Samƀŭt Pôl Njuăl Ăn Ma Phung Nsing Ta Ƀon Rôm 6:13 - Nau Brah Ndu Ngơi 2023

¹³ Lơi nhhơr lĕ kô̆ săk jăn khân may ƀư ndơ dŏng djơh mhĭk ma nau tih, ƀiălah nhhơr hom khân may nơm ma Brah Ndu tâm ban ma phung bunuyh hŏ dâk rêh tay jêh bơh nau khĭt, jêh ri nhhơr lĕ kô̆ săk jăn khân may nơm ƀư ndơ dŏng nau sŏng srăng ma Brah Ndu.

Bunong Bible Latin Script Cambodian dialect

¹³ Lơi hôm ôh ăn du ntil ndơ ta săk jăn khân ay may jan ndơ djơh ndơ tih, yơn ma jao khân ay may nơm ma Kôranh Brah, yorlah bơh ntơm nơh khân ay may tâm ban ma lĕ khât, yơn ma aƀaơ dja khân ay may lĕ geh nau rêh mhe, ndri dâng, dŏng dâng lĕ săk jăn khân ay may, gay ma jan ndơ sŏng ndơ ueh ăn ma Kôranh Brah dô.

Bunong

¹³ លើយ​ហោម​អោស​អ៝ន់​ទូ​នតីល​នទើ​តា​ឆាក់​ជាន់​ខាន់​អៃ​មៃ​ជាន​នទើ​អ្យើស​នទើ​តីស យើន​មា​ជាវ​ខាន់​អៃ​មៃ​នើម​មា​កោរាញ​ឞ្រាស យ៝រ​លាស​ឞើស​នតើម​នើស​ខាន់​អៃ​មៃ​តឹម​ឞាន​មា​លែៈ​ខឹត យើន​មា​អាបៃ​អ្យា​ខាន់​អៃ​មៃ​លែៈ​គែស​នាវ​រេស​មហែ នទ្រី​ទឹង ទ៝ង់​ទឹង​លែៈ​ឆាក់​ជាន់​ខាន់​អៃ​មៃ គៃ​មា​ជាន​នទើ​ឆ៝ង់​នទើ​អ្វែស​អ៝ន់​មា​កោរាញ​ឞ្រាស​ទោ។

Samƀŭt Pôl Njuăl Ăn Ma Phung Nsing Ta Ƀon Rôm 6:13 Iomraidhean Croise

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

Nau Mprơ Ơm 37:30

Trôm mbung bunuyh sŏng ngơi nau blau mĭn, Mpiăt bunuyh nây nkoch nau sŏng.

Nau Hôr 12:18

Nau ngơi mâu njrăng ôh jêng nâm bu ntâp ma đao, Ƀiălah mpiăt phung blau mĭn jêng djôt nau blau ƀư bah.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Luka 15:24

Yorlah kon gâp aơ khĭt jêh ƀiălah aƀaơ aơ dâk rêh đŏng, roh jêh ƀiălah aƀaơ aơ joi dơi saơ.’ Jêh nây khân păng ntơm nhêt sông sa răm maak.

Luka 15:32

Ƀiălah di ngăn ƀư nau sông sa jêh ri răm maak, yorlah oh may aơ khĭt jêh, ƀiălah nar aơ păng dâk rêh, hŏ roh jêh ƀiălah dơi saơ.’ ”

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Samƀŭt Pôl Njuăl Ăn Ma Phung Nsing Ta Ƀon Rôm 1:29

Khân păng bêng ma ăp ntil nau kue, nau tih mhĭk, nau kơnh, nau ƀai; nuih n'hâm bêng ma nau keh nach, nau nkhĭt bunuyh, nau tâm lah tâm djrel, nau mƀruh nchơt, nau hăt janh;

Samƀŭt Pôl Njuăl Ăn Ma Phung Nsing Ta Ƀon Rôm 12:1

Pôri hơi oh nâu, yor ma nau Brah Ndu yô̆ nđach, gâp vơh dăn ma khân may, nhhơr săk jăn khân may nơm ƀư mpa ƀư brah rêh, kloh ueh jêh ri ueh nuih n'hâm ma Brah Ndu, nau nây jêng nau yơk mbah ngăn khân may.

Samƀŭt Pôl Njuăl Ăn Ma Phung Nsing Ta Ƀon Rôm 6:11

Pôri, khân ay may kơp hom khân may nơm khĭt jêh đah nau tih jêh ri dôl gŭ rêh ma Brah Ndu tâm Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 6:16

Khân may mâu gĭt hĕ tơlah khân may djôt leo săk jăn khân may nơm jêng dĭk gay tông bâr ma du huê bunuyh khân may hŏ jêng jêh dĭk ma bunuyh khân may tông bâr lĕ ƀơh? Mâu lah ƀư dĭk nau tih njŭn leo ma nau khĭt, mâu lah ƀư dĭk ma nau tông bâr njŭn leo ma nau sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 6:19

Yorlah nglay săk khân may rdja, rĭ dĭng gâp ngơi tĭng nau kon bunuyh. Khân may hŏ tă nhhơr lĕ kô̆ săk jăn khân may jêng dĭk nau ƀơ̆ ƀơch jêh ri nau djơh mhĭk bun tâm ban lĕ, aƀaơ aơ, nhhơr hom lĕ kô̆ săk jăn khân may jêng dĭk ma nau sŏng srăng gay ma geh nau kloh ueh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 7:23

ƀiălah gâp gĭt tâm săk jăn gâp du nau vay êng tâm lơh đah nau vay tâm nau mĭn gâp, nchâp gâp ƀư dĭk ma nau vay nau tih, jêng nau vay gŭ tâm săk jăn gâp.

Samƀŭt Pôl Njuăl Ăn Ma Phung Nsing Ta Ƀon Rôm 7:5

Dôl he hôm gŭ rêh tâm nglay săk, lĕ nau kơnh mhĭk ma nau tih tâm nau vay, ƀư tâm lĕ kô̆ săk jăn he gay ma geh play kao ma nau khĭt.

I Kôrintô 6:15

Khân may mâu gĭt hĕ săk jăn khân may jêng kô̆ tâm săk jăn Brah Krist? Lah ndri, gâp dơi lĕ sŏk săk jăn Brah Krist ƀư jêng săk jăn du huê bu ur văng tĭr ƀơh? Mâu geh ôh!

I Kôrintô 6:20

yorlah Brah Ndu hŏ rvăt jêh khân may ma rnoh dŭt khlay. Pôri, sŏk hom săk jăn khân may gay tâm rnê Brah Ndu.

I Kôrintô 6:9

Khân may mâu gĭt hĕ phung mâu sŏng srăng mâu mra dơn ƀon bri hađăch Brah Ndu ôh?

II Kôrintô 10:4

Ndơ tâm lơh hên dŏng mâu di jêng lĕ ndơ tâm lơh bơh nglay săk ôh, ƀiălah jêng nau brah Brah Ndu gay ƀư rlâm lĕ pôih,

II Kôrintô 5:14

Yorlah nau rŏng Brah Krist ntrôl hên, jêh ri hên mĭn, tơlah du huê khĭt jêh ma lĕ rngôch bunuyh, lĕ rngôch bunuyh khĭt da dê jêh.

II Kôrintô 5:15

Jêh ri yorlah Păng khĭt ntrok an ma lĕ rngôch, gay ma phung bunuyh gŭ rêh mâu gŭ rêh yor khân păng nơm ôh, ƀiălah gŭ rêh ma Nơm hŏ khĭt jêh ri dâk rêh tay ma khân păng nơm.

II Kôrintô 8:5

Khân păng hŏ ƀư rlau nau hên kâp gân; yorlah lor lơn khân păng hŏ nhhơr khân păng nơm ma Kôranh Brah jêh ri ma hên, tĭng nâm nau mĭn Brah Ndu ŭch.

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Nau Vay Nkah Tay 25:16

Yorlah Yêhôva Brah Ndu tâm rmot lĕ rngôch mbu nơm ƀư ma nau mâu sŏng, ƀư kue tâm ban pônây.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

Kôlôh 2:13

Nôk khân may khĭt jêh tâm nau tih jêh ri tâm nglay săk mâu koh ntâu, Brah Ndu ƀư ăn ma khân may rêh ndrel ma Brah Krist, yor Păng yô̆ an jêh lĕ nau tih he.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

II Têsalônik 2:12

gay ma lĕ rngôch bunuyh mâu chroh ma nau ngăn, ƀiălah ŭch rŏng ma nau djơh mhĭk mra dơn nau tâm rmal.

II Timôthê 2:15

Nsrôih pah kan hom gay ma maak nuih n'hâm Brah Ndu tâm ban bunuyh pah kan mâu mra geh nau đit prêng ôh, ma nau sŏng gay ma nti lah nau ngăn.

Yakơ 4:1

Mbah tă luh lĕ nau tâm lơh, nau tâm djrel tâm phung khân may? Mâu di hĕ păng luh tă bơh nau nglay săk ŭch dôl tâm lơh tâm kô̆ săk jăn khân may?

I Pêtrôs 2:24

Păng djôt nau tih he tâm săk jăn Păng ta klơ tơm si, gay ma he khĭt jêh đah nau tih jêh ri gŭ rêh ma nau sŏng srăng; tă bơh lĕ sôt rmanh Păng, khân may geh nau ƀư bah jêh.

I Pêtrôs 4:2

gay ma dôl hôm gŭ rêh tâm nglay săk, khân may mâu hôm gŭ rêh tĭng nâm nau bunuyh kơnh ŭch ôh, ƀiălah tĭng nâm Brah Ndu ŭch.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.