Samƀŭt Pôl Njuăl Ăn Ma Phung Nsing Ta Ƀon Rôm 7:5 - Nau Brah Ndu Ngơi 2023

⁵ Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

Bunong Bible Latin Script Cambodian dialect

⁵ Ntơm bơh ndŭl me nau kơnh nuih n'hâm bunuyh bân ŭch jan tih, tă bơh gĭt nau vay Môsê bân jan tih ngăn, leo tât ta nau khât gŭ ta ndrung ŭnh n'ho ro.

Bunong

⁵ នតើម​ឞើស​នទុល​មែ​នាវ​កើញ​នូយ្ស​នហ៝ម់​ឞូនុយ្ស​ឞ៝ន់​អុច​ជាន​តីស តាៈ​ឞើស​គឹត​នាវ​វៃ​មោឆេ  ​ឞ៝ន់​ជាន​តីស​ងាន់ លែវ​ត៝ត់​តា​នាវ​ខឹត​គុ​តា​នទ្រូង​អុញ​នហ៝​រ៝។

Samƀŭt Pôl Njuăl Ăn Ma Phung Nsing Ta Ƀon Rôm 7:5 Iomraidhean Croise

Mathay 15:19

Yorlah tă bơh nuih n'hâm yơh luh văch nau mĭn mhĭk, nau nkhĭt bunuyh, nau văng tĭr, nau ka n'hong, nau ntŭng, nau ngơi mƀruh, ngơi nchơt.

Yôhan 3:6

Moh ndơ tă bơh nglay săk jêng nglay săk, moh ndơ deh tă bơh Brah Huêng Ueh jêng brah.

Samƀŭt Pôl Njuăl Ăn Ma Phung Nsing Ta Ƀon Rôm 1:26

Yor nau nây Brah Ndu jao jêh ma khân păng ma nau kơnh ŭch khư ƀơ̆ ƀơch. Nđâp ma phung bu ur tâm rgâl jêh nau vay gŭ ur sai jêng nau mâu vay.

Samƀŭt Pôl Njuăl Ăn Ma Phung Nsing Ta Ƀon Rôm 3:20

yorlah mâu geh du huê yor kan nau vay gay ma dơi kơp jêng sŏng srăng tanăp Brah Ndu, yorlah nau vay ăn bu gĭt nau tih.

Samƀŭt Pôl Njuăl Ăn Ma Phung Nsing Ta Ƀon Rôm 4:15

Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 5:20

Nau vay tât jêh ƀư ma nau tih jêng âk lơn; ƀiălah moh ntŭk nau tih geh âk lơn, nau yô̆ geh âk rmeh lơn.

Samƀŭt Pôl Njuăl Ăn Ma Phung Nsing Ta Ƀon Rôm 6:13

Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 7:23

ƀiălah gâp gĭt tâm săk jăn gâp du nau vay êng tâm lơh đah nau vay tâm nau mĭn gâp, nchâp gâp ƀư dĭk ma nau vay nau tih, jêng nau vay gŭ tâm săk jăn gâp.

I Kôrintô 15:56

Mpôch ma nau khĭt jêng nau tih, nau ktang ma nau tih jêng nau vay.

II Kôrintô 10:3

Nđâp tơlah hên rêh gŭ tâm nglay săk, ƀiălah mâu tâm lơh tĭng nglay săk ôh.

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 5:24

Pônây phung jêng bunuyh Brah Yêsu Krist bu pâng kđĭn jêh nglay săk ndrel ma lĕ nau kơnh hâu ir jêh ri nau kơnh ŭch khân păng nơm ta si tâm rkăng jêh.

Êphêsô 2:11

Pôri kah gĭt hom kăl e ri khân may jêng phung bu năch tĭng nâm nglay săk, jêh ri phung koh ntâu ma ti bunuyh tâm nglay săk kuăl khân may jêng phung mâu koh ntâu.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

Titus 3:3

Yorlah saơm ri he rluk mâl đŏng, mâu blau tông bâr, geh nau ndơm mƀruh, jêng dĭk ma ăp ntil nau kơnh ŭch jêh ri rŏng ma nau nglay săk ŭch, gŭ rêh tâm nau djơh mhĭk, mâu nach, bu tâm rmot ma he jêh ri mưch rmot ndrăng nơm.

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?

I Yôhan 3:4

Mbu nơm ƀư tih jêng rlau nau vay; yorlah nau tih jêng mâu di nau vay.