Samƀŭt Pôl Njuăl Ăn Ma Phung Nsing Ta Ƀon Rôm 6:22 - Nau Brah Ndu Ngơi 2023

²² Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Bunong Bible Latin Script Cambodian dialect

²² Yơn ma aƀaơ dja khân ay may mâu hôm ôh gŭ ta nâm nau dơi nau tih, khân ay may lĕ jêng dâk ma Kôranh Brah. Nau khlay i lĕ jêng dâk ma Kôranh Brah, khân ay may jêng ƀon lan Kôranh Brah jêng kloh ueh, nau i nây leo tât ta nau rêh n'ho ro.

Bunong

²² យើន​មា​អាបៃ​អ្យា​ខាន់​អៃ​មៃ​មោ​ហោម​អោស​គុ​តា​ន៝ម់​នាវ​ទើយ​នាវ​តីស ខាន់​អៃ​មៃ​លែៈ​ជេង​ទឹក​មា​កោរាញ​ឞ្រាស។ នាវ​ខ្លៃ​អី​លែៈ​ជេង​ទឹក​មា​កោរាញ​ឞ្រាស ខាន់​អៃ​មៃ​ជេង​ប៝ន​លាន​កោរាញ​ឞ្រាស​ជេង​ក្ល៝ស​អ្វែស នាវ​អី​នៃ​លែវ​ត៝ត់​តា​នាវ​រេស​នហ៝​រ៝។

Samƀŭt Pôl Njuăl Ăn Ma Phung Nsing Ta Ƀon Rôm 6:22 Iomraidhean Croise

Nau Ntơm 50:17

‘Ăn khân may lah ma Y-Yôsep kơt aơ: Dăn ma may yô̆ an nau tih jêh ri nau djơh hên hŏ ƀư mhĭk jêh ma may.’ Pôri, aƀaơ dăn ma may yô̆ an nau tih phung oh mon Brah Ndu mbơ̆ may.” Nôk tăng nau ngơi nây Y-Yôsep nhĭm.

Ndrom Samƀŭt bơh Yôp 1:8

Brah Yêhôva ôp tay ma Satan: “May geh mĭn rmiăng treng uănh ma Y-Yôp, oh mon Gâp đŏng? Ta neh ntu aơ mâu geh ôh bunuyh tâm ban ma Y-Yôp; păng jêng du huê bunuyh mâu geh nau bu dơi nduyh ôh jêh ri sŏng, klach yơk ma Brah Ndu jêh ri der lĕ nau mhĭk.”

Nau Mprơ Ơm 143:12

Tâm nuih n'hâm ueh May, dăn nkhĭt lơi lĕ phung rlăng gâp, Ƀư rai lĕ rngôch phung tŭn jot gâp Yor gâp jêng oh mon May.

Nau Mprơ Ơm 86:2

King n'gang huêng gâp, yorlah gâp jêng bunuyh răp jăp; Ơ Brah Ndu gâp! Dăn tâm rklaih hom oh mon May, Jêng nơm hôm rnơm nsing ma May.

Nau Mprơ Ơm 92:14

Nđâp tơlah tât ranh, khân păng mra hôm e luh kao play, Chăt jêng jêh ri ndrêh ueh.

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Daniel 3:26

Jêh nây hađăch Nêbukatnetsar hăn dăch bôk mpông năk ŭnh hit jêh ri kuăl nteh huy: “Hơi Y-Sadrak, Y-Mêsăk, jêh ri Y-Abetnêgô, jêng oh mon Brah Ndu Dŭt Prêh, luh hom jêh ri văch ta aơ!” Y-Sadrak, Y-Mêsăk jêh ri Y-Abetnêgô luh ro tă bơh ŭnh năk.

Daniel 6:20

Tơlah păng tât dăch bâr trôm ntu, păng sŏk ma bâr rngot kuăl Y-Daniel. Hađăch kuăl: “Ơ Y-Daniel, oh mon Brah Ndu gŭ rêh mro mrăng! Brah Ndu may pah kan ƀaƀơ, mra dơi rklaih may bơh yau mŭr lĕ?”

Nau Kơp Bunuyh 23:10

Mbu dơi kơp ndruyh choih Y-Yakôb? Mbu dơi kơp du kô̆ tâm puăn Israel? Ăn gâp dơi khĭt ma đah nau khĭt nơm sŏng srăng; Ăn gâp rai lôch tâm ban ma khân păng!”

Mathay 13:40

Tâm ban ma bu mra rgum tay gơ̆ mhĭk jêh ri su tâm ŭnh kơt nĕ, bu mra ƀư tâm ban pônây lĕ tâm nar lôch neh ntu.

Mathay 13:43

Nôk nây, phung sŏng srăng mra geh nchrat ang nâm bu nar tâm ƀon bri hađăch Mbơ̆ khân păng. Mbu nơm geh tôr rkêng iăt hom!”

Mathay 19:29

Ma mbu nơm ƀư lư n'găr ma amoh Gâp ngih vâl, oh nâu, oh nur, mê̆ mbơ̆, phung kon, neh mir lŏ, yor amoh Gâp, nơm nây mra dơi dơn du rhiăng tơ̆ âk lơn, jêh ri dơn nau rêh n'ho ro.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 15:2

Moh n'gĭng tâm Gâp mâu geh play, Păng koh mƀăr lơi, jêh ri lĕ n'gĭng geh play, Păng ƀư ueh, gay ma păng play âk lơn đŏng.

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

Yôhan 8:32

Khân may mra gĭt nau ngăn, jêh ri nau ngăn mra rklaih ma khân may.”

Samƀŭt Pôl Njuăl Ăn Ma Phung Nsing Ta Ƀon Rôm 6:14

Yorlah nau tih mâu mra hôm chiă uănh khân may ôh, yorlah khân may mâu gŭ tâm dâng nau vay ôh, ƀiălah tâm dâng nau yô̆.

Samƀŭt Pôl Njuăl Ăn Ma Phung Nsing Ta Ƀon Rôm 6:18

jêh ri khân may geh nau klaih jêh bơh nau tih, plơ̆ jêng dĭk ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 6:21

Nôk nây moh play aƀaơ aơ khân may geh nau bêk prêng? Play ƀư prêng khân ay may aƀaơ! Nau nglĕ dŭt lĕ nau nây jêng nau khĭt.

Samƀŭt Pôl Njuăl Ăn Ma Phung Nsing Ta Ƀon Rôm 7:25

Lah ueh ma Brah Ndu, yor ma Brah Yêsu Krist, jêng Kôranh Brah he! Tâm ban pônây, gâp yơh dŏng nau mĭn gâp nơm pah kan ma nau vay Brah Ndu, ƀiălah sŏk nglay săk gâp nơm jêng dĭk ma nau vay nau tih.

Samƀŭt Pôl Njuăl Ăn Ma Phung Nsing Ta Ƀon Rôm 7:4

Tâm ban lĕ, hơi phung oh nâu gâp, Tă bơh tâm săk jăn Brah Krist khân may khĭt jêh ma nau vay jêh ri nar aơ khân may jêng ndơ bu êng, jêng Nơm nây hŏ dâk rêh tay tă bơh nau khĭt, gay ma he geh play ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 7:22

Yorlah mbu moh geh Kôranh Brah kuăl dôl hôm ƀư dĭk, pôri păng plơ̆ jêng kon me tâm Kôranh Brah. Tâm ban lĕ, nơm kon me tâm nôk bu kuăl, pôri păng plơ̆ jêng dĭk ma Brah Krist.

II Kôrintô 3:17

Kôranh Brah jêng Brah Huêng Ueh, moh ntŭk geh Brah Huêng Ueh Kôranh Brah gŭ, ntŭk nây geh nau kon me.

Galati 1:10

Bi aƀaơ aơ, gâp ŭch sŏk nuih n'hâm kon bunuyh mâu lah Brah Ndu? Di lĕ gâp ŭch ƀư maak nuih n'hâm ma bunuyh? Tơlah gâp ăt srôih ƀư maak nuih n'hâm ma kon bunuyh, gâp mâu di jêng oh mon ma Brah Krist ôh.

Galati 5:13

Hơi phung oh nâu, bu kuăl jêh khân may gay dơn nau kon me; ƀiălah lơi dŏng nau kon me nây tâm ban du mông găl gay gŭ rêh ma nglay săk, ƀiălah sŏk hom nuih n'hâm rŏng gay pah kan ndrăng khân may nơm.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 4:17

Nây mâu di gâp ŭch ndơ ăn ôh, ƀiălah gâp ŭch play kao ntop nau hao ma khân may.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

Kôlôh 4:12

Y-Êpapras, bunuyh ƀon ndrel khân may, du huê oh mon ma Yêsu Krist jô̆ khâl ma khân may; păng tâm lơh tâm nau mbơh sơm yor khân may; gay khân may plơ̆ jêng nŭm rĭng jêh ri ƀư lôch lĕ nau mĭn ŭch Brah Ndu.

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

I Pêtrôs 1:9

yorlah khân may dơn nau nkhôm tă bơh nau chroh, jêng nau tâm rklaih ma huêng khân may nơm.

I Pêtrôs 2:16

Jêng oh mon Brah Ndu, khân may gŭ rêh hom tâm ban ma phung bunuyh kon me, ƀiălah mâu dŏng ôh nau kon me khân may nơm ƀư bok nkŭm nau djơh mhĭk.

Nau Tâm Mpơl 7:13

Du huê tâm phung kôranh bu ranh ngơi đah gâp nâm pô aơ: “Mbu nơm nsoh jêh ao jong nglang nĕ, jêh ri mbah tă khân păng văch?”