Samƀŭt Pôl Njuăl Ăn Ma Phung Nsing Ta Ƀon Rôm 3:21 - Nau Brah Ndu Ngơi 2023

²¹ Ƀiălah aƀaơ, nau sŏng srăng Brah Ndu tâm mpơl jêh padih nau vay. Nau vay jêh ri phung nơm mbơh lor mbơh nkoch ma nau nây.

Bunong Bible Latin Script Cambodian dialect

²¹ Yơn ma aƀaơ dja Kôranh Brah lĕ nhhơ jêh, a mơm bunuyh jan gay ma Păng kơp sŏng, yorlah nau Păng kơp sŏng mâu ôh tă bơh jan tâng nau vay i nây. Jêh ri a mơm jan gay ma Kôranh Brah kơp sŏng lĕ geh nchih ta nau vay, nđâp ma lĕ geh nchih ta samƀŭt mpôl bunuyh ntơyh nau ngơi Kôranh Brah.

Bunong

²¹ យើន​មា​អាបៃ​អ្យា​កោរាញ​ឞ្រាស​លែៈ​ញហើ​ជេស អា​មើម​ឞូនុយ្ស​ជាន​គៃ​មា​ពាង់​កើប​ឆ៝ង់ យ៝រ​លាស​នាវ​ពាង់​កើប​ឆ៝ង់​មោ​អោស​តាៈ​ឞើស​ជាន​តឹង​នាវ​វៃ​អី​នៃ។ ជេសរី​អា​មើម​ជាន​គៃ​មា​កោរាញ​ឞ្រាស​កើប​ឆ៝ង់​លែៈ​គែស​ញចីស​តា​នាវ​វៃ នអ៝ប់​មា​លែៈ​គែស​ញចីស​តា​ឆ៝ម់បុត​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស។

Samƀŭt Pôl Njuăl Ăn Ma Phung Nsing Ta Ƀon Rôm 3:21 Iomraidhean Croise

Nau Ntơm 15:6

Y-Abram chroh ma Brah Yêhôva, rĭ dĭng Kôranh Brah kơp păng jêng bunuyh sŏng srăng.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 51:8

Yorlah nchiăr mra sa khân păng tâm ban ma sa bok ao, Rhai mra sa khân păng tâm ban ma sa rsau biăp. Ƀiălah nau sŏng Gâp mra gŭ mro mrăng, Nau Gâp tâm rklaih mra hôm e ntơm bơh rnôk aơ tât rnôk ri.”

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Luka 24:44

Brah Yêsu lah: “Aơ jêng lĕ nau Gâp hŏ ntăm jêh ma khân may, dôl Gâp hôm gŭ ndrel ma khân may: Lĕ nau bu nchih ma Gâp tâm Nau Vay Y-Môis, tâm lĕ ndrom samƀŭt Mbơh Lor, jêh ri tâm ndrom samƀŭt Nau Mprơ Ơm dơi tât di ngăn.”

Yôhan 1:45

Y-Philip joi Y-Nathanel jêh ri lah: “Hên hŏ mâp jêh Nơm Y-Môis hŏ nchih jêh tâm nau vay, jêh ri lĕ phung nơm mbơh lor geh đŏng nchih tay; nây yơh jêng Brah Yêsu, kon Y-Yôsep, gŭ ta ƀon Nasaret.”

Kôranh Oh Mon 10:43

Lĕ rngôch phung kôranh nơm mbơh lor mbơh nkoch jêh ma mbu nơm chroh ma Păng geh nau yô̆ an ma nau tih ma amoh Păng.”

Kôranh Oh Mon 15:11

Ƀiălah, he chroh yor nau yô̆ Kôranh Brah jêng Brah Yêsu yơh, he geh nau tâm rklaih tâm ban ma khân păng lĕ.”

Kôranh Oh Mon 26:22

Ƀiălah Brah Ndu king n'gang gâp kŏ tât ta nar aơ, jêh ri pôri, gâp dâk ta aơ mbơh nkoch ma bunuyh jê̆ jêh ri bunuyh toyh, Gâp mâu ngơi moh nau êng rlau lơn jêng nau kôranh nơm mbơh lor jêh ri Y-Môis mbơh lor hŏ geh tât jêh:

Kôranh Oh Mon 28:23

Jêh tâm nal nar tâm mâp đah păng, khân păng hăn khâl păng ta ngih păng gŭ njưh âk ngăn bunuyh. Ntơm bơh ôi tât mhaơ, Y-Pôl ăt mbơh nkoch jêh ri rblang ƀon bri hađăch Brah Ndu ma khân păng, dŏng nau vay Y-Môis jêh ri lĕ nau mbơh lor srôih nsŭk nsôr khân păng tâm Brah Yêsu.

Samƀŭt Pôl Njuăl Ăn Ma Phung Nsing Ta Ƀon Rôm 1:17

Yorlah tâm Nau Mhe Mhan Ueh aơ, tâm mpơl jêh nau sŏng srăng Brah Ndu geh bơh nau chroh njŭn leo nau chroh, tâm ban geh nau nchih: “Bunuyh sŏng srăng mra rêh yor nau chroh.”

Samƀŭt Pôl Njuăl Ăn Ma Phung Nsing Ta Ƀon Rôm 1:2

jêng Nau Mhe Mhan Ueh Brah Ndu ton jêh bơh lor rgăn phung mbơh lor Păng tâm Nau Brah Ndu Ngơi.

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Samƀŭt Pôl Njuăl Ăn Ma Phung Nsing Ta Ƀon Rôm 3:28

Yor he chroh ma du huê bunuyh dơi kơp sŏng srăng ma nau chroh mâu di ma kan tĭng nau vay ôh.

Samƀŭt Pôl Njuăl Ăn Ma Phung Nsing Ta Ƀon Rôm 5:19

Yorlah, tă bơh du huê nau mâu tông bâr ƀư ăn ma âk bunuyh plơ̆ jêng bunuyh tih, tâm ban lĕ, yor du huê Bunuyh tông bâr ƀư ăn ma âk bunuyh mra plơ̆ jêng sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 9:30

Pôri mâm nau he mra lah? Phung bu năch mâu mâp joi ôh nau sŏng srăng, ƀiălah khân păng geh jêh nau sŏng srăng; nây jêng nau sŏng srăng tă bơh nau chroh;

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 3:9

Yorlah tơlah nau pah kan djôt leo tât nau tâm rmal, ƀiălah hôm geh nau chrêk rmah, pôri nau pah kan djôt leo tât nau sŏng srăng lơ hô geh nau chrêk rmah rlau lơn!

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Galati 3:8

Nau Brah Ndu Ngơi hŏ saơ lor pô aơ Brah Ndu mra kơp phung bu năch jêng sŏng srăng yor ma nau chroh, pôri hŏ nkoch mbơh lor jêh ma Y-Abraham Nau Mhe Mhan Ueh aơ: “Lĕ rngôch mpôl băl bunuyh mra geh nau ueh uĭn tă bơh may.”

Galati 5:5

Ƀiălah tă bơh nau chroh jêh ri tă bơh tâm Brah Huêng Ueh, hên gŭ kâp nau kâp gân ma nau kơp sŏng srăng.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,

I Pêtrôs 1:10

Ma nau tâm rklaih nĕ, phung nơm mbơh lor tĭng joi, sek uănh, jêh ri mbơh lor jêh ma nau yô̆ prăp ndrăp jêh ma khân may.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.