Samƀŭt Pôl Njuăl Ăn Ma Phung Nsing Ta Ƀon Rôm 2:5 - Nau Brah Ndu Ngơi 2023

⁵ Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Bunong Bible Latin Script Cambodian dialect

⁵ Ach ma nuih n'hâm khân ay may hôm dăng ko, mâu ŭch ôh rgâl nuih n'hâm djơh, khân ay may prăp nau tih lơ ma ŏk i Kôranh Brah tê̆ dôih tât ta nar Kôranh Brah phat dôih dâng lĕ bunuyh ma nau sŏng.

Bunong

⁵ អាច​មា​នូយ្ស​នហ៝ម់​ខាន់​អៃ​មៃ​ហោម​ទាង់​ក៝ មោ​អុច​អោស​រាគ៝ល់​នូយ្ស​នហ៝ម់​អ្យើស ខាន់​អៃ​មៃ​ព្រាប់​នាវ​តីស​លើ​មា​អ៝ក់​អី​កោរាញ​ឞ្រាស​តេៈ​ទោយ្ស​ត៝ត់​តា​នារ​កោរាញ​ឞ្រាស​ផាត​ទោយ្ស​ទឹង​លែៈ​ឞូនុយ្ស​មា​នាវ​ឆ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 2:5 Iomraidhean Croise

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 36:13

Păng tâm rdâng đŏng đah hađăch Nêbukatnetsar, jêng nơm hŏ nchâp păng sơm ton ma amoh Brah Ndu. Păng plơ̆ jêng dăng bôk jêh ri kranh nuih n'hâm, mâu ŭch plơ̆ sĭt ma Yêhôva Brah Ndu Israel.

Ndrom Samƀŭt bơh Yôp 21:30

‘Tâm nar rêh ni phung ƀai dơi klaih bơh nau mhĭk tât, Jêh ri tâm nar geh nau ji nuih mâm păng dơi klaih săk jăn’?

Nau Mprơ Ơm 110:5

Kôranh Brah gŭ pa ma Brah Ndu Mra jot hăch phung hađăch ta nar Păng ji nuih.

Nau Mprơ Ơm 95:8

Lơi ƀư dăng ôh nuih n'hâm khân may nâm bu ta Mêriba, Nâm bu ta nar Masa tâm bri rdah.

Nau Ngluh Êjipt 14:17

Gâp mra ƀư dăng nuih n'hâm phung Êjipt gay ma khân păng tĭng phung Israel trŭnh tâm dak mƀŭt; Gâp mra geh nau tâm rnê yor Pharaôn, yor lĕ rngôch phung tahan, ndeh seh, jêh ri lĕ rngôch phung tahan ncho seh păng.

Nau Ngluh Êjipt 32:34

Ƀiălah aƀaơ, hăn hom, njŭn leo phung ƀon lan ta ntŭk Gâp hŏ ntĭm ma may. Aơ, tông mpăr Gâp mra hăn lor ma may. Ƀiălah, ta nar nau rmal, Gâp mra tâm rmal nau tih khân păng.”

Nau Ngluh Êjipt 8:15

Ƀiălah dôl Pharaôn saơ păng nơm klaih jêh, nuih n'hâm păng plơ̆ dăng tay, mâu hôm ŭch tông ôh nau Y-Môis jêh ri Y-Arôn, di nâm nau Brah Yêhôva hŏ lah jêh.

Nau Hôr 1:18

Ƀiălah khân păng kâp dâp gay ƀư pling mham păng nơm, Rmoch ƀư rai nau rêh păng nơm.

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 28:14

Bunuyh klach yơk ma Kôranh Brah dơi geh nau ueh uĭn ƀaƀơ; Bi ma nơm dăng nuih n'hâm mra tŭp tâm nau rêh ni.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Nơm Nti 12:14

Yorlah Brah Ndu mra djôt leo phat dôih lĕ rngôch kan, Ndrel ma lĕ rngôch nau ndâp, nđâp lah ueh mâu lah mhĭk.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Yêrêmi 40:3

jêh ri Brah Yêhôva hŏ ƀư jêh tĭng nau păng hŏ lah. Yorlah khân may ƀư tih tâm rdâng đah Brah Yêhôva jêh ri mâu tông bâr Păng ôh yor ri nau aơ hŏ geh tât jêh ăn ma khân may.

Êsêkiêl 11:19

Gâp mra ăn ma khân păng nuih n'hâm mhe, dơm tâm khân păng nau mĭn mhe, sŏk lơi nuih n'hâm ma lŭ luh bơh nglay săk khân păng jêh ri ăn ma khân păng nuih n'hâm ma puăch

Êsêkiêl 3:7

Ƀiălah ngih Israel mâu mra iăt nau may ôh yorlah khân păng mâu ŭch iăt Gâp. Yorlah lĕ rngôch ngih Israel dăng bôk dăng nuih n'hâm da dê.

Daniel 5:20

Ƀiălah tơlah nuih n'hâm jêng sưr, nuih n'hâm dăng ktang, pôri păng ƀư ma nau brơl; yor nây bu n'glưh jêh păng bơh sưng hađăch jêh ri sŏk lơi nau chrêk rmah.

Ndrom Samƀŭt bơh Ôsê 13:12

Nau djơh mhĭk Êphraim lĕ kât lơi jêh, Nau tih păng lĕ djôt prăp.

Amôt 3:10

Brah Yêhôva lah: “Khân păng mâu gĭt ƀư nau sŏng ôh; Khân păng bun bêng drăp ndơ mhĭk ƀai jêh ri ƀư nau ntŭng tâm lĕ pôih toyh khân păng.”

Samƀŭt Pôl Njuăl Ăn Ma Phung Nsing Ta Ƀon Rôm 1:18

Nau Brah Ndu ji nuih mpơl jêh tă bơh klơ trôk gay ma tâm rdâng đah lĕ ntil mâu ƀư tĭng nau vay jêh ri ma phung djơh mhĭk dŏng nau djơh mhĭk tŭn jot nau ngăn.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

Samƀŭt Pôl Njuăl Ăn Ma Phung Nsing Ta Ƀon Rôm 9:22

Tơlah Brah Ndu ŭch tâm mpơl nau ji nuih jêh ri mbơh nau brah Păng, Păng hŏ srôih ŭn nuih tâm lĕ yăng khư geh nau ji nuih prăp ma nau roh rai, mhâm hơh?

II Kôrintô 5:10

Yorlah lĕ rngôch he mra tâm mpơl tanăp ntŭk ngih phat dôih Brah Krist, gay ăp nơm sŏk dơn tĭng nâm nau ueh mâu lah nau mhĭk păng nơm ƀư jêh dôl hôm gŭ tâm săk jăn.

Nau Vay Nkah Tay 2:30

Ƀiălah Y-Sihôn hađăch ƀon Hêsbôn, mâu ŭch ăn ôh hên rgăn nkual neh hađăch nây. Yorlah Yêhôva Brah Ndu khân may ƀư nau mĭn hađăch brơl, nuih n'hâm dăng ko, gay jao hađăch nĕ tâm ti khân may nâm bu nar aơ khân may hŏ saơ jêh.

Nau Vay Nkah Tay 32:34

Nau kan pônây mâm Gâp dơi chuêl? Gâp lĕ ntĭl jêh păng tâm ntŭk prăp drăp khlay Gâp.

II Têsalônik 1:5

Aơ jêng nau mbơh ma nau Brah Ndu phat dôih sŏng, gay ma khân may plơ̆ jêng nau khư ma ƀon bri hađăch Brah Ndu, jêh ri yor nây khân may dơn nau rêh ni.

ហេឞ្រើ 3:13

Ƀiălah ăn khân may nti nkah hom ndrăng khân may tâm ăp nar, bu dơi lah jêng “nar aơ,” gay mâu geh du huê tâm phung khân may yor nau tih ndơm jêh ri dăng nuih n'hâm.

ហេឞ្រើ 3:15

tâm ban geh nchih pô aơ: “Nar aơ tơlah khân may tăng bâr Păng, Lơi ăn dăng nuih n'hâm khân may ôh, nâm bu nôk tâm rdâng.”

ហេឞ្រើ 4:7

Rlau lơn ma nĕ, jêh nau nây jŏ ngăn, tâm du Nau Mprơ Ơm Y-Đavit, Kôranh Brah tâm nal đŏng du nar kuăl jêng “nar aơ,” nâm bu nau nchih lor jêh: “Nar aơ tơlah khân may tăng bâr Păng, Lơi ƀư dăng nuih n'hâm ôh.”

Yakơ 5:3

Prăk mah khân may lĕ ek găm, nau ek găm nây mra jêng nau mbơh tâm rdâng đah khân may jêh ri păng mra sa nglay săk khân may nâm bu ŭnh sa. Khân may rvê bun prăp ma lĕ nar nglĕ dŭt!

Yôsuê 11:20

Yorlah Brah Yêhôva ƀư ma phung hađăch nây dăng nuih n'hâm tâm rdâng đah phung Israel, gay ma khân păng mra rai lĕ, mâu dơi geh nau yô̆ nđach ôh, di nâm Brah Yêhôva ntăm jêh ma Y-Môis.

II Pêtrôs 2:9

pôri Kôranh Brah gĭt năl mâm ƀư gay tâm rklaih phung bunuyh blau yơk bơh nau rlong uănh, jêh ri prăp phung kue tâm nau rmal ma tât nar phat dôih,

II Pêtrôs 3:7

Ƀiălah tă bơh nau ngơi nây đŏng trôk neh aƀaơ aơ prăp ma ŭnh, jêh ri prăp tay ma tât nar phat dôih jêh ri ƀư rai lôch phung mâu ƀư tĭng nau vay.

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”

I Samuel 6:6

Mâm ƀư khân may dăng nuih n'hâm nâm bu phung Êjipt jêh ri Pharaôn hŏ dăng nuih n'hâm? Lah jêh Brah Yêhôva ƀư rêh ni ma khân păng, mâu di hĕ khân păng hŏ ăn jêh ma phung Israel hăn du luh?