Samƀŭt Pôl Njuăl Ăn Ma Phung Nsing Ta Ƀon Rôm 5:1 - Nau Brah Ndu Ngơi 2023

¹ Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Bunong Bible Latin Script Cambodian dialect

¹ Ndri dâng bân geh nau đăp mpăn đah Kôranh Brah, yorlah Păng lĕ kơp bân sŏng tă bơh nau bân nsing, nau đăp mpăn i nây tă bơh ndơ Brah Yêsu Krist i Kôranh bân lĕ jan nơh.

Bunong

¹ នទ្រី​ទឹង​ឞ៝ន់​គែស​នាវ​ដាប់​មពាន់​ដាស​កោរាញ​ឞ្រាស យ៝រ​លាស​ពាង់​លែៈ​កើប​ឞ៝ន់​ឆ៝ង់​តាៈ​ឞើស​នាវ​ឞ៝ន់​ញឆីង នាវ​ដាប់​មពាន់​អី​នៃ​តាៈ​ឞើស​នទើ​ឞ្រាស​យេឆូ​ក្រីស  ​អី​កោរាញ​ឞ៝ន់​លែៈ​ជាន​នើស។

Samƀŭt Pôl Njuăl Ăn Ma Phung Nsing Ta Ƀon Rôm 5:1 Iomraidhean Croise

Ndrom Samƀŭt bơh Yôp 21:21

Yor tơlah rnoh nar bu nal ma khân păng hŏ lĕ jêh, Moh hôm khân păng mĭn rvê tât ma rnăk vâl đŏng?

Nau Mprơ Ơm 122:6

Mbơh sơm hom ma nau đăp mpăn ƀon Yêrusalem; Ăn phung rŏng ma may geh nau chăt jêng.

Êsai 27:5

Mâu geh ndơ dơi ban nau ktang Gâp Tâm rnglăp hom đah Gâp, Di jêh, tâm rnglăp hom đah Gâp!”

Êsai 32:17

Ndô ndơ bơh nau sŏng srăng jêng nau đăp mpăn, Play khlay bơh nau sŏng srăng jêng nau đăp rmên jêh ri nau rnơm ƀaƀơ.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Habakuk 2:4

Uănh hom, phung sưr rlau Mâu geh ôh nuih n'hâm sŏng; Ƀiălah bunuyh sŏng srăng mra gŭ rêh yor nau chroh păng nơm.

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Luka 19:38

Khân păng nter lah: “Tâm rnê ma Hađăch văch tâm amoh Kôranh Brah! Nau đăp mpăn gŭ ta klơ trôk, jêh ri nau chrêk rmah klơ ntŭk dŭt prêh!”

Luka 19:42

“Ŭch ngăn, ta nar aơ, may dơi gĭt lĕ nau ƀư nau đăp mpăn ma may! Ƀiălah aƀaơ lĕ nau nây pôn ndâp bơh măt may.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 15:33

Mbơh sơm dăn ma Brah Ndu nau đăp mpăn gŭ ndrel lĕ rngôch khân may! Amen.

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

Samƀŭt Pôl Njuăl Ăn Ma Phung Nsing Ta Ƀon Rôm 3:30

yorlah Brah Ndu jêng nguay, jêng Nơm mra ƀư ma phung koh ntâu dơi kơp sŏng srăng ma nau chroh, ƀư đŏng ma phung mâu koh ntâu dơi kơp sŏng srăng ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 5:18

Pônây, tă bơh nau tih knŏng du huê bunuyh ƀư ma lĕ rngôch bunuyh geh nau tâm rmal, tâm ban lĕ, yor nau kan sŏng srăng tă bơh du huê bunuyh ri mơ lĕ rngôch bunuyh dơi kơp sŏng srăng jêh ri dơi dơn nau rêh.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 9:30

Pôri mâm nau he mra lah? Phung bu năch mâu mâp joi ôh nau sŏng srăng, ƀiălah khân păng geh jêh nau sŏng srăng; nây jêng nau sŏng srăng tă bơh nau chroh;

Galati 2:16

Ƀiălah hên gĭt du huê dơi kơp sŏng srăng mâu di yor lĕ kan bơh nau vay ôh, ƀiălah ma nau chroh tâm Brah Yêsu Krist, yor nây hên chroh jêh ma Brah Krist gay dơi kơp sŏng srăng yor ma nau chroh tâm Brah Krist, mâu di yor ma kan bơh nau vay ôh; yorlah mâu du huê dơi kơp sŏng srăng tă bơh kan bơh nau vay ôh.

Galati 3:25

Ƀiălah tơlah nau chroh tât jêh, he mâu hôm gŭ tâm dâng nau dơi ma nơm ntĭm nây đŏng.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

Kôlôh 3:15

Ăn hom nau đăp mpăn bơh Brah Krist chiă uănh tâm nuih n'hâm khân may, jêng nau đăp mpăn khân may hŏ dơi kuăl tât tâm du săk jăn, jêh ri mpơl hom nuih n'hâm gĭt lah ueh.

I Têsalônik 5:23

Dăn Brah Ndu ăn nau đăp mpăn ƀư ăn kloh khân may ăn nŭm. Dăn Păng prăp nuih n'hâm, huêng, jêh ri săk jăn khân may ăn ueh, mâu geh nau nduyh lah Kôranh Brah he, jêng Brah Yêsu Krist plơ̆ văch!

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,