŭch nchuăt gay pit sŏk nau nkhôm ma nau Brah Ndu kuăl bơh klơ tâm Brah Yêsu Krist.

I Têsalônik 5:9

Yorlah Brah Ndu mâu nal ôh ma he dơn nau ji nuih, ƀiălah dơn nau tâm rklaih tâm Brah Yêsu Krist, Kôranh Brah he,

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”

ហេឞ្រើ 9:15

Yor ma nau nây, Păng jêng Nơm tâm nklang ma nau tâm rnglăp mhe; tă bơh nĕ, phung bunuyh geh jêh nau kuăl dơi sŏk dơn drăp ndơn n'ho ro ton jêh ma khân păng nơm, yorlah Păng khĭt jêh dơi tâm chuai nau tih khân păng hŏ ƀư tih tâm dâng nau tâm rnglăp tal nguay.

Yakơ 1:12

Ueh maak yơh ma mbu nơm nsrôih dơn nau rlong uănh; yorlah lôch jêh dơn nau rlong uănh, khân păng mra dơn đon hađăch nau rêh, Brah Ndu ton jêh ma phung rŏng ma Păng nơm.

Yakơ 2:5

Khân may iăt hom, hơi phung oh nâu gâp rŏng: Mâu di hĕ Brah Ndu săch jêh phung o ach ta neh ntu aơ gay ƀư ma khân păng jêng ndrŏng tâm nau chroh, jêh ri dơn ƀon bri hađăch Păng ton jêh ma phung rŏng ma Păng?

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Pêtrôs 3:9

Lơi sŏk nau mhĭk mplơ̆ sĭt nau mhĭk mâu lah sŏk nau rak rtăp mplơ̆ sĭt nau rak rtăp; ƀiălah, ăn hom nau ueh uĭn, yorlah nây khân may geh nau kuăl, gay ma khân may dơn nau ueh lăng.

I Pêtrôs 5:10

Jêh ri lah jêh khân may dơn nau rêh ni ƀât lât, Brah Ndu ma lĕ nau yô̆, Nơm kuăl jêh khân may tât nau chrêk rmah n'ho ro tă bơh Păng tâm Yêsu Krist, Păng nơm mra njêng tay, ƀư ktang, ndâk njêng jêh ri ăn nau dăng ktang ma khân may.

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.

I Yôhan 4:19

He rŏng yorlah Kôranh Brah rŏng jêh ma he lor.

Nau Tâm Mpơl 3:19

Lĕ rngôch phung Gâp rŏng Gâp nduyh, nduyh nkra; pôri, duh nđơr hom jêh ri rmal hom nau tih!