Samƀŭt Pôl Njuăl Ăn Ma Phung Nsing Ta Ƀon Rôm 2:9 - Nau Brah Ndu Ngơi 2023

⁹ Nau rêh ni jêh ri nau rngot klâng mra nkhŭt jŭr ma lĕ rngôch bunuyh ƀư mhĭk, lor lơn ma phung Yuđa, pakơi ma phung Grek.

Bunong Bible Latin Script Cambodian dialect

⁹ Kôranh Brah ăn nau rêh rnhăl, nau nklŏn rvê ma dâng lĕ bunuyh jan djơh, Păng ăn ma phung Israel lor bu, jêh ri nđâp ma phung i mâu di phung Israel đŏng.

Bunong

⁹ កោរាញ​ឞ្រាស​អ៝ន់​នាវ​រេស​រាញាល់ នាវ​ងក្ល៝ន់​រាវៃ​មា​ទឹង​លែៈ​ឞូនុយ្ស​ជាន​អ្យើស ពាង់​អ៝ន់​មា​ផូង​អីឆ្រាអែល  ​ល៝រ​ឞូ ជេសរី​នអ៝ប់​មា​ផូង​អី​មោ​ទី​ផូង​អីឆ្រាអែល  ​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 2:9 Iomraidhean Croise

II Nau Rêh Jêng 6:23

rnôk nây dăn ma May klơ trôk rkêng tôr iăt jêh ri ƀư an. Dăn phat dôih ma phung oh mon May: mplơ̆ plơng ma bunuyh mhĭk tĭng nâm trong păng jêh ri ƀư ma nau tih păng nkhŭt tay klơ bôk păng nơm, kơp nau sŏng srăng ma bunuyh nơm sŏng srăng jêh ri nkhôm ma păng tĭng nâm nau sŏng srăng păng.

Nau Mprơ Ơm 32:10

Phung mhĭk geh âk nau rngot Ƀiălah mbu nơm rnơm nsing ma Brah Yêhôva Mra geh nau ueh nkŭm bunuyh nây.

Nau Hôr 11:23

Nau ji hir ma phung sŏng srăng mra dơi geh nau ueh, Bi nau kâp gân phung ƀai knŏng jêng nau ji nuih.

Êsêkiêl 18:4

Aơ, lĕ rngôch huêng jêng ndơ Gâp; huêng mbơ̆ tâm ban ma huêng kon jêng ndơ Gâp da dê; moh huêng ƀư tih mra khĭt.

Êsêkiêl 22:31

Yor ri Gâp nkhŭt jêh nau ji nuih ta klơ khân păng, jêh ri Gâp sŏk ŭnh ji nuih su khân păng. Gâp hŏ ƀư jêh trong khân păng nkhŭt ta klơ bôk khân păng, Kôranh Brah Yêhôva lah pônây.’”

Amôt 3:2

Gâp knŏng gĭt khân may dơm Tâm lĕ rngôch phung băl mpôl bunuyh ta neh ntu; Yor nây, Gâp mra tâm rmal khân may Yor lĕ nau kue khân may.

Mathay 16:26

Moh nau khlay tơlah du huê bunuyh geh lĕ neh ntu ƀiălah roh huêng păng nơm? Moh ndơ bunuyh nây mra sŏk gay rgâl huêng păng nơm?

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Kôranh Oh Mon 11:18

Nôk khân păng tăng lĕ nau ngơi nây, mâu nduyh đŏng. Khân păng tâm rnê Brah Ndu pô aơ: “Pôri, Brah Ndu hŏ ăn tâm ban đŏng nau rmal nau tih ma phung bu năch gay ma khân păng dơi geh nau rêh!”

Kôranh Oh Mon 13:26

Hơi phung oh nâu jêng phung kon sau Y-Abraham, jêh ri phung bunuyh klach yơk ma Brah Ndu, nau mbơh ma nau tâm rklaih aơ njuăl ma he yơh.

Kôranh Oh Mon 20:21

gâp mbơh ăn ma phung Yuđa jêh ri phung Grek ma nau rmal nau tih tanăp Brah Ndu jêh ri nau chroh tâm Yêsu Krist, Kôranh Brah he.

Kôranh Oh Mon 26:20

ƀiălah lor lơn, gâp mbơh nkoch ma phung bunuyh ta ƀon Đamas, jêh ta nây ta ƀon Yêrusalem jêh ri lĕ n'gor Yuđa, jêh nây tât ma phung bu năch, ăn khân păng rmal nau tih jêh ri plơ̆ sĭt ma Brah Ndu, pah kan tâm di đah nau tâm rmal ma nau tih.

Kôranh Oh Mon 28:17

Pe nar Pakơi, Y-Pôl jă phung kôranh chiă uănh phung Yuđa văch; nôk khân păng rgum tay, Y-Pôl ngơi: “Hơi phung oh nâu, nđâp tơlah gâp mâu mâp ƀư moh nau tâm rdâng đah phung ƀon lan mâu lah đah nau vay phung chô yau he, bu hŏ nhŭp gâp ta ƀon Yêrusalem jêh ri jao gâp tâm ti phung Rôm.

Kôranh Oh Mon 28:28

Pôri, ăn khân may gĭt nau Brah Ndu tâm rklaih hŏ mbơh nkoch jêh ma phung bu năch jêh ri khân păng mra gŭ iăt.”

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 1:16

Nanê̆, gâp mâu bêk prêng ôh ma Nau Mhe Mhan Ueh, yorlah aơ jêng nau brah Brah Ndu gay ma rklaih lĕ rngôch bunuyh chroh, lor lơn jêng phung Yuđa, pakơi jêng phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 10:12

Mâu geh kơp rnglah êng ta nklang phung Yuđa jêh ri phung Grek, yorlah nsum ndrel nguay Kôranh Brah jêng Kôranh Brah ma lĕ rngôch bunuyh, Nơm ăn nau yô̆ âk rmeh ma lĕ rngôch bunuyh kuăl Păng.

Samƀŭt Pôl Njuăl Ăn Ma Phung Nsing Ta Ƀon Rôm 2:10

Ƀiălah nau chrêk rmah, nau yơk jêh ri nau đăp mpăn mra tât ma lĕ rngôch bunuyh ƀư ueh, lor lơn ma phung Yuđa, pakơi ma phung Grek.

Samƀŭt Pôl Njuăl Ăn Ma Phung Nsing Ta Ƀon Rôm 8:35

Mbu mra nkhah he bơh nau Brah Yêsu Krist rŏng? Di lĕ nau rêh ni toyh, nau rngot klâng, nau ƀư mhĭk, nau ji ngot ji hir, gŭ săk hưl, nau jêr, mâu lah tak đao ƀơh?

Samƀŭt Pôl Njuăl Ăn Ma Phung Nsing Ta Ƀon Rôm 9:24

tâm nây geh he, jêng phung Păng kuăl jêh, mâu di knŏng bơh phung Yuđa dơm ôh, ƀiălah nđâp ma phung bu năch, mhâm hơh?

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Kôlôh 3:11

Ta aơ mâu hôm tâm nkhah phung Grek, mâu lah phung Yuđa, bunuyh dơn koh ntâu mâu lah mâu dơn koh ntâu, bunuyh bri, mâu lah phung Syth, bunuyh dĭk bu mâu lah kon me; ƀiălah Brah Krist jêng lĕ rngôch jêh ri tâm lĕ rngôch.

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;

I Pêtrôs 4:17

Yorlah tâm rnôk phat dôih hŏ tât jêh, ntơm bơh ngih Brah Ndu; tơlah păng ntơm bơh phung he, moh mra jêng nau dăch dŭt ma phung mâu tông Nau Mhe Mhan Ueh Brah Ndu?