Samƀŭt Pôl Njuăl Ăn Ma Phung Nsing Ta Ƀon Rôm 6:4 - Nau Brah Ndu Ngơi 2023

⁴ Pôri, ma nau ƀaptem, bu tâp jêh he tâm nau păng khĭt ndrel ma Păng, gay ma nâm bu Brah Krist hŏ dâk rêh tay jêh bơh nau khĭt ma nau chrêk rmah Mbơ̆ tâm ban lĕ, he dơi rêh đŏng tâm nau rêh mhe nâm pônây.

Bunong Bible Latin Script Cambodian dialect

⁴ Ta nau ƀăptem yŭk ma dak i nây bân tâm ban ma khât nđâp ma tŏp ndrel Păng, gay ma bân gŭ ta nau rêh mhe kơt Brah Krist đŏng. Jêh ri aƀaơ dja bân dơi gŭ rêh ta nau rêh mhe tâm ban ma Brah Krist i Kôranh Brah Bơ̆ lĕ ăn dâk rêh tay ma nau dơi nau chrêk lơp Păng nơm.

Bunong

⁴ តា​នាវ​បាប់តែម​យុក​មា​ទាក​អី​នៃ​ឞ៝ន់​តឹម​ឞាន​មា​ខឹត​នអ៝ប់​មា​ត៝ប់​នទ្រែល​ពាង់ គៃ​មា​ឞ៝ន់​គុ​តា​នាវ​រេស​មហែ​កើត​ឞ្រាស​ក្រីស  ​ដ៝ង់។ ជេសរី​អាបៃ​អ្យា​ឞ៝ន់​ទើយ​គុ​រេស​តា​នាវ​រេស​មហែ​តឹម​ឞាន​មា​ឞ្រាស​ក្រីស  ​អី​កោរាញ​ឞ្រាស​ឞឹ​លែៈ​អ៝ន់​ទ៝ក់​រេស​តៃ​មា​នាវ​ទើយ​នាវ​ច្រេក​លើប​ពាង់​នើម។

Samƀŭt Pôl Njuăl Ăn Ma Phung Nsing Ta Ƀon Rôm 6:4 Iomraidhean Croise

Yôhan 11:40

Brah Yêsu lŏ lah: “Gâp mâu hŏ mâp lah ma ay hĕ, lah ay chroh mra saơ nau chrêk rmah Brah Ndu?”

Yôhan 2:11

Aơ jêng nau mbên khlay tal nguay Brah Yêsu ƀư jêh ta ƀon Kana, tâm n'gor Galilê, jêh ri tâm mpơl nau chrêk rmah Păng nơm, rĭ dĭng phung oh mon chroh ma Păng.

Kôranh Oh Mon 2:24

Ƀiălah Brah Ndu ƀư ăn Păng dâk rêh tay, tâm rklaih Păng tă bơh nau nđêh nji ma nau khĭt, yorlah nau khĭt mâu dơi nhŭp kân Păng ôh.

Kôranh Oh Mon 2:32

Brah Ndu hŏ ƀư ăn Brah Yêsu aơ dâk rêh tay; lĕ rngôch phung hên jêng nơm mbơh ma nau nây.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 6:3

Khân may mâu gĭt hĕ ma lĕ rngôch phung he dơn jêh nau ƀaptem tâm Yêsu Krist, tâm ban ma dơn jêh nau ƀaptem tâm nau Păng khĭt?

Samƀŭt Pôl Njuăl Ăn Ma Phung Nsing Ta Ƀon Rôm 6:8

Ƀiălah tơlah he khĭt jêh ndrel ma Brah Krist, he chroh he mra dâk rêh ndrel ma Păng lĕ.

Samƀŭt Pôl Njuăl Ăn Ma Phung Nsing Ta Ƀon Rôm 6:9

He gĭt Brah Krist hŏ dâk rêh tay bơh nau khĭt mâu mra hôm khĭt đŏng ôh; nau khĭt mâu hôm chiă uănh Păng ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:6

Ƀiălah aƀaơ he klaih jêh bơh nau vay, khĭt jêh ma nau hŏ krŭng he, gay ma he pah kan tĭng nau mhe tă bơh Brah Huêng Ueh, mâu di tĭng nau ơm rplay samƀŭt ôh.

Samƀŭt Pôl Njuăl Ăn Ma Phung Nsing Ta Ƀon Rôm 8:11

Tơlah Brah Huêng Ueh Nơm hŏ ƀư ăn ma Brah Yêsu dâk rêh tay tă bơh nau khĭt gŭ tâm khân may, Nơm hŏ ƀư ma Brah Krist dâk rêh tay tă bơh nau khĭt ăt mra yor Brah Huêng Ueh Păng gŭ tâm khân may ăn nau rêh ma săk jăn blau khĭt khân may.

I Kôrintô 6:14

Brah Ndu hŏ ƀư ăn Kôranh Brah dâk rêh tay, mra ƀư ăn he dâk rêh tay đŏng ma nau brah Păng.

II Kôrintô 13:4

Nđâp tơlah bu pâng Păng ta si tâm rkăng tâm nau huơi, ƀiălah Păng dôl rêh ma nau brah Brah Ndu. Hên kơt nây đŏng, nđâp tơlah hên huơi tâm Păng, ƀiălah tâm nau brah Brah Ndu hên mra gŭ rêh đah Păng, gay gŭ ngao ma khân may.

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Êphêsô 4:17

Pôri, tâm Kôranh Brah, gâp lah jêh ri nkah khân may lơi gŭ rêh nâm bu phung bu năch ôh, yorlah khân păng gŭ rêh tĭng nau mĭn dơm dam khân păng nơm.

Êphêsô 5:8

Kăl e ri khân may jêng nau ngo, ƀiălah aƀaơ tâm Kôranh Brah, khân may jêng nau ang. Chuat hăn hom tâm ban ma phung kon nau ang;

Kôlôh 3:10

jêh ri nsoh bunuyh mhe, jêng bunuyh dơi rgâl mhe tâm nau gĭt năl, tĭng nâm rup Nơm rhăk bunuyh nây.

Kôlôh 4:1

Hơi phung kôranh, ƀư hom nau sŏng jêh ri nau di ma phung dĭk khân may, yorlah khân may gĭt jêh khân may geh du huê Kôranh ta klơ trôk.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,

I Yôhan 2:6

Mbu nơm lah păng nơm gŭ tâm Brah Ndu, mra chuat hăn tâm ban ma Păng hŏ chuat hăn jêh.