Samƀŭt Pôl Njuăl Ăn Ma Phung Nsing Ta Ƀon Rôm 4:15 - Nau Brah Ndu Ngơi 2023

¹⁵ Yorlah nau vay djôt leo tât nau ji nuih, ƀiălah moh ntŭk mâu geh nau vay mâu đŏng geh nau rlau nau vay ôh.

Bunong Bible Latin Script Cambodian dialect

¹⁵ yorlah tă bơh nau vay i nây Kôranh Brah ji nuih tê̆ dôih ma bân, mâu geh ôh du huê bunuyh blao jan tâng nâng neng dâng lĕ nau vay. Lah mâu geh nau vay dơm mâu geh ôh bu jan rlau nau vay.

Bunong

¹⁵ យ៝រ​លាស​តាៈ​ឞើស​នាវ​វៃ​អី​នៃ​កោរាញ​ឞ្រាស​ជី​នូយ្ស​តេៈ​ទោយ្ស​មា​ឞ៝ន់ មោ​គែស​អោស​ទូ​ហ្វេ​ឞូនុយ្ស​ឞ្លាវ​ជាន​តឹង​នឹង​នែង​ទឹង​លែៈ​នាវ​វៃ។ លាស​មោ​គែស​នាវ​វៃ​ទើម​មោ​គែស​អោស​ឞូ​ជាន​រាលាវ​នាវ​វៃ។

Samƀŭt Pôl Njuăl Ăn Ma Phung Nsing Ta Ƀon Rôm 4:15 Iomraidhean Croise

II Phung Hađăch 22:13

“Hăn hom ôp ma Brah Yêhôva ăn ma gâp, ma phung ƀon lan, jêh ri ma lĕ rngôch phung Yuđa, ma lĕ nau nchih tâm ndrom samƀŭt hŏ joi saơ jêh. Brah Yêhôva ji nuih hâu ngăn ma he, yorlah phung chô yau he mâu tông ôh ma lĕ nau ngơi tâm ndrom samƀŭt aơ, jêh ri mâu ƀư tĭng nâm nau hŏ ntăm jêh ma phung he.”

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Nau Nhĭm Vơl 2:22

May hŏ rgum nau klach krit gâp tă bơh lĕ rngôch mpeh, Nâm bu tâm nar rƀŭn; Tâm nar Brah Yêhôva ji nuih, Mâu geh nơm klaih mâu lah nơm hôm gŭ rêh klen. Phung gâp hŏ chông ra-u jêh ri pêt rong ntĭm nti, Lĕ rngôch lĕ phung rlăng nkhĭt da dê jêh.

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Nau Kơp Bunuyh 32:14

Aƀaơ, khân may jêng noi deh phung bunuyh tih, ntrok tay phung chô yau khân may nơm dâk hao jêh ri ƀư ma Brah Yêhôva ji nuih ma phung Israel lơ hô ntop.

Yôhan 15:22

Lah Gâp mâu văch jêh ri mâu lah ôh ma khân păng, khân păng mâu geh nau tih ôh. Ƀiălah aƀaơ khân păng mâu dơi koh dŏng ma nau tih khân păng.

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Samƀŭt Pôl Njuăl Ăn Ma Phung Nsing Ta Ƀon Rôm 5:13

Yorlah nau tih hŏ geh tâm neh ntu êlor geh nau vay; ƀiălah dôl ê hŏ geh nau vay, nau tih bu mâu kơp nau tih ôh.

I Kôrintô 15:56

Mpôch ma nau khĭt jêng nau tih, nau ktang ma nau tih jêng nau vay.

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 3:19

Pôri, mâm ƀư geh nau vay? Bu ntop jêh nau vay yor lĕ nau ƀư tih, jêh ri hôm e tât ma nar bunuyh noi deh tât, nâm bu ntĭt Nơm geh nau ton bơh lor. Nau vay nây mbơh ma bu bơh phung tông mpăr jêh ri bơh bâr mbung du huê nơm tâm nklang.

Êphêsô 5:6

Lơi ăn bu ndơm khân may ma nau mâu khlay ôh; yor bơh nau nây yơh nau Brah Ndu ji nuih nkhŭt tŭp ta noi deh mâu tông bâr.

Kôlôh 3:6

yor lĕ nau nây nau ji nuih Brah Ndu nkhŭt ta klơ phung bunuyh mâu tông bâr.

I Yôhan 3:4

Mbu nơm ƀư tih jêng rlau nau vay; yorlah nau tih jêng mâu di nau vay.

Nau Tâm Mpơl 19:15

Tă bơh trôm mbung Păng geh du mlâm đao hơr ngăn gay ma dong lĕ bri dak; Păng mra chiă uănh khân păng ma du mlâm mâng jra loih. Păng mra jot mpet thŭng play krăk ƀâu ma nau ji nuih Brah Ndu Geh Lĕ Nau Brah.