Samƀŭt Pôl Njuăl Ăn Ma Phung Nsing Ta Ƀon Rôm 6:3 - Nau Brah Ndu Ngơi 2023

³ Khân may mâu gĭt hĕ ma lĕ rngôch phung he dơn jêh nau ƀaptem tâm Yêsu Krist, tâm ban ma dơn jêh nau ƀaptem tâm nau Păng khĭt?

Bunong Bible Latin Script Cambodian dialect

³ Ơm khân ay may mâu gĭt ƀah? Dâng lĕ bân i lĕ geh jêh dơn nau ƀăptem yŭk ma dak, lĕ gŭ tâm rnglăp ndrel Brah Krist Yêsu. Nau bân dơn nau ƀăptem i nây, jêng tâm ban ma bân khât ndrel Păng đŏng.

Bunong

³ អើម​ខាន់​អៃ​មៃ​មោ​គឹត​បាស? ទឹង​លែៈ​ឞ៝ន់​អី​លែៈ​គែស​ជេស​ទើន​នាវ​បាប់តែម​យុក​មា​ទាក លែៈ​គុ​តឹម​រាង្លាប់​នទ្រែល​ឞ្រាស​ក្រីស​យេឆូ  ។ នាវ​ឞ៝ន់​ទើន​នាវ​បាប់តែម​អី​នៃ ជេង​តឹម​ឞាន​មា​ឞ៝ន់​ខឹត​នទ្រែល​ពាង់​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 6:3 Iomraidhean Croise

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Kôranh Oh Mon 19:5

Jêh tăng nau nây, khân păng dơn ƀaptem ma amoh Kôranh Brah jêng Brah Yêsu.

Kôranh Oh Mon 2:38

Y-Pêtrôs plơ̆ lah: “Rmal hom nau tih, ăn ăp nơm khân may dơn nau ƀaptem tâm amoh Brah Yêsu Krist gay geh nau yô̆ an nau tih khân may nơm, jêh nây mra sŏk dơn ndơ jêng Brah Huêng Ueh ăn.

Kôranh Oh Mon 8:16

Yorlah Brah Huêng Ueh ê hŏ nkhŭt jŭr klơ bu ôh, knŏng khân păng sŏk dơn jêh nau ƀaptem ma amoh Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 6:8

Ƀiălah tơlah he khĭt jêh ndrel ma Brah Krist, he chroh he mra dâk rêh ndrel ma Păng lĕ.

Samƀŭt Pôl Njuăl Ăn Ma Phung Nsing Ta Ƀon Rôm 7:1

Hơi phung oh nâu — gâp ngơi đah phung gĭt nau vay — khân may mâu gĭt hĕ nau vay knŏng chiă uănh bunuyh dôl păng hôm gŭ rêh dơm lĕ ƀơh?

I Kôrintô 10:2

Lĕ rngôch khân păng dơn jêh nau ƀư ƀaptem tâm ndâr tŭk jêh ri tâm dak mƀŭt gay tĭng Y-Môis;

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.

I Kôrintô 15:29

Tơlah mâu di pônây, moh nau kâp gân phung bunuyh dơn nau ƀaptem ntrok an ma phung khĭt? Tơlah phung khĭt mâu hôm dâk rêh tay ôh, mâm ƀư bu dơn ƀaptem ntrok an ma khân păng?

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

I Kôrintô 5:6

Nau khân may sưr rlau mâu geh nau ueh ôh. Khân may mâu gĭt hĕ ndrui djê̆ lê̆ dơi ƀư ră mbŭch rnih?

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

I Kôrintô 9:24

Khân may mâu gĭt hĕ tâm nau nchuăt tâm rlong ta ntŭk pâl, lĕ rngôch nchuăt da dê, ƀiălah knŏng du huê geh nau nkhôm? Pôri, nchuăt hom gay ma khân may pit sŏk nau nkhôm.

II Kôrintô 13:5

Rlong uănh ôp sek hom khân may nơm gay uănh gĭt khân may hôm gŭ tâm nau chroh mâu lah mâu! Rlong uănh hom khân may nơm. Khân may mâu gĭt hĕ ma Brah Yêsu Krist gŭ tâm khân may? Klach lah khân may mâu tât keh tâm nal.

Galati 3:27

Mbu nơm tâm khân may hŏ dơn jêh nau ƀaptem gay jêng phung Brah Krist jêng nsoh Brah Krist yơh.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.

I Pêtrôs 3:21

ƀaptem nar aơ jêng nau tâm ntĭt ma nau nây gay rklaih khân may; ƀaptem jêng mâu di sŏk lơi nau ƀơ̆ ƀơch luh bơh săk jăn, ƀiălah nau kuăl dăn ma Brah Ndu tă bơh nuih n'hâm sŏng kloh, ma nau Brah Yêsu Krist dâk rêh tay,