Samƀŭt Pôl Njuăl Ăn Ma Phung Nsing Ta Ƀon Rôm 2:3 - Nau Brah Ndu Ngơi 2023

³ Hơi bunuyh ri, nôk may phat dôih bunuyh êng ƀư lĕ nau pônây ƀiălah may ăt ƀư tâm ban, may mĭn may mra klaih bơh nau Brah Ndu phat dôih hĕ?

Bunong Bible Latin Script Cambodian dialect

³ Lŏng khân ay may, khân ay may phat nau tih bu, tih ma săk khân ay may nơm hôm jan tih kơt bu đŏng. Ah khân ay may nđôn lah săk khân ay may nơm klaih bơh nau Kôranh Brah tê̆ dôih bơh?

Bunong

³ ល៝ង់​ខាន់​អៃ​មៃ ខាន់​អៃ​មៃ​ផាត​នាវ​តីស​ឞូ តីស​មា​ឆាក់​ខាន់​អៃ​មៃ​នើម​ហោម​ជាន​តីស​កើត​ឞូ​ដ៝ង់។ អាស​ខាន់​អៃ​មៃ​នអោន​លាស​ឆាក់​ខាន់​អៃ​មៃ​នើម​ក្លាយ្ស​ឞើស​នាវ​កោរាញ​ឞ្រាស​តេៈ​ទោយ្ស​ឞើស?

Samƀŭt Pôl Njuăl Ăn Ma Phung Nsing Ta Ƀon Rôm 2:3 Iomraidhean Croise

II Samuel 10:3

Ƀiălah phung kôranh chiă uănh ma phung Ammôn mbơh ma Y-Hanun, kôranh khân păng: “Hađăch mĭn lĕ ma Y-Đavit prơh jêh phung mbơh hăn tât gay bonh leng may yorlah nau păng yơk ma mbơ̆ may? Mâu di hĕ Y-Đavit prơh hăn phung oh mon păng văch ma hađăch gay ŭch sek uănh ƀon, n'hut uănh jêh ri gay ƀư rai lơi lĕ ƀon?”

Ndrom Samƀŭt bơh Yôp 35:2

“May mĭn di lah may ngơi pô aơ: ‘Gâp geh nau sŏng srăng tanăp măt Brah Ndu’ lĕ?

Nau Mprơ Ơm 50:21

Nây jêng nau may hŏ ƀư jêh, bi Gâp gŭ rklăk; May mĭn pô aơ Gâp ăt tâm ban ma may. Ƀiălah Gâp mra nduyh rmal may, Mpơl lĕ nau nây tanăp măt may.

Nau Mprơ Ơm 56:7

Khân păng djơh mhĭk nâm bu pônây dơi rklaih bơh nau tâm rmal lĕ? Ơ Brah Ndu, ăn hao nuih n'glưh lơi lĕ rngôch ƀon lan.

Nau Hôr 11:21

Nanê̆ phung ƀai mâu klaih ôh bơh nau tâm rmal, Ƀiălah noi deh phung sŏng srăng mra dơi rklaih.

Nau Hôr 16:5

Brah Yêhôva tâm rmot ăp nơm geh nuih n'hâm sưr, N'hêl nanê̆ păng mâu mra klaih ôh bơh nau tâm rmal.

Êsêkiêl 17:15

Ƀiălah, hađăch nây hŏ tâm rdâng đah hađăch Babilôn, mprơh nơm hăn mbơh tât ma n'gor bri Êjipt gay ma phung Êjipt ăn seh gay tâm lơh jêh ri du phung tahan âk. Păng mra dơi lĕ? Du huê bunuyh dơi klaih lĕ dôl ƀư pônây? Dơi lĕ păng chalơi rlau nau hŏ tâm rnglăp mâm dơi klaih lĕ?’

Êsêkiêl 17:18

Ngăn pônây yơh, Sêdêkia tâm rmot ma nau ton, chalơi rlau nau tâm rnglăp. Yorlah păng hŏ sŏk ti ƀư nau tâm rnglăp ƀiălah ăt hôm ƀư lĕ rngôch nau nây yor ri n'hêl nanê̆ păng mâu mra klaih ôh!’

Daniel 10:19

Păng lah ma gâp: “Ơ nơm bu rŏng ngăn, lơi klach ôh. Gŭ đăp mpăn hom jêh ri nâp nuih n'hâm! Nâp hom nuih n'hâm!” Tơlah păng dôl ngơi ma gâp, geh ntop n'hâm suan gâp jêh ri lah: “Ơ kôranh, ăn may ngơi hom, yorlah may jêng n'hâm suan ma gâp.”

Mathay 23:33

Hơi phung bêh, ndŭl mpôl bêh kăch, mâm ƀư khân may dơi klaih bơh nau phat dôih tâm ndrung ŭnh?

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

Luka 12:14

Brah Yêsu plơ̆ lah: “Ơ bunuyh ri, mbu ăn Gâp jêng kôranh phat dôih mâu lah nơm pă drăp ndơ ma khân may?”

Luka 22:58

Ƀât lât pakơi, geh bunuyh êng saơ Y-Pêtrôs jêh ri lah: “May jêng phung nây lĕ!” Y-Pêtrôs plơ̆ lah: “Hơi nâu, mâu di gâp ôh.”

Luka 22:60

Ƀiălah Y-Pêtrôs lah: “Aơ nâu, gâp mâu gĭt ôh moh nau may lah!” Ro nôk Y-Pêtrôs lah geh iăr ndrau.

Samƀŭt Pôl Njuăl Ăn Ma Phung Nsing Ta Ƀon Rôm 1:32

Khân păng rlau ma gĭt nau vay Brah Ndu hŏ nal pô aơ ma mbu nơm ƀư lĕ nau tih pônây jêng khư khĭt. Pôri, mâu di knŏng khân păng nơm ƀư lĕ nau nây, ƀiălah khân păng tâm di ndrel ma phung êng ƀư tâm ban đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:1

Pônây, hơi bunuyh ri, nđâp tơlah mbu moh may jêng kđôi, tơlah may phat dôih bunuyh êng, may mâu dơi koh dŏng may nơm; yorlah dôl may phat dôih khân păng, may tâm rmal may nơm yơh, yorlah may phat dôih bu ƀiălah may ƀư tâm ban ma bu đŏng.

Samƀŭt Pôl Njuăl Ăn Ma Phung Nsing Ta Ƀon Rôm 2:2

He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 9:20

Hơi mĭt jiăng, mbu may jêng dĭng may janh tâm rlăch đah Brah Ndu? Mâm ƀư ndô ndơ bu mon njêng lah đah nơm mon njêng păng pô aơ: “Mâm ƀư may mon gâp pô aơ?”

I Têsalônik 5:3

Lah bu lah: “Đăp mpăn jêh ri gŭ đăp rmên” pô ri nau ƀư rai tât ndal, nâm bu nau ji deh ma bu ur ntreo, khân păng mâu dơi klaih ôh.

ហេឞ្រើ 12:25

Njrăng hom, lơi dun ma Nơm ngơi đah khân may. Yorlah tơlah khân păng dun iăt nơm mbơh nau mbơh lor ma khân păng ta neh ntu, rlau lơn ma he tâm rdâng đah Nơm ntrŭnh nau mbơh lor bơh trôk, lơ hô mâu dơi klaih ôh.

ហេឞ្រើ 2:3

mâm ƀư he dơi klaih đah nau tâm rmal tơlah he uănh mâu khlay ma nau tâm rklaih toyh ngăn? Nây jêng nau tâm rklaih Kôranh Brah mbơh jêh ntơm saơm, jêh phung bunuyh tăng jêh mbơh nau nây jêng ngăn ma he.