Samƀŭt Pôl Njuăl Ăn Ma Phung Nsing Ta Ƀon Rôm 4:6 - Nau Brah Ndu Ngơi 2023

⁶ Yor ri, nôk ngơi tât nau ueh maak ma phung bunuyh Brah Ndu kơp jêng sŏng srăng mâu di bơh kan khân păng ƀư, Y-Đavit lah:

Bunong Bible Latin Script Cambodian dialect

⁶ Ta Nau Kôranh Brah Ngơi kađăch Đavid lĕ nchih jêh nau ueh maak ma bunuyh i Kôranh Brah lĕ kơp sŏng, mâu di ôh tă bơh ndơ păng jan.

Bunong

⁶ តា​នាវ​កោរាញ​ឞ្រាស​ងើយ​កាដាច់​ដាវីត  ​លែៈ​ញចីស​ជេស​នាវ​អ្វែស​មអាក​មា​ឞូនុយ្ស​អី​កោរាញ​ឞ្រាស​លែៈ​កើប​ឆ៝ង់ មោ​ទី​អោស​តាៈ​ឞើស​នទើ​ពាង់​ជាន។

Samƀŭt Pôl Njuăl Ăn Ma Phung Nsing Ta Ƀon Rôm 4:6 Iomraidhean Croise

Nau Mprơ Ơm 112:1

Halêluya! Ueh maak yơh nơm klach yơk ma Brah Yêhôva, Lĕ nuih n'hâm rŏng ngăn ma nau Păng ntăm!

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Mathay 25:19

Jŏ nar pakơi nây, kôranh phung oh mon nây plơ̆ tay jêh ri kơp ndrom samƀŭt ma khân păng.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Samƀŭt Pôl Njuăl Ăn Ma Phung Nsing Ta Ƀon Rôm 3:27

Pônây moh nau gay ma ngơi ntưih? Mâu geh moh nau gay ma ngơi ntưih lĕ. Moh nau vay bu nsing? Ma nau vay kan bu ƀư ƀơh? Mâu di ôh, ƀiălah nsing ma nau vay nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 4:11

Păng dơn jêh nau tâm mbên ma nau koh ntâu tâm ban tâp pŏng nau sŏng srăng păng geh jêh ma nau chroh ntơm bơh păng ê hŏ koh ntâu. Tâm ban pônây păng plơ̆ jêng mbơ̆ ma lĕ rngôch phung chroh ƀiălah mâu geh koh ntâu, khân păng dơi kơp jêng sŏng srăng tâm ban lĕ,

Samƀŭt Pôl Njuăl Ăn Ma Phung Nsing Ta Ƀon Rôm 4:24

ƀiălah nđâp ma he đŏng. Nau chroh mra dơi kơp jêng sŏng srăng ma he, phung bunuyh chroh ma Nơm hŏ ƀư jêh Brah Yêsu, Kôranh Brah he, dâk rêh tay tă bơh nau khĭt,

Samƀŭt Pôl Njuăl Ăn Ma Phung Nsing Ta Ƀon Rôm 4:5

bi ma phung mâu ƀư pah kan, ƀiălah chroh ma Nơm kơp sŏng srăng ma bunuyh tih, nau păng chroh dơi kơp jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 4:7

“Ueh maak ngăn ma bunuyh geh nau yô̆ an ma nau tih păng, Nau tih dơi nkŭm brôi an jêh!

Samƀŭt Pôl Njuăl Ăn Ma Phung Nsing Ta Ƀon Rôm 4:9

Pôri nau ueh maak nây knŏng prăp ma phung koh ntâu, mâu lah nđâp ma phung mâu koh ntâu? Yorlah he lah ma nau chroh, Y-Abraham dơi kơp jêng sŏng srăng jêh.

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 3:14

gay tâm Yêsu Krist ma nau ueh lăng prăp ma Y-Abraham tât ma phung bu năch, jêh ri ma nau chroh he dơi sŏk dơn nau ton ma Brah Huêng Ueh.

Galati 4:15

Pônây mbah ntŭk nau ueh maak khân may geh? Yorlah gâp mbơh nkoch ma khân may pô aơ, tơlah dơi, khân may rvek găr măt khân may nơm ăn ma gâp.

Êphêsô 1:3

Tâm rnê ma Brah Ndu, Mbơ̆ Kôranh Brah he jêng Brah Yêsu Krist, Păng ăn ma he tâm Brah Krist ăp ntil nau ueh maak tâm nau rêh huêng gŭ tâm lĕ ntŭk klơ trôk.

Nau Vay Nkah Tay 33:29

Hơi phung Israel khân may geh nau răm maak âk hâu ngăn! Du phung ƀon lan geh Brah Yêhôva kơl rklaih an! Mbu dơi jêng nâm bu khân may? Păng jêng khêl kơl king khân may, Jêng đao djôt leo nau chrêk rmah tât ma khân may! Phung rlăng mra chon mbah tanăp khân may, Bi khân may mra jot ntŭk prêh klơ khân păng.”

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,

II Timôthê 1:9

Brah Ndu tâm rklaih jêh he, kuăl jêh he ma nau kuăl kloh ueh, mâu di ôh yor nau he kan, ƀiălah tĭng nâm nau ŭch êng Păng jêh ri nau yô̆ Păng ăn jêh ma he ntơm bơh lor lĕ rngôch rnôk tâm Brah Yêsu Krist.

Yakơ 2:18

Ƀiălah geh bunuyh mra lah: “May geh nau chroh, jêh ri gâp geh kan.” Ntĭm hom ma gâp nau may chroh mâu geh kan, jêh nây gâp mra ntĭm nau gâp chroh geh kan.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.