Samƀŭt Pôl Njuăl Ăn Ma Phung Nsing Ta Ƀon Rôm 16:4 - Nau Brah Ndu Ngơi 2023

⁴ jêng bar hê khân păng sân săk khĭt gay tâm rklaih nau rêh gâp; mâu di knŏng geh gâp tuy nau yô̆ ma bar hê khân păng, ƀiălah lĕ rngôch Phung Ngih Brah Ndu phung bu năch tâm ban lĕ.

Bunong Bible Latin Script Cambodian dialect

⁴ Bar hê khân păng nây lĕ ƀŏng săk ma khât, gay ma kơl rklaih gâp. Gâp lah ueh ma khân păng, mâu di gâp dơm ôh lah ueh ma khân păng, dâng lĕ phung nsing i mâu di phung Israel lah ueh ma khân păng dadê đŏng.

Bunong

⁴ ឞារ​ហៃ​ខាន់​ពាង់​នៃ​លែៈ​ប៝ង់​ឆាក់​មា​ខឹត គៃ​មា​កើល​រាក្លាយ្ស​គ៝ប់។ គ៝ប់​លាស​អ្វែស​មា​ខាន់​ពាង់ មោ​ទី​គ៝ប់​ទើម​អោស​លាស​អ្វែស​មា​ខាន់​ពាង់ ទឹង​លែៈ​ផូង​ញឆីង​អី​មោ​ទី​ផូង​អីឆ្រាអែល  ​លាស​អ្វែស​មា​ខាន់​ពាង់​ទាទេ​ដ៝ង់។

Samƀŭt Pôl Njuăl Ăn Ma Phung Nsing Ta Ƀon Rôm 16:4 Iomraidhean Croise

II Samuel 22:41

Kôranh Brah đŏng ƀư ăn ma phung rlăng gâp rle ndŭr kơi nchuăt du Gay gâp ƀư rai jêh phung tâm rmot đah gâp.

Mika 2:3

Yor ri, Brah Yêhôva lah: “Nĕ, Gâp mĭn ŭch ƀư nau mhĭk tât tâm ƀon lan aơ Ƀiălah phung khân may mâu dơi doh ôh bơh trô ko; Khân may kŏ mâu dơi đŏng ngơk bôk Yorlah nây jêng rnôk rêh ni ngăn.

Yôhan 15:13

Mâu geh nau rŏng toyh lơn nau rŏng yor mĭt jiăng nhhơr nau rêh păng nơm.

Kôranh Oh Mon 15:26

Bar hê aơ hŏ sân săk jăn khân păng ma amoh Kôranh Brah he jêng Brah Yêsu Krist.

Kôranh Oh Mon 15:41

Păng nsong tâm n'gor Siri jêh ri n'gor Silisi, ƀư ăn lĕ Phung Ngih Brah Ndu dơi nâp.

Kôranh Oh Mon 16:5

Yor nây, lĕ Phung Ngih Brah Ndu dơi nâp tâm nau chroh, jêh ri rnoh phung chroh ăp nar lơ âk lơn.

Kôranh Oh Mon 9:31

Pôri, Phung ngih Brah Ndu tâm n'gor Yuđa, Galilê, jêh ri Samari, geh nau đăp mpăn, văch ma toyh, hăn tâm nau klach yơk ma Kôranh Brah; yorlah Brah Huêng Ueh kơl, phung chroh jêng lơ nar lơ ntop âk.

Samƀŭt Pôl Njuăl Ăn Ma Phung Nsing Ta Ƀon Rôm 16:3

Dăn ăn gâp geh nau mbah jô̆ khâl H'Phrisil jêh ri Y-Akilas, phung bunuyh ndrel pah kan đah gâp tâm Brah Yêsu Krist,

Samƀŭt Pôl Njuăl Ăn Ma Phung Nsing Ta Ƀon Rôm 16:5

Dăn nau mbah jô̆ khâl đŏng ma Phung Ngih Brah Ndu tâm rƀŭn ta ngih bar hê khân păng. Mbah khâl đah Y-Êpanetus, nơm mĭt jiăng gâp rŏng, jêh ri jêng play bôk yan ma Brah Krist tâm n'gor Asi.

Samƀŭt Pôl Njuăl Ăn Ma Phung Nsing Ta Ƀon Rôm 5:7

Jêr ngăn geh bunuyh khĭt ntrok an ma du huê bunuyh sŏng srăng, klăp lah geh lĕ bunuyh ŭch khĭt ntrok an ma du huê bunuyh ueh.

I Kôrintô 16:1

Ma nau riu prăk ma phung kloh ueh, ăn khân may ƀư tĭng nau gâp lĕ ntĭm jêh ma lĕ Phung Ngih Brah Ndu ta n'gor Galati.

I Kôrintô 7:17

Ăn ăp nơm gŭ rêh tĭng nâm nau yô̆ Kôranh Brah ăn, jêh ri tĭng nâm nau kuăl bơh Brah Ndu. Aơ jêng nau gâp nti jêh tâm lĕ rngôch Phung Ngih Brah Ndu.

Philip 2:30

yor ma nau kan Brah Krist dĭng păng bơi ma khĭt, sân săk păng nơm gay ƀư rĭng lĕ nau kan khân may mâu dơi kơl gâp.

I Têsalônik 2:14

Hơi phung oh nâu, khân may hŏ tĭng kơt Phung Ngih Brah Ndu tâm Brah Yêsu Krist ta n'gor Yuđa, yorlah khân may dơn đŏng lĕ nau rêh ni nđâp phung ƀon lan khân may nơm nâm bu Phung Ngih Brah Ndu hŏ dơn jêh bơh phung Yuđa,

Yôsuê 10:24

Nôk bu njŭn leo prăm hađăch nây văch ma Y-Yôsuê, Y-Yôsuê kuăl lĕ rngôch phung bu klâu Israel jêh ri lah ma phung kôranh chiă uănh tahan hŏ hăn ndrel jêh n'hanh păng pô aơ: “Văch dăch hom, jot jâng khân may ta trô ko phung hađăch aơ.” Khân păng hăn văch dăch, jot jâng khân păng ta trô ko phung hađăch nây.

I Yôhan 3:16

Tă bơh nau aơ, he gĭt năl jêh nau rŏng: Nây jêng Păng sân săk jêh nau rêh yor ma he. Pôri, ăn he sân săk nau rêh he yor ma phung oh nâu.

Nau Tâm Mpơl 1:4

Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,