Samƀŭt Pôl Njuăl Ăn Ma Phung Nsing Ta Ƀon Rôm 8:1 - Nau Brah Ndu Ngơi 2023

¹ Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

Bunong Bible Latin Script Cambodian dialect

¹ Lah ndri, aƀaơ dja bu moh i lĕ gŭ tâm rnglăp ndrel Brah Krist Yêsu, mâu hôm ôh Kôranh Brah tê̆ dôih.

Bunong

¹ លាស​នទ្រី អាបៃ​អ្យា​ឞូ​ម៝ស​អី​លែៈ​គុ​តឹម​រាង្លាប់​នទ្រែល​ឞ្រាស​ក្រីស​យេឆូ  មោ​ហោម​អោស​កោរាញ​ឞ្រាស​តេៈ​ទោយ្ស។

Samƀŭt Pôl Njuăl Ăn Ma Phung Nsing Ta Ƀon Rôm 8:1 Iomraidhean Croise

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsêkiêl 18:9

chuat tĭng nau vay dăp Gâp, djôt prăp nau vay ƀư bơh Gâp jêh ri gŭ ngau tâm nau nanê̆ ngăn, bunuyh nây jêng sŏng srăng jêh ri n'hêl nanê̆ păng mra rêh, Kôranh Brah Yêhôva lah pônây.

Yôhan 14:20

Tâm nar nây, khân may mra gĭt ma Gâp gŭ tâm Mbơ̆ Gâp; khân may gŭ tâm Gâp, jêh ri Gâp gŭ tâm khân may.

Yôhan 15:4

Gŭ hom tâm Gâp ri mơ Gâp mra gŭ tâm khân may. Tâm ban ma n'gĭng krăk ƀâu, tơlah păng mâu gŭ tâm tơm krăk ƀâu, păng mâu dơi play êng păng nơm ôh. Tơlah khân may mâu gŭ tâm Gâp khân may tâm ban kơt nây đŏng.

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Samƀŭt Pôl Njuăl Ăn Ma Phung Nsing Ta Ƀon Rôm 16:3

Dăn ăn gâp geh nau mbah jô̆ khâl H'Phrisil jêh ri Y-Akilas, phung bunuyh ndrel pah kan đah gâp tâm Brah Yêsu Krist,

Samƀŭt Pôl Njuăl Ăn Ma Phung Nsing Ta Ƀon Rôm 16:7

Mbah khâl đah Y-Andrônikus jêh ri Y-Junias jêng phung băl jêh ri mĭt jiăng gŭ krŭng ndrel ma gâp, ăt jêng bar hê khân păng ntoh lư tâm phung kôranh oh mon jêh ri jêng phung khân păng ma Brah Krist lor gâp.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 5:16

Nau ndơ ăn aơ mâu di tâm ban ma nau tât yor nau tih du huê bunuyh. Yor nau phat dôih yor du nau tih njŭn leo tât nau tâm rmal; ƀiălah nau ăn ma tă bơh Kôranh Brah jêng pakơi âk tơ̆ ƀư tih tay njŭn leo tât nau kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 7:17

Rnôk nây, mâu di gâp ƀư nau nây đŏng ôh, ƀiălah nau tih gŭ tâm gâp.

Samƀŭt Pôl Njuăl Ăn Ma Phung Nsing Ta Ƀon Rôm 7:20

Tơlah gâp ƀư nau gâp mâu ŭch, mâu di gâp ôh, ƀiălah nau tih gŭ tâm gâp ƀư nau nây.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

Samƀŭt Pôl Njuăl Ăn Ma Phung Nsing Ta Ƀon Rôm 8:14

Yorlah lĕ rngôch phung geh Brah Huêng Ueh Brah Ndu njŭn leo, jêng kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 8:34

Mbu mra jêng bunuyh tâm rmal khân păng, nôk Brah Yêsu Krist jêng Nơm hŏ khĭt jêh ri hŏ dâk rêh tay, Nơm gŭ mpeh pa ma Brah Ndu jêh ri mbơh sơm kơl an ma phung he?

Samƀŭt Pôl Njuăl Ăn Ma Phung Nsing Ta Ƀon Rôm 8:39

ndah jong, ndah jru, mâu lah du ntil ndơ rhăk njêng mâu dơi ôh tâm nkhah he bơh nau Brah Ndu rŏng tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:4

gay nau vay dăn nau sŏng srăng dơi ƀư bêng tŏng tâm he, jêng phung mâu rêh tĭng nâm nglay săk, ƀiălah rêh tĭng nâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

I Kôrintô 15:22

Tâm ban ma Y-Ađam, lĕ rngôch khĭt da dê; tâm ban lĕ, tâm Brah Krist, lĕ rngôch bunuyh mra dâk rêh tay da dê.

II Kôrintô 12:2

Gâp gĭt năl du huê bunuyh tâm Brah Krist, geh jât ma puăn năm rlau jêh, bu chông păng hao klơ ndâr trôk rơh pe (mâu lah tâm săk jăn, mâu lah padih săk jăn bunuyh, gâp mâu gĭt, Brah Ndu gĭt).

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Galati 5:16

Pôri gâp lah, nhuat hăn hom tĭng nâm Brah Huêng Ueh, lơi mpay lĕ nau nglay săk ŭch.

Galati 5:25

Tơlah he gŭ rêh tă bơh Brah Huêng Ueh, hăn tĭng hom Brah Huêng Ueh.

Êphêsô 1:1

Y-Pôl, tĭng nâm nau Brah Ndu ŭch jêng kôranh oh mon Brah Yêsu Krist, nchih njuăl ma phung kloh ueh gŭ ta ƀon Êphêsô, jêng phung răp jăp tâm Brah Yêsu Krist.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,