Samƀŭt Pôl Njuăl Ăn Ma Phung Nsing Ta Ƀon Rôm 3:25 - Nau Brah Ndu Ngơi 2023

²⁵ Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Bunong Bible Latin Script Cambodian dialect

²⁵ Kôranh Brah lĕ ăn jêh Brah Yêsu jêng ndơ ma jan brah, mham Brah Yêsu chuai nau tih bunuyh i nsing ma Păng. Kôranh Brah jan kơt nây gay ma nhhơ Păng nơm lĕ sŏng, bol lah bơh ntơm nơh bunuyh jan tih, Păng mâu ôh tê̆ dôih ro.

Bunong

²⁵ កោរាញ​ឞ្រាស​លែៈ​អ៝ន់​ជេស​ឞ្រាស​យេឆូ  ​ជេង​នទើ​មា​ជាន​ឞ្រាស មហាម​ឞ្រាស​យេឆូ  ​ច្វាយ​នាវ​តីស​ឞូនុយ្ស​អី​ញឆីង​មា​ពាង់។ កោរាញ​ឞ្រាស​ជាន​កើត​នៃ​គៃ​មា​ញហើ​ពាង់​នើម​លែៈ​ឆ៝ង់ ឞ៝ល​លាស​ឞើស​នតើម​នើស​ឞូនុយ្ស​ជាន​តីស ពាង់​មោ​អោស​តេៈ​ទោយ្ស​រ៝។

Samƀŭt Pôl Njuăl Ăn Ma Phung Nsing Ta Ƀon Rôm 3:25 Iomraidhean Croise

Nau Mprơ Ơm 119:142

Nau sŏng srăng May jêng nau sŏng srăng n'ho ro. Nau vay May jêng nau nanê̆ ngăn.

Nau Mprơ Ơm 22:31

Noi deh nây mra mbơh nau sŏng srăng Păng; Nkoch tay ma rơh kăndơ̆ pô aơ Brah Yêhôva hŏ ƀư jêh nau nây.

Nau Mprơ Ơm 40:10

Gâp mâu pôn ôh nau sŏng srăng May tâm nuih n'hâm gâp; Gâp mbơh jêh nau răp jăp jêh ri nau yô̆ ma nau May tâm rklaih; Gâp mâu pôn ôh nau ueh jêh ri nanê̆ May, Ma phung tâm rƀŭn âk.

Nau Mprơ Ơm 50:6

Lĕ ndâr trôk mra mbơh nau sŏng srăng Păng. Yorlah Brah Ndu yơh jêng kôranh phat dôih. (Sêla)

Nau Mprơ Ơm 97:6

Lĕ ndâr trôk mbơh nau sŏng srăng Păng, Lĕ rngôch phung ƀon lan uănh nau chrêk rmah Păng.

Nau Mprơ Ơm 98:2

Brah Yêhôva mbơh jêh nau Păng tâm rklaih Jêh ri tâm mpơl nau sŏng srăng Păng tanăp măt lĕ bri dak.

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Kan Lêvi 16:10

Bi ma be prăp ma Asasel mra nhhơr rêh tanăp Brah Yêhôva gay ƀư nau rƀŭn chuai nau tih ta klơ păng jêh ri mƀơk păng hăn ta bri rdah ăn ma Asasel.

Kan Lêvi 16:15

Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Kôranh Oh Mon 14:16

Tâm rnôk kăl e, Păng ăn ma lĕ rngôch mpôl băl bunuyh hăn tĭng trong khân păng nơm.

Kôranh Oh Mon 15:18

Nây jêng lĕ nau dơi gĭt ntơm bơh rbăn rnôk kăl e.’

Kôranh Oh Mon 17:30

Pôri, Brah Ndu hŏ sŏk lơi lĕ tâm rnôk rluk mâl nây, ƀiălah aƀaơ aơ, Păng ntrŭnh ma lĕ rngôch bunuyh gŭ ăp ntŭk tâm rmal nau tih khân păng.

Kôranh Oh Mon 2:23

Bu nhŭp jao Păng tĭng nau dăp ƀư hŏ dăp nal jêh ri tĭng nau Brah Ndu gĭt lor, khân may hŏ manh ti phung djơh mhĭk pâng Păng klơ si tâm rkăng jêh ri nkhĭt Păng.

Kôranh Oh Mon 3:18

Ƀiălah Brah Ndu hŏ dŏng nau nây gay ƀư tâm di ngăn nau Păng mbơh lor tă bâr mbung phung nơm mbơh lor ma Brah Krist Păng dơn nau nđêh nji.

Kôranh Oh Mon 4:28

gay ƀư ma lĕ rngôch nau kan ti May jêh ri nau mĭn May hŏ nal jêh bơh lor.

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Samƀŭt Pôl Njuăl Ăn Ma Phung Nsing Ta Ƀon Rôm 3:26

Tâm rnôk nây, Păng tâm mpơl ma Păng yơh jêng nau sŏng srăng păng jêh ri kơp sŏng srăng ma mbu nơm geh nuih n'hâm chroh ma Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 5:18

Pônây, tă bơh nau tih knŏng du huê bunuyh ƀư ma lĕ rngôch bunuyh geh nau tâm rmal, tâm ban lĕ, yor nau kan sŏng srăng tă bơh du huê bunuyh ri mơ lĕ rngôch bunuyh dơi kơp sŏng srăng jêh ri dơi dơn nau rêh.

Samƀŭt Pôl Njuăl Ăn Ma Phung Nsing Ta Ƀon Rôm 5:9

Pôri aƀaơ he hŏ rnơm mham Păng gay dơi kơp sŏng srăng jêh, nanê̆ he mra rnơm Păng rlau lơn gay geh nau tâm rklaih bơh nau Brah Ndu nuih.

I Kôrintô 5:7

Ƀư kloh lơi hom ndrui ơm, gay ma khân may dơi plơ̆ jêng mbŭch rnih mhe mâu geh ndrui ôh, tâm ban ma khân may n'hêl nanê̆ ngăn jêng piăng let mâu geh ndrui. Yorlah Brah Krist, Kon Biăp rƀŭn Nau Găn he, hŏ nhhơr jêng mpa ƀư brah jêh.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 2:13

Ƀiălah tâm Brah Yêsu Krist, khân may jêng phung kăl e ri gŭ ngai, aƀaơ aơ khân may gŭ dăch jêh yor mham Brah Krist.

I Timôthê 1:15

Aơ jêng nau ngơi ngăn jêh ri dơi khư sŏk dơn: Brah Yêsu Krist văch jêh tâm neh ntu gay tâm rklaih phung tih; tâm phung tih nây, gâp jêng bunuyh tih lơn

ហេឞ្រើ 10:4

Yorlah mham ndrôk nkuăng jêh ri be nkuăng mâu dơi sŏk lơi nau tih.

ហេឞ្រើ 11:14

Yorlah phung bunuyh lah pônây, tâm mpơl ma khân păng dôl hăn joi du ƀon tơm.

ហេឞ្រើ 11:17

Yor ma nau chroh Y-Abraham nhhơr Y-Isăk dôl geh nau rlong uănh. Păng rơm ndrăp nhhơr kon dul hŏ dơn jêh tĭng nau ton,

ហេឞ្រើ 11:7

Yor ma nau chroh, Brah Ndu mbơh lor ma Y-Nôê ma lĕ ndơ ê hŏ saơ ôh, jêh ri păng klach yơk ma nau nanê̆ ngăn, ndâk du mlâm kumpăn gay ma tâm rklaih rnăk vâl păng nơm. Bơh nau nây, păng dơi rmal neh ntu jêh ri jêng nơm dơn nau sŏng srăng tât bơh nau chroh.

ហេឞ្រើ 9:28

Tâm ban lĕ, Brah Krist nhhơr jêh Păng nơm knŏng du tơ̆, gay lâm lơi nau tih âk bunuyh; Păng mra tâm mpơl tal bar, mâu di gay sŏk lơi nau tih đŏng ôh, ƀiălah gay ăn nau tâm rklaih ma phung gŭ kâp Păng.

ហេឞ្រើ 9:5

Ta klơ Hip Nau Tâm Rnglăp geh phung chêrubim chrêk rmah nkŭm ma ndrŭp nau yô̆. Ƀiălah aƀaơ mâu hôm dơi nkoch bri ăp ntil lĕ ndơ nây.

I Yôhan 1:10

Ƀiălah tơlah he lah he nơm mâu mâp ƀư tih, pô ri he ngơi mƀruh, jêh ri nau Păng ngơi mâu gŭ tâm he ôh.

I Yôhan 2:2

Păng nơm jêng ndơ ƀư brah chuai nau tih ma he, mâu knŏng ma nau tih he ôh, ƀiălah nđâp ma nau tih ma lĕ neh ntu đŏng.

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 20:15

Mbu nơm mâu geh amoh bu nchih jêh tâm ndrom samƀŭt nau rêh, bu mra klŭp păng tâm nglao ŭnh.

Nau Tâm Mpơl 5:9

Khân păng mprơ du nau mprơ mhe pô aơ: “May khư sŏk ndrom samƀŭt Jêh ri pơk lĕ ndơ tâp pŏng, yorlah bu nkhĭt jêh May, May sŏk mham May nơm tâm chuai ma Brah Ndu Phung bunuyh bơh lĕ ndŭl mpôl, lĕ nau ngơi, lĕ rngôch mpôl băl, lĕ bri dak,