Samƀŭt Pôl Njuăl Ăn Ma Phung Nsing Ta Ƀon Rôm 6:23 - Nau Brah Ndu Ngơi 2023

²³ Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Bunong Bible Latin Script Cambodian dialect

²³ Nau jan tih leo tât ta nau khât gŭ ta ndrung ŭnh n'ho ro. Lŏng ndơ Kôranh Brah ăn dơm dam ma bân jêng nau rêh n'ho ro, tă bơh ndơ Brah Krist Yêsu i Kôranh bân lĕ jan nơh.

Bunong

²³ នាវ​ជាន​តីស​លែវ​ត៝ត់​តា​នាវ​ខឹត​គុ​តា​នទ្រូង​អុញ​នហ៝​រ៝។ ល៝ង់​នទើ​កោរាញ​ឞ្រាស​អ៝ន់​ទើម​ទាម​មា​ឞ៝ន់​ជេង​នាវ​រេស​នហ៝​រ៝ តាៈ​ឞើស​នទើ​ឞ្រាស​ក្រីស​យេឆូ  ​អី​កោរាញ​ឞ៝ន់​លែៈ​ជាន​នើស។

Samƀŭt Pôl Njuăl Ăn Ma Phung Nsing Ta Ƀon Rôm 6:23 Iomraidhean Croise

Nau Ntơm 2:17

ƀiălah play tơm si gĭt nau ueh jêh ri nau mhĭk, may mâu dơi ôh sa, yorlah moh nar may sa play tơm si nây, nanê̆ may mra khĭt.”

Nau Ntơm 3:19

May pah kan tât luh dak rhal ta ndăr kleng Ri mơ geh ndơ sông sa Kŏ tât nar may plơ̆ sĭt ta neh, Jêng ntŭk may luh bơh ta nây. Yorlah May jêng ndruyh neh, May mra plơ̆ sĭt tay ma ndruyh neh.”

Nau Hôr 11:19

Bunuyh gŭ nâp tâm nau sŏng srăng leo tât ma nau rêh, Bi nơm tĭng joi nau ƀai njŭn tât nau khĭt.

Êsai 3:11

Rêh ni ngăn ma nơm ƀai! Păng mra tuy nau mhĭk, Yorlah păng mra dơn play mhĭk bơh ti păng ƀư jêh.

Êsai 3:9

Muh măt khân păng tâm mpơl an nau tâm rdâng đah khân păng nơm; Khân păng nkoch rah vah nau tih khân păng nâm bu ƀon Sôdôm, Mâu mo ôh. Rêh ni ngăn ma huêng khân păng, Yorlah khân păng hŏ ƀư nau mhĭk ma khân păng nơm!

Êsêkiêl 18:20

Moh huêng ƀư tih mra khĭt. Kon mâu mra anh nau tih mbơ̆ păng jêh ri mbơ̆ ăt mâu lĕ anh nau tih kon păng. Nau sŏng srăng bunuyh sŏng srăng mra dơi prăp ăn ma bunuyh sŏng srăng; nau ƀai du huê bunuyh ƀai bu mra prăp ăn ma bunuyh ƀai.

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Yôhan 10:28

Gâp ăn ma khân păng nau rêh n'ho ro, khân păng mâu mra roh rai ôh, jêh ri mâu geh nơm pit sŏk khân păng bơh ti Gâp.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 5:12

Yor nây, tâm ban ntơm bơh du huê bunuyh nau tih lăp jêh tâm neh ntu, jêh ri bơh nau tih geh nau khĭt, pônây yơh nau khĭt hŏ hao lip tât ma lĕ rngôch bunuyh, yorlah lĕ rngôch bunuyh ƀư tih da dê.

Samƀŭt Pôl Njuăl Ăn Ma Phung Nsing Ta Ƀon Rôm 5:17

Tơlah yor nau tih du huê bunuyh, jêh ri bơh bunuyh nây nau khĭt chiă uănh jêh tâm ban lĕ, ăt knŏng yor du huê bunuyh jêng Brah Yêsu Krist, gay ma phung bunuyh dơn rmeh ler nau yô̆ jêh ri ndơ ăn tâm nau sŏng srăng, mra lơ hô chiă uănh tâm nau rêh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 8:13

Yorlah tơlah khân may gŭ rêh tĭng nâm nglay săk, khân may mra khĭt; ƀiălah tơlah ma Brah Huêng Ueh ƀư ăn khĭt kan tĭng nâm săk jăn, khân may mra rêh.

Samƀŭt Pôl Njuăl Ăn Ma Phung Nsing Ta Ƀon Rôm 8:38

Yorlah gâp gĭt nanê̆ ngăn, nđâp tơlah nau khĭt, nau rêh, phung tông mpăr, phung kôranh chiă uănh, nau aƀaơ, nau rnôk kăndơ̆, nau dơi ktang,

Samƀŭt Pôl Njuăl Ăn Ma Phung Nsing Ta Ƀon Rôm 8:39

ndah jong, ndah jru, mâu lah du ntil ndơ rhăk njêng mâu dơi ôh tâm nkhah he bơh nau Brah Ndu rŏng tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:6

Yor nau mĭn ŭch tĭng nglay săk jêng nau khĭt, ƀiălah mĭn ŭch tĭng Brah Huêng Ueh jêng nau rêh jêh ri nau đăp mpăn;

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

Yakơ 1:15

Jêh nôk kơnh păng ntreo jêh, păng deh nau tih; nau tih văch ma toyh, pôri păng njêng nau khĭt.

I Yôhan 2:25

Jêh ri nau rêh n'ho ro jêng nau Păng hŏ ton ăn jêh ma he.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”