Samƀŭt Pôl Njuăl Ăn Ma Phung Nsing Ta Ƀon Rôm 7:4 - Nau Brah Ndu Ngơi 2023

⁴ Tâm ban lĕ, hơi phung oh nâu gâp, Tă bơh tâm săk jăn Brah Krist khân may khĭt jêh ma nau vay jêh ri nar aơ khân may jêng ndơ bu êng, jêng Nơm nây hŏ dâk rêh tay tă bơh nau khĭt, gay ma he geh play ma Brah Ndu.

Bunong Bible Latin Script Cambodian dialect

⁴ Ơ oh nô ta nau nsing! Ta phung khân ay may tâm ban ma bu ur i lĕ khât sai. Khân ay may lĕ khât jêh ndrel Brah Krist, lah ndri khân ay may mâu hôm khăch đŏng jăn tâng nau vay Môsê, aƀaơ dja khân ay may gŭ tâm rnglăp ndrel Brah Krist i Kôranh Brah lĕ ăn dâk rêh bơh phung khât, gay ma ăn bân jan ndơ ueh ma Kôranh Brah.

Bunong

⁴ អើ​អ៝ស​នោ​តា​នាវ​ញឆីង! តា​ផូង​ខាន់​អៃ​មៃ​តឹម​ឞាន​មា​ឞូ​អូរ​អី​លែៈ​ខឹត​ឆាយ។ ខាន់​អៃ​មៃ​លែៈ​ខឹត​ជេស​នទ្រែល​ឞ្រាស​ក្រីស  លាស​នទ្រី​ខាន់​អៃ​មៃ​មោ​ហោម​ខាច់​ដ៝ង់​ជាន់​តឹង​នាវ​វៃ​មោឆេ  អាបៃ​អ្យា​ខាន់​អៃ​មៃ​គុ​តឹម​រាង្លាប់​នទ្រែល​ឞ្រាស​ក្រីស  ​អី​កោរាញ​ឞ្រាស​លែៈ​អ៝ន់​ទ៝ក់​រេស​ឞើស​ផូង​ខឹត គៃ​មា​អ៝ន់​ឞ៝ន់​ជាន​នទើ​អ្វែស​មា​កោរាញ​ឞ្រាស។

Samƀŭt Pôl Njuăl Ăn Ma Phung Nsing Ta Ƀon Rôm 7:4 Iomraidhean Croise

Êsai 54:5

Yorlah sai ay jêng Nơm Rhăk Njêng ay; Amoh Păng jêng Brah Yêhôva ma phung tahan. Nơm Tâm Chuai ay jêng Nơm Kloh Ueh Israel, Bu mra rnha Păng jêng Brah Ndu ma lĕ neh ntu.

Êsai 62:5

Tâm ban ma du huê bu klâu ndăm nđăp du huê bu ur druh, Pôri phung kon bu klâu may mra dơn drăp ndơn may; Tâm ban ma bu klâu gŭ ur răm maak yor bu ur păng gŭ, Tâm ban pônây lĕ Brah Ndu may mra răm maak yor may.

Mathay 26:26

Dôl gŭ sông sa, Brah Yêsu sŏk piăng let, lah ueh, nkê̆ch ăn ma phung oh mon, jêh nây lah: “Sŏk hom, sa! Aơ jêng săk jăn Gâp.”

Markôs 4:20

Bi lĕ găr srih ta neh ueh tâm ban ma phung bunuyh tăng nau ngơi, sŏk dơn jêh ri dơi play, găr aơ play pe jât, găr êng dơi geh prao jât, găr êng đŏng dơi geh du rhiăng.”

Yôhan 15:8

Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Yôhan 3:29

Mbu mhe gŭ ur, păng nây jêng klay; ƀiălah mĭt jiăng klay gŭ iăt jêh ri maak răm ngăn nôk tăng bâr klay ngơi. Nây jêng nau gâp răm maak nanê̆ rĭng ngăn.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Samƀŭt Pôl Njuăl Ăn Ma Phung Nsing Ta Ƀon Rôm 6:11

Pôri, khân ay may kơp hom khân may nơm khĭt jêh đah nau tih jêh ri dôl gŭ rêh ma Brah Ndu tâm Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Samƀŭt Pôl Njuăl Ăn Ma Phung Nsing Ta Ƀon Rôm 6:2

Mâu di kơt nây ôh! He khĭt jêh yor nau tih, mâm he dơi gŭ rêh tâm nau tih đŏng?

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 7:3

Pôri, tơlah dôl sai păng hôm rêh, ƀiălah bu ur gŭ bu klâu êng, bu mra rnha păng jêng bu ur văng tĭr. Ƀiălah tơlah sai păng khĭt, păng geh nau rklaih tă bơh ma nau vay, tơlah păng gŭ sai êng, păng mâu jêng bu ur văng tĭr ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:6

Ƀiălah aƀaơ he klaih jêh bơh nau vay, khĭt jêh ma nau hŏ krŭng he, gay ma he pah kan tĭng nau mhe tă bơh Brah Huêng Ueh, mâu di tĭng nau ơm rplay samƀŭt ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 10:16

Kachok nau ueh maak he lah ueh, mâu di hĕ păng jêng geh du kô̆ tâm mham Brah Krist? Piăng let he nkê̆ch nây mâu di hĕ jêng du kô̆ tâm săk jăn Brah Krist?

II Kôrintô 11:2

Yorlah khân may, gâp grang đah nau grang bơh Brah Ndu, yorlah gâp ƀư ndrôi jêh khân may ma knŏng du huê sai, tâm mpơl măt khân ay tâm ban du huê bu ur druh kloh ma Brah Krist.

Galati 3:13

Brah Krist tâm chuai jêh he bơh nau rtăp rak bơh nau vay, nôk Păng geh nau rak rtăp ntrok ma he — yorlah geh nau nchih: “Khư ma rak rtăp ngăn ma nơm bu yông klơ tơm si” —

Galati 5:18

Ƀiălah tơlah Brah Huêng Ueh njŭn leo khân may, khân may mâu gŭ tâm dâng nau vay ôh.

Êphêsô 2:15

Bơh săk jăn Păng nơm, Păng hŏ chalơi nau vay ndrel ma nau vay ntăm jêh ri nau ntrŭnh, gay bơh bar mpôl, Păng rhăk njêng jêng du kon bunuyh mhe tâm Păng nơm, kơt nây nau đăp mpăn dơi jêng;

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 4:17

Nây mâu di gâp ŭch ndơ ăn ôh, ƀiălah gâp ŭch play kao ntop nau hao ma khân may.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Kôlôh 1:22

Ƀiălah aƀaơ Brah Ndu hŏ tâm rnglăp jêh tâm nau khĭt Kon Păng tâm nglay săk, gay ma mpơl khân may tâm nau kloh ueh, mâu geh têl khap, mâu geh nau nduyh tanăp Păng;

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

Kôlôh 2:14

Păng chalơi jêh pŏk samƀŭt rnon tâm rdâng he đah lĕ nau vay tâm nchâp đah he. Păng mƀăr lơi ma nau pâng kđĭn păng ta si tâm rkăng.

Kôlôh 2:20

Tơlah khân may khĭt jêh ndrel Brah Krist, klaih bơh lĕ huêng brah ta neh ntu, mâm ƀư khân may ăt hôm rêh tâm ban khân may hôm jêng ndơ neh ntu? Mâm ƀư hôm tông lĕ nau vay:

ហេឞ្រើ 10:10

Tĭng nau ŭch mĭn nây, he geh nau kloh ueh ma nau nhhơr săk jăn Brah Yêsu Krist du tơ̆ nây dơm rĭng jêh.

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

Nau Tâm Mpơl 19:7

Răm maak hom, hâk maak hom, tâm rnê hom ma Păng, yorlah rƀŭn tâm nsông Kon Biăp tât jêh jêh ri Ur Păng ndrăp lor jêh săk păng.

Nau Tâm Mpơl 21:9

Du huê tâm pơh nuyh tông mpăr djôt pơh mlâm ngan dơ bêng ma pơh nau tât nglĕ dŭt văch ngơi đah gâp pô aơ: “Văch hom, gâp mra ntĭm ma may saơ Ƀăn jêng Ur ma Kon Biăp.”