Samƀŭt Pôl Njuăl Ăn Ma Phung Nsing Ta Ƀon Rôm 2:4 - Nau Brah Ndu Ngơi 2023

⁴ Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Bunong Bible Latin Script Cambodian dialect

⁴ Khân ay may mưch nau Kôranh Brah jan ndơ dŭt ueh ma khân ay may bơh? Khân ay may mưch nau Păng ăt nuih, nau Păng jŏ nuih ma khân ay may bơh? Ăn khân ay may gĭt vât nau Kôranh Brah ŭch jan ndơ ueh ma khân ay may, ŭch leo khân ay may rgâl nuih n'hâm djơh.

Bunong

⁴ ខាន់​អៃ​មៃ​មឺច​នាវ​កោរាញ​ឞ្រាស​ជាន​នទើ​ទុត​អ្វែស​មា​ខាន់​អៃ​មៃ​ឞើស? ខាន់​អៃ​មៃ​មឺច​នាវ​ពាង់​អ៝ត់​នូយ្ស នាវ​ពាង់​ជ៝ៈ​នូយ្ស​មា​ខាន់​អៃ​មៃ​ឞើស? អ៝ន់​ខាន់​អៃ​មៃ​គឹត​វ៝ត់​នាវ​កោរាញ​ឞ្រាស​អុច​ជាន​នទើ​អ្វែស​មា​ខាន់​អៃ​មៃ អុច​លែវ​ខាន់​អៃ​មៃ​រាគ៝ល់​នូយ្ស​នហ៝ម់​អ្យើស។

Samƀŭt Pôl Njuăl Ăn Ma Phung Nsing Ta Ƀon Rôm 2:4 Iomraidhean Croise

Nau Mprơ Ơm 10:11

Păng mĭn tâm nuih n'hâm: “Brah Ndu chuêl jêh, Păng lĕ pôn măt jêh ri mâu mra saơ nau aơ ôh.”

Nau Mprơ Ơm 104:24

Ơ Brah Yêhôva, kan May âk ngăn ngên! May njêng jêh lĕ rngôch ma nau blau mĭn; Neh ntu bêng ma ndơ May njêng.

Nau Mprơ Ơm 31:19

Nau ueh May toyh ngăn! May prăp nau ueh ma bunuyh klach yơk ma May, Ăn ma phung gŭ krap tâm May, Tanăp lĕ rngôch bunuyh.

Nau Mprơ Ơm 78:38

Ƀiălah yor nau Păng yô̆ nđach, Păng yô̆ an nau tih mhĭk Jêh ri mâu ƀư rai khân păng ôh; Âk tơ̆ Păng nkân nau ji nuih, Mâu ăn nau ji nuih hao toyh ôh.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Nơm Nti 8:11

Yorlah nau phat dôih đah phung mhĭk mâu geh gơnh ro ôh rĭ dĭng nuih n'hâm kon bunuyh bêng ma nau djơh mhĭk.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Yêrêmi 7:10

Mâm khân may hăn lăp ngih aơ, jêng ntŭk bu ntơ ma amoh Gâp, dâk tanăp Gâp jêh ri lah: “Hên hŏ dơi rklaih jêh!” Khân may ƀư pônây gay ƀư tih tay đŏng lĕ ntil nau tâm rmot nây.

Êsêkiêl 11:19

Gâp mra ăn ma khân păng nuih n'hâm mhe, dơm tâm khân păng nau mĭn mhe, sŏk lơi nuih n'hâm ma lŭ luh bơh nglay săk khân păng jêh ri ăn ma khân păng nuih n'hâm ma puăch

Êsêkiêl 16:63

Ay mra kah gĭt ma nau bêk prêng, jêh ri yor nau bêk prêng ngăn ay mâu hôm dơi hă mbung ngơi du ntil nau đŏng ôh tơlah Gâp yô̆ an nau tih ay ƀư jêh,” Kôranh Brah Yêhôva lah pônây.

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Samƀŭt Pôl Njuăl Ăn Ma Phung Nsing Ta Ƀon Rôm 10:12

Mâu geh kơp rnglah êng ta nklang phung Yuđa jêh ri phung Grek, yorlah nsum ndrel nguay Kôranh Brah jêng Kôranh Brah ma lĕ rngôch bunuyh, Nơm ăn nau yô̆ âk rmeh ma lĕ rngôch bunuyh kuăl Păng.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Samƀŭt Pôl Njuăl Ăn Ma Phung Nsing Ta Ƀon Rôm 11:33

Ơ! Nau ndrŏng, blau mĭn jêh ri nau gĭt rbăng Brah Ndu khlay ndâp âk ngăn! Nau Păng phat dôih, mbu nơm mâu dơi gĭt, trong Păng mbu nơm mâu dơi gĭt rbăng!

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

Samƀŭt Pôl Njuăl Ăn Ma Phung Nsing Ta Ƀon Rôm 6:1

Pôri mâm he mra lah? He ăt hôm gŭ rêh tâm nau tih gay geh nau yô̆ âk rmeh lĕ?

Samƀŭt Pôl Njuăl Ăn Ma Phung Nsing Ta Ƀon Rôm 6:15

Pôri mâm ƀư? Di lĕ yorlah he mâu gŭ tâm dâng nau vay, ƀiălah gŭ tâm dâng nau yô̆, rĭ dĭng he mra hôm ƀư tih? Mâu mâp tâm ban pô nây!

II Kôrintô 8:2

Khân păng hŏ găn âk nau rêh ni, ƀiălah bêng nau răm maak. Tâm nau pưt kƀah o ach pôri nuih n'hâm khân păng lŏng ngăn lơ hô âk rmeh.

Êphêsô 1:18

Gâp dăn đŏng Păng sol ang măt nuih n'hâm khân may, gay ma khân may gĭt năl moh nau kâp gân tâm Kôranh Brah kuăl jêh khân may văch, mâm nau ndrŏng tâm drăp ndơn chrêk rmah Păng tâm phung kloh ueh,

Êphêsô 1:7

Yorlah tâm Brah Krist, he geh nau tâm chuai tă bơh mham Păng, geh nau yô̆ an nau tih tĭng nâm nau rmeh ler tâm nau yô̆ Păng,

Êphêsô 2:4

Ƀiălah Brah Ndu, jêng Nơm ndrŏng nuih n'hâm yô̆ nđach, yor Păng rŏng he ma nau rŏng dŭt prêh,

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:16

Gâp mbơh sơm dăn Păng, tĭng nau ndrŏng ma nau chrêk rmah Păng, ăn ma khân may ktang tă bơh Brah Huêng Ueh Păng, gay bunuyh tâm trôm khân may plơ̆ jêng ktang;

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Philip 4:19

Brah Ndu gâp mra ăn ma khân may ăp ntil ndơ khân may ŭch tĭng nâm nau Păng ndrŏng tâm nau chrêk rmah tâm Brah Yêsu Krist.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Pêtrôs 3:20

jêng phung kăl e mâu tông ôh Brah Ndu, nôk Păng srôih gŭ kâp tâm rnôk Y-Nôê, tâm lĕ mông nar ƀư kumpăn. Tâm kumpăn geh knŏng djê̆ bunuyh, lĕ rngôch jêng pham bunuyh, dơi klaih bơh dak.

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.

II Pêtrôs 3:15

Kah gĭt hom nau Kôranh Brah he srôih jêng yor ma nau tâm rklaih khân may. Nâm bu Y-Pôl, nâu he rŏng ngăn ngên, nchih jêh ma khân may tĭng nâm nau blau mĭn ăn jêh ma păng.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

Nau Tâm Mpơl 2:21

Gâp ăn jêh ma bu ur aơ mông nar gay rmal nau tih, ƀiălah păng mâu ŭch rmal nau tih văng tĭr păng ôh.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.