Samƀŭt Pôl Njuăl Ăn Ma Phung Nsing Ta Ƀon Rôm 3:19 - Nau Brah Ndu Ngơi 2023

¹⁹ He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Bunong Bible Latin Script Cambodian dialect

¹⁹ Bân lĕ gĭt dâng lĕ nau vay Môsê i lĕ geh nchih, đă ăn ma phung Israel i lĕ gŭ ta nâm nau vay i nây dơm. Lah ndri dâng lĕ bunuyh iăt ma gŭ rklăk mâu hôm geh nau ma nsih, dâng lĕ bunuyh lam neh ntu geh dôih ta năp măt Kôranh Brah dadê.

Bunong

¹⁹ ឞ៝ន់​លែៈ​គឹត​ទឹង​លែៈ​នាវ​វៃ​មោឆេ  ​អី​លែៈ​គែស​ញចីស ដាៈ​អ៝ន់​មា​ផូង​អីឆ្រាអែល  ​អី​លែៈ​គុ​តា​ន៝ម់​នាវ​វៃ​អី​នៃ​ទើម។ លាស​នទ្រី​ទឹង​លែៈ​ឞូនុយ្ស​អ្យាត់​មា​គុ​រាក្លាក់​មោ​ហោម​គែស​នាវ​មា​ញឆីស ទឹង​លែៈ​ឞូនុយ្ស​លាម​នែស​នតូ​គែស​ទោយ្ស​តា​នាប់​មាត់​កោរាញ​ឞ្រាស​ទាទេ។

Samƀŭt Pôl Njuăl Ăn Ma Phung Nsing Ta Ƀon Rôm 3:19 Iomraidhean Croise

Ndrom Samƀŭt bơh Yôp 5:16

Pôri phung o ach geh nau kâp gân, Bi ma phung djơh mhĭk mra mêm mbung.

Nau Mprơ Ơm 107:42

Phung sŏng mra saơ nau nây jêh ri răm maak; Bi phung djơh mhĭk mra mêm mbung da dê.

Nau Mprơ Ơm 63:11

Ƀiălah hađăch mra hâk răm tâm Brah Ndu; Lĕ rngôch phung tâm amoh May ma nau ton săk mra geh nau yơk da dê. Bi ma mbung phung mƀruh mra mêm lơi.

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Yôhan 15:25

Pôri yơh, nau bu nchih jêh tâm nau vay khân păng dơi tât di ngăn: ‘Khân păng tâm rmot ma Gâp mâu geh nau.’

Yôhan 8:9

Lah khân păng tăng nau nây, khân păng du rhôch rhôch, phung bu ranh hăn lor. Brah Yêsu gŭ êng n'hanh ma bu ur hôm gŭ ta nây.

Samƀŭt Pôl Njuăl Ăn Ma Phung Nsing Ta Ƀon Rôm 1:20

Lĕ nau Brah Ndu măt kon bunuyh mâu dơi saơ, nâm bu ntĭt nau brah n'ho ro jêh ri nau brah Păng nơm, ntơm bơh rhăk njêng neh ntu, bu hŏ dơn gĭt jêh rah vah tơlah ntreng uănh lĕ ndơ Păng njêng; yor nây khân păng mâu dơi koh dŏng khân păng nơm ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:2

Nau khlay tâm lĕ rngôch ntil. Lor lơn, nau ngơi Brah Ndu ăn ma phung Yuđa

Samƀŭt Pôl Njuăl Ăn Ma Phung Nsing Ta Ƀon Rôm 3:23

yorlah lĕ rngôch bunuyh ƀư tih da dê jêh, kƀah nau chrêk rmah Brah Ndu;

Samƀŭt Pôl Njuăl Ăn Ma Phung Nsing Ta Ƀon Rôm 3:4

Mâu mâp tâm ban pônây ôh! Brah Ndu jêng nanê̆ ngăn, nđâp tơlah lĕ rngôch bunuyh mƀruh da dê, nâm bu nchih jêh: “Gay ma Kôranh Brah uănh dơn may sŏng srăng tâm nau Păng ngơi, Jêh ri geh nau dơi tơlah bu phat dôih may.”

Samƀŭt Pôl Njuăl Ăn Ma Phung Nsing Ta Ƀon Rôm 3:9

Mâm ƀư? He jêng moh nau ueh lơn lĕ? Lĕ rngôch mâu ôh; yorlah he gĭt nanê̆ jêh ma lĕ rngôch phung Yuđa jêh ri phung Grek gŭ tâm dâng nau dơi ktang nau tih da dê,

I Kôrintô 1:29

gay lơi ăn du huê bunuyh sưr tanăp măt Brah Ndu nơm.

Galati 3:10

Bi lĕ rngôch bunuyh rnơm ma kan nau vay mra geh nau rtăp rak; yorlah geh nau nchih: “Khư ma rak rtăp ngăn ma mbu nơm mâu nâp djôt prăp lĕ ntil hŏ nchih tâm ndrom samƀŭt nau vay!”

Galati 4:21

Lah hom ăn ma gâp gĭt: Jêng phung bunuyh ŭch gŭ tâm dâng nau vay, khân may mâu mâp tăng moh nau vay ngơi nau hĕ?

Galati 4:5

gay ma tâm chuai lĕ phung gŭ tâm dâng nau vay, jêh ri tă bơh nĕ he dơi dơn jêng kon rong Păng.

Galati 5:18

Ƀiălah tơlah Brah Huêng Ueh njŭn leo khân may, khân may mâu gŭ tâm dâng nau vay ôh.

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.