Samƀŭt Pôl Njuăl Ăn Ma Phung Nsing Ta Ƀon Rôm 7:7 - Nau Brah Ndu Ngơi 2023

⁷ Pônây mâm ƀư he mra lah? Nau vay jêng nau tih lĕ? Mâu! Mâu di tâm ban pônây ôh! Ƀiălah tơlah mâu geh nau vay gâp mâu gĭt năl nau tih. Tơlah nau vay mâu lah: “Lơi may kơnh ir” pôri gâp mâu hŏ gĭt năl moh nau kơnh ir ôh.

Bunong Bible Latin Script Cambodian dialect

⁷ Lah ndri mơm bân lah? Nau vay i nây jêng nau tih bơh? Mâu di ôh! Yơn ma lah mâu geh nau vay i nây, gâp mâu gĭt đê̆ ro moh ndơ i tih. Lah nau vay mâu geh buay lah ‘Lơi kơnh ndơ bu’, gâp kŏ mâu gĭt năl ndơ i nây jêng tih đŏng.

Bunong

⁷ លាស​នទ្រី​មើម​ឞ៝ន់​លាស? នាវ​វៃ​អី​នៃ​ជេង​នាវ​តីស​ឞើស? មោ​ទី​អោស! យើន​មា​លាស​មោ​គែស​នាវ​វៃ​អី​នៃ គ៝ប់​មោ​គឹត​ដេៈ​រ៝​ម៝ស​នទើ​អី​តីស។ លាស​នាវ​វៃ​មោ​គែស​ឞ្វៃ​លាស «លើយ​កើញ​នទើ​ឞូ» គ៝ប់​ក៝ៈ​មោ​គឹត​នាល់​នទើ​អី​នៃ​ជេង​តីស​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 7:7 Iomraidhean Croise

Nau Ntơm 3:6

Dôl bu ur saơ play ta tơm si nây sa kah, ueh măt uănh jêh ri khlay yor ƀư ma păng nau blau mĭn, păng pĕ play nây jêh ri sa, jêh nây ăn ma sai păng dôl dâk êp ta meng; sai păng sa đŏng.

II Samuel 11:2

Du mhaơ ri, Y-Đavit dâk tă bơh sưng bê̆ch păng nơm jêh ri hăn nsong pâl klơ chor ntŭk ngih hađăch. Ntơm bơh chor ngih nây, hađăch saơ du huê bu ur ueh ngăn dôl gŭ ŭm.

Nau Mprơ Ơm 119:96

Gâp hŏ saơ lĕ rngôch ndơ ueh ăt hôm geh nau dŭt da dê, Ƀiălah nau vay May ntăm jêng dŭt toyh mâu blau lôch ôh.

Nau Ngluh Êjipt 20:17

May mâu dơi kơnh ngih phung chiau meng may, mâu dơi kơnh ŭch ur, mâu lah oh mon bu klâu, oh mon bu ur, ndrôk, seh bri mâu lah ăp moh ndơ jêng ndơ phung chiau meng may.”

Mika 2:2

Khân păng kơnh neh mir jêh ri pit in lơi, Khân păng kơnh ngih vâl jêh ri sŏk lơi. Khân păng tŭn jot bu jêh ri ngih vâl khân păng Jêng bunuyh jêh ri drăp ndơ khân păng.

Mathay 5:28

Ƀiălah Gâp lah ma khân may gĭt: Mbu nơm uănh ma bu ur ma nau kơnh, pôri tâm nuih n'hâm păng hŏ ƀư tih văng tĭr jêh đah bu ur nây.

Luka 12:15

Păng lah ma khân păng: “Rjăp hom, uănh njrăng lĕ rngôch ndơ kơnh rlau ir, yorlah nau rêh kon bunuyh mâu jêng yor ma drăp ndơ păng nơm geh âk rmeh ôh.”

Luka 20:16

Păng mra văch jêh ri ƀư rai phung tăm krăk ƀâu nây, jêh nây jao đang krăk ƀâu ma phung êng.” Tơlah tăng lĕ nau nây, khân păng lah: “Mâu geh nau nây ôh!”

Kôranh Oh Mon 20:33

Gâp mâu kơnh ir ma prăk, mah, mâu lah bok ao bu ôh.

Samƀŭt Pôl Njuăl Ăn Ma Phung Nsing Ta Ƀon Rôm 13:9

Yorlah lĕ nau vay ntăm: “May lơi ƀư tih nau văng tĭr, lơi nkhĭt bunuyh ôh, lơi ntŭng, lơi may kơnh ir,” jêh ri lĕ rngôch nau vay ntăm êng, ngơi trăch jêh tâm trong aơ: “Ăn may rŏng ma phung chiau meng tâm ban ma may rŏng ma may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 3:5

Ƀiălah tơlah nau mâu sŏng srăng he tâm mpơl nau sŏng srăng Brah Ndu, mâm he mra lah? Di lĕ Brah Ndu mâu sŏng tơlah Păng nkhŭt nau ji nuih klơ he mâu lah mâu? (Gâp ngơi tĭng nâm bunuyh ngơi).

Samƀŭt Pôl Njuăl Ăn Ma Phung Nsing Ta Ƀon Rôm 4:1

Pôri, mâm he mra lah ma Y-Abraham, chô yau tĭng nâm nglay săk he, moh ndơ păng hŏ dơn jêh?

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

Samƀŭt Pôl Njuăl Ăn Ma Phung Nsing Ta Ƀon Rôm 7:11

Yorlah nau tih kuăn mông găl, dŏng nau vay ntăm ndơm gâp jêh ri yor nây păng nkhĭt jêh gâp.

Samƀŭt Pôl Njuăl Ăn Ma Phung Nsing Ta Ƀon Rôm 7:13

Pôri, di lĕ nau ueh nây djôt leo ma gâp nau khĭt? Mâu di tâm ban pônây! Ƀiălah nây jêng nau tih hŏ dŏng nau ueh ƀư ma gâp khĭt, gay nau ngăn ma nau tih dơi tâm mpơl, jêh ri yor tă nau vay ntăm, nau tih plơ̆ jêng mhĭk lơ hâu lơn.

Samƀŭt Pôl Njuăl Ăn Ma Phung Nsing Ta Ƀon Rôm 7:5

Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 7:8

Ƀiălah nau tih hŏ kuăn nau mông ueh tâm nau vay ntăm, nkah tâm gâp ăp ntil nau kơnh mhĭk, yorlah mâu geh nau vay, nau tih jêng nau khĭt.

I Kôrintô 15:56

Mpôch ma nau khĭt jêng nau tih, nau ktang ma nau tih jêng nau vay.

Êphêsô 5:3

Bi nau văng tĭr jêh ri lĕ nau mâu kloh ueh, mâu lah nau kơnh rlau keh, lơi dĭng ngơi ta nklang khân may; pôri mơ tâm di jêng phung kloh ueh.

Nau Vay Nkah Tay 5:21

May mâu dơi kơnh ŭch ur nơm chiau meng may, mâu dơi kơnh ngih vâl bu, lŏ sre, oh mon bu ur oh mon bu klâu, ndrôk, seh bri mâu lah ăp moh ndơ jêng ndơ phung chiau meng may.’

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

I Têsalônik 4:5

lơi tŭp tâm nau văng tĭr blă blơ nâm bu phung bu năch, jêng phung bunuyh mâu gĭt năl Brah Ndu.

ហេឞ្រើ 7:19

(yor nau vay mâu dơi ƀư ăn moh nau rah vah ôh); lah êng đŏng, geh du nau vay kâp gân ueh lơn, đah nau bu ăn, gay tâm nau nây he dơi hăn dăch Brah Ndu.

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”