Samƀŭt Pôl Njuăl Ăn Ma Phung Nsing Ta Ƀon Rôm 5:5 - Nau Brah Ndu Ngơi 2023

⁵ jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Bunong Bible Latin Script Cambodian dialect

⁵ Jêh ri nau rnơm i nây mâu ôh jan ăn bân nduih tôr, yorlah Brah Huêng Ueh i kloh ueh lĕ ăn jêh nau rŏng Kôranh Brah ta nuih n'hâm bân. Kôranh Brah nơm ăn Brah Huêng Ueh gŭ ta bân.

Bunong

⁵ ជេសរី​នាវ​រានើម​អី​នៃ​មោ​អោស​ជាន​អ៝ន់​ឞ៝ន់​នទុយ្ស​តោរ យ៝រ​លាស​ឞ្រាស​ហ្វេង​អ្វែស​អី​ក្ល៝ស​អ្វែស​លែៈ​អ៝ន់​ជេស​នាវ​រ៝ង់​កោរាញ​ឞ្រាស​តា​នូយ្ស​នហ៝ម់​ឞ៝ន់។ កោរាញ​ឞ្រាស​នើម​អ៝ន់​ឞ្រាស​ហ្វេង​អ្វែស​គុ​តា​ឞ៝ន់។

Samƀŭt Pôl Njuăl Ăn Ma Phung Nsing Ta Ƀon Rôm 5:5 Iomraidhean Croise

Ndrom Samƀŭt bơh Yôp 27:8

Mâm nau kâp gân phung mâu chroh lah păng bu ƀư rai jêh? Lah Brah Ndu joi tay huêng păng?

Nau Mprơ Ơm 119:116

Dăn May chông gâp tĭng nâm nau May ton, gay ma gâp dơi gŭ rêh; Lơi dĭng ăn gâp bêk ôh dôl gâp n'gân nau kâp gân tâm May.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Kôranh Oh Mon 10:45

Phung chroh geh nau koh ntâu jêh, jêng phung bunuyh hăn ndrel ma Y-Pêtrôs, hih rhâl ngăn yorlah ndơ Brah Huêng Ueh nkhŭt đŏng ta phung bu năch tâm ban lĕ.

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 8:28

He gĭt lĕ rngôch nau rgum ƀư khlay ma phung rŏng ma Brah Ndu, nâm bu ntĭt ma phung bunuyh dơi kuăl tĭng nâm nau mĭn Păng ŭch.

Samƀŭt Pôl Njuăl Ăn Ma Phung Nsing Ta Ƀon Rôm 9:33

tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

I Kôrintô 8:3

Ƀiălah tơlah mbu nơm rŏng ma Brah Ndu, Brah Ndu gĭt năl jêh nơm nây.

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 1:13

Tâm Păng, khân may jêng phung tăng jêh nau ngơi ngăn, jêng Nau Mhe Mhan Ueh ma nau tâm rklaih khân may. Tâm Păng đŏng, khân may chroh jêh, jêh ri tâp pŏng jêh ma Brah Huêng Ueh nâm bu nau ton.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

I Yôhan 4:19

He rŏng yorlah Kôranh Brah rŏng jêh ma he lor.